دوامة الحياة

خدت بالك أنت؟؟

2012-02-16T23:34:00.002+02:00

خدت بالك أنت؟؟

خدت بالك أنت إن لما تقول شوفت السخيف ده عمل فيّ ايه؟ أو لما تبقى سائق و تقول ايه البنى آدم المتخلف ده.. إنك كده شتمته...طبعا ده أنا متكلمتش على الكلمات اللى بيتبدأ بابن و يتبعها اسم حيوان متوفر فى الشوارع المصرية بكثرة الأيام دى..طب و ايه يعنى؟؟...لأ مفيش..المفروض إنك منهى عنها و أكيد أنت أحسن من كده..صح؟؟..قول صح فى نفسك و أنويها.......طب أقولك معلومة عارف أن الشتم من الشتامة و قبح الوجه قال رسول الله صلى الله عليه وآله وسلم ( لا تسبوا الناس فتكسبوا العداوة منهم) و( ليس المؤمن بالطعّان ، ولا اللعّان ، ولا الفاحش ، ولا البذي) )

طب خدت بالك إن احنا أتضحك علينا لما قالو لنا إن الكدب ألوان..أبيض و أسود و بنفسجى...ايه ده هو مش ألوان؟..لأ لأ خالص......يعنى مفيش كدبة بيضاء؟.....لأ برده......و لا حتى على الأطفال؟ لأ..يعنى ايه بقى؟؟..يعنى من النهاردة لما تقول لطفل تعال اديك حاجة حلوة..تبقى معاك فعلا..يالا أنزل اشترى بقى..و لا حتى فى الهزار؟؟ لأ برده..هنفاصل احنا و لا ايه...

على فكرة الموضوع مش دينى ده متنوع..يالا نكمل.......

طب خدت بالك إن الاستاد اللى كان بيتلعب فيه الماتش بتاع الأهلى و المصرى ميكفيش بورسعيد كلها؟..و خدت بالك إن بورسعيد دى مش اسرائيل؟..طيب يعنى ايه يعنى؟..يعنى الناس اللى كانت بتقول هنكسر أى عربية مكتوب عليها بوسعيد ..دى حاجة بشعة.......يعنى مفيش شعب بورسعيدى...هى مش بورسعيد دى تبع مصر و لا ايه يا جماعة...يعنى احنا نعمل سلام مع اسرائيل و نقاطع بوسعيد..لا حول و لا قوة إلا بالله يا رب..

خدت بالك إن من أقوى دول العالم دولة اسمها الولايات المتحدة الأمريكية..و بعدها مجموعة دول الاتحاد الأوروبى..خدت بالك إيه بيتكرر؟؟..المتحدة..الاتحاد....والسودان كانت بتحتفل بتقسيمها......!!....

خدت بالك إن احنا فى سنة 1433 ؟؟بجد..ايوة بص فى النتيجة و أنت تتأكد......مرة لقيت كاتب بيقول و من الأمثلة المعاصرة و كتب فى أواخر 1300...قعدت أقول ايه اللى راجل ده كتبه؟..لغاية لما افتكرت إن احنا عندنا تاريخ تانى اسمه التاريخ الهجرى للأسف مُهمش..و عشان نكمل المعلومة بقى عشان بس شكلنا اللى بقى وحش أوى وحنا مش عارفين الحاجات دى.....الشهور العربية بالترتيب.. محرم ،وصفر،و ربيع أول،و ربيع ثانى،و جمادى الأول و، جمادى ثانى ،و رجب،و شعبان ،و رمضان ،و شوال،و ذو القعدة، وذو الحجة.، أما الشهور الحرم منهم فهم:- رجب و ذو القعدة و ذو الحجة و محرم.

خدت بالك أنت إن معظم الحاجات بتصغر لما تتملى (بص على مساحة الكمبيوتر بتاعك و أنت تتأكد)...ماعدا العقل البشرى..بيتمط و الحمد لله.....بس عشان الأمانة المعلومة دى من مدرس فى ثانوية عامة.....هو اللى كان بيحب يقول لها لناعلى أمل نعشق علم الفيزياء لكن هيهات...

خدت بالك إن جملة "تمتع بالسىء فالآتى أسوء" غلط مائة بالمائة مهما حسيت إن فى أوقات فى حياتك بتأكّد على صحتها...و أبسط دليل الناس زمان قبل الاسلام كان حالهم سىء و بعد الاسلام أكيد بقى أحسن بمراحل.....يبقى فى تحسن..و فى حياتك..لما تنجح فى حاجة..لما تّشفى من مرض..لما تواظب على عمل كويس مكنتش بتعمله.......كل ده نقلات من السىء إلى الأحسن......خليك متفاؤل من فضلك..عشان عندنا نفص فيهم الأيام دى.......آه..من نفس باب الأمانة اللى كان فوق..الجملة دى برده لنفس المدرس....

خدت بالك من الراجل اللى غلط فيك أو خبطك أو بهدلك عربيتك شوية؟؟..كان فى حاجة عايز يقولها بس لأسف كان فى نافورة إهانات اتفتحت فى وشه..الراجل على فكرة كان عايز يعتذر...أما الست فأكيد أكيد كانت عايزة تعتذر..بس حضرتك مدتلهاش فرصة........

خدت بالك إن الحاجة مش عشان هى منتشرة تبقى لازم و لابد تبقى هى اللى الصح...و إن مش لازم أى وصف محبط يتقالك يبقى صح..مثلا شوف معايا المجموعة المختارة دى من الكلمات المستفزة......

أنت فاشل و مفيش فيك أمل أصلا.....معلش بس عرفت منين يا كابتن؟؟..هل حضرتك شوفت المستقبل و أتأكدت إن مفهوش أمل؟؟....

يا دحااااااح....مبدأيا احنا إن شاء الله لما البلد تشد حالها و المجلات و الجرائد تعمل حوار مع علماء و الحوارات دى تخلى المجلة تبيع..لما نوصل للمرحلة دى الكلمة دى هتقل جدا...أصل طول ما احنا صاحيين نايمين..بنسمع أكتر بشر متقدرة و هى بتحكى ازاى كرهها للعلم ألهمها للنجاح العظيم ده....هنحس طبعا إن دحاح دى عيبة كبيرة أوى..

يا معقققد..ايااى...رُدم أنتم طيب..ببساطة لو اتقالتك عشان بتعمل حاجة صح "هسيب القاعدة الحلوة دى بس ربع ساعة عشان أصلى مثلا" او بتبعد عن حاجة حرام "مش هصاحب مثلا" قول فى نفسك لو هو ده التعقيد يبقى الحمد لله إنهم بيقولوا عليه كده..بس بلاش بصوت عالى..أحسن هيتقال عليك إنك معقد أوى..هههه......

خدت بالك إنك لو مضايق أوى...ممكن تبسط نفسك ..محدش يقدر يقولك حاجة طبعا..بس ممكن نفكر فى حد تانى و تبسطه هتلاقى نفسك ارتحت جدا........و ممكن تبدأ باللى بيتك على فكرة..عااادى جدا....و فكرت إنك ممكن تبقى بتعمل حاجة حلوة زى إنك تزور حد مثلا لكن هل فكرت إن فى حد تانى ممكن يسعد بالزيارة دى و يبقى محتاجها أضعاف أضعاف....يعنى مش بس الفكرة إنك تعمل حاجة كويسة لكن نوعها و امتى و لمين.....

آخر حاجة بقى..خدت بالك إن كل مشاكلك و أمنياتك و أسئلتك...كل حاجة ..كل حاجة....ممكن تحلها و تجاوب عليها فى كلمة واحدة......الاسلام....ازاى طيب؟.....لو محتار صلى استخارة...لو نفسك فى حاجة اتقن شغلك و ادعى جامد....لو...لو...كله له إجابة ...إن شاء الله......

خدت بالك بقى من كل اللى قلناه ده؟؟؟أنا من النهاردة إن شاء الله هاخد بالى و ياريت أنت كمان.........

الجانب الآخر من الشاطىء

2011-03-25T21:19:00.020+02:00

أكتب إليكم من القرن الواحد و العشرين عام 2011॥عام الثورة المجيدة.......لكن للأسف موضوع اليوم يذكرنى بمصر قيل الثورة॥عندما كان

يقسم المسئولون أنه لم يكن بالإمكان أفضل مما كان...و لكن فى أيام قليلة أثبت الشعب لهم أنه هناك الأفضل بكثيييير॥طبعا بعد أن استرد الشعب الامكان نفسه الذى كان مسروقا مع باقى خيرات مصر......

أظن الحيرة تملكتكم الآن......لا تحتاروا.......موضوع اليوم هو المرأة॥أو البنت.....(..نعم يا ختى؟؟....اصبروا بس و خليكم معايا) يقسم البعض أن المرأة تمتع اليوم بكافة حقوقها و عايشة أحسن أيام حياتها و أزهى عصورها كما يقال॥بل البعض يتمادى ليقول لك إننا فى بلد البنات و الآخر يتحفنا بتعليق من عينة "

عايزين أيه تانى؟؟!!...اهمدوا بقى شوية و اركنوا على جمب و كفاية عليكم أوى كده...مليتوا البلد".... لكنى اليوم جئت لأرد على هذا الأخ و غيره الكثير المغتاظين من هذه المخلوقات المسماة بنات أو سيدات...و أتمنى أن أنقل له الصورة من الجانب الآخر للشاطىء لعلى أكسب تعاطفه و الأهم موقفه الايجابى فى عدم المشاركة فى ظلم البنات॥

تخيل سيادتك أنك شخص صاحى نايم قايم حالم ساكت متكلم لا تفكر إلا فى شىء واحد فقط....أن تكون جراح عظيم أو مهندس معمارى يبدع أروع التصميمات أو طبيب فى تخصص معين أو طيار أو صيدلى يكتشف دواء لمرض عضال..أو ..أو....... و تخيل أنك بذلت كل جهدك لتصل إلى هذا الحلم.....ذاكرت حتى اشتكت منك عيناك॥قرأت مئات الكتب لأناس حققوا أحلامهم لتتعلم منهم॥درست॥تدربت॥فعلت كل شىء..كل شىء...هل تظن أن هناك أى شىء فى الوجود سيمنعك من تحقيق حلمك؟؟ (معدش فى أمن الدولة احنا ب
عد الثورة...معلش بنشطلك الذاكرة بس)

نعم هناك............تاء التأنبث..........بجد...بمعنى أنك لو رجل من فأنت لا غبار عليك॥لكن لو بنت..ففى غبار و مياه و اركنيلى فى الكمين ده شوية (مش عارفة لغوه بعد الثورة ولا لأ؟؟) و مع وجود تاء التأنيث...يأتى دور ثلاثة رجال فى حياة البنت..أبوها...أخوها......زوجها.....( و أحيانا خطيبها و ساعتها يبقى استعباط رسمى لأن لس مفيش عقد رسمى)..............نمسك واحد واحد

الأب....الكل يعرف مكانته و أنه يخاف على ابنته و يحبها إلى أقصى الحدود ..و هذه مشاعر رائعة...و لكن أن يقول لابنته أنه لا يوافق على أن تدخل مجال معين لمجرد أنه لا يحبه أو أنه غير مناسب للبنات فهذا تحكم أروع॥و ردا على التعبير "غير مناسب"..و هو بالمناسبة تعبير فى منتهى الاستفزاز لمعظم البنات...إذا كانت دراسة و عمل محترمين و بلا معصية فلماذا يكون غير مناسب!!؟؟....النساء أيام الرسول -صلى الله عليه و سلم - كن يضمدن الجرحى فى الحروب و لم ُيقل لهم هذا وقت حرب الزموا بيوتكم أفضل॥و لا قال لهم أحد أنتم القتنة لعنة الله عليكم....زوجة الرسول-صلى الله عليه و سلم - السيدة خد يجة كانت تعمل॥و لن أخوض فى كثيرا فهى بلا حصر و إن كانت كلها توصل نفس المعنى أن النساء كن يفعلن كل شىء بمنتهى الحرية أيام الرسول-صلى الله عليه و سلم-....

الأخ و خصوصا إن كان أصغر و لم يتزوج بعد و الأب موجود....انت لست ولى الامر..و إن كان حتى هو المسئول فهذا لا يعطيه الحق أن يصادر حق غيره فى أن يختار عمله و دراسته ॥و ما بالك إذا كان "غيره "هذا هو أخته॥التى من المفروض أن تكون أقرب الناس إليه من

الزوج...مليون حرام عليك.STOOOOOOOOOOP.. أن تختار فتاة لانك أعجبت بخبرتها فى الحياة و شخصيتهاالتى كونتها من خلال دراستها و عملها و سنين عمرها و...تأتى سيادك فى لحظة واحدة و تريد أن تلغى هذا كله - أو توقفه على الأقل- بمنتهى البساطة॥بجملة قاتلة "أنا مش عايزيك تشتغلى تانى "...... ياترى ماذا سيكون شعورك لو قضيت سنيييييين من عمرك فى دراسة أصعب ما يكون من أجل اليوم الذى تجنى فيه ثمار هذا التعب و تعمل يما درسته و يأتى شخص يحرمك من هذا كله؟؟؟...بالتأكيد ستشعر بالظلم...وأوليست الفتاة إنسان..و بالتالى فهى تتأثر و تتألم تماما مثلك...و بالتالى ستشعر بالظلم هى الآخرى (استنتاج منطقى)...لماذا لا يجوز أن نظلم الرجل و مستحب أن نظلم المرأة؟؟..من وضع هذه القاعدة و زرع هذا المفهوم فى عقل نسبة كبيرة من الرجال...لأسف!!

و هذا النوع من التحكم المزوج بالنظرة الخاطئة للأسف لا يقتصر على العمل و الدراسة فقط بل يمتد ليشمل الكثير من الحريات ॥المكفولة شرعا و قانونا لكل إنسان (البنات تقع تحت هذا التقسيم بالمناسبة" إنسان") كحق اختيار الزوج والكارثة الأكبر أنها كلها أشياء مصيرية..........

توضيح:.........أنا أعرف دور المرأة العظيم فى بيتها و أهمية رعايتها لزوجها و أولادها أرفض أن تحرم المرأة العمل لهذا السبب؟........(.يا جماعة هو حد قالكم إن الستات اللى بتشتغل بتكره أجوازها و لا بترمى و لادها فى الشارع)

توضيح آخر:.....شىء قبيح أن يجلس معك رجل ليقنعك بأن حرمانك من حق لكى هو من الاسلام॥و أن الاسلام الذى حث على التعليم لكل مؤمن و مؤمنة لن بستتفيد من كونك طبيبة أو بياعة بطاطا (مع احترامى لكل بائعى البطاطا)..لذا فمن الأفضل ان تاخذى معهد سنتين।أو اكتفى بالاعدادية...

رجاء: إن كنت رجل فلا تشارك فى هذه المهزلة ...و اقنع من حولك.....و لا تزج باسم الدين فى هذا...... و إن كنت امرأة فلا ترضى ان يضيع حقك أبدا॥فمضاع حق و راءه مطالب

دعاء:...هناك دعاء أعجبنى عندما قرأته و أصبحت أردده كثيرا..اللهم إنا نعوذ بك من الحزن و الهم ،و العجز و الكسل ،و الجبن و البخل،و غلبة الدين و قهر الرجال.. ..........

الحمد لله أن هذه الأشخاص المستبدة غير موجودة فى حياتى و لكنى أتمنى ألا توجود فى حياة أى بنت و أتمنى أن تبدل جملة "أنا لا امانع ان تعملى " بجملة ..العمل حقك..وأنا لم ادخل حياتك لاسلبه منك"....

I thought I won`t write again..Thanks for ٍٍٍShelina who inspired me...If you like this ,then I highly recommend her post: :

Women stuck between the darkness of Jahiliyyah and a brighter dawn »
from her blog :http://www.spirit21.co.uk/

عفوا ...لقد لقد نفذ رصيدك

2011-02-06T18:25:00.009+02:00

من المنطقى أن يكون فى أى بلد تعداد سكانه بالملايين مئات أو حتى عشرات -على أقل تقدير- ممن يصلحون لمنصب الرئيس...و لكن لماذا ينجح أحد و يقشل آخر فى الانتخابات؟؟ بسبب إرادة و رغبة الشعب..بسبب أنه هناك اتفاق من الأغلبية العظمى من الشعب على شخص ما أنه الأصلح....
.....
من البديهى أن من يتولى هذا المنصب يكون مهتما بآراء الشعب...على اعتبار أن رئيس جمهورية يعنى ممثل للشعب...
هذا كان البديهى و المنطقى..
و لكن من غير البديهى او المنطقى أن يخرج علينا الرئيس -ممثل الشعب - ليدلى بتصريحات نصها "

أنه لا يلقي بالا للإهانات التي توجه إليه من قبل المتظاهرين"....

إنها ليست إهانات يا سيدى ...إنها رغبات...

و إنهم ليسوا متظاهرين بل ملايين..إنهم الشعب
...
إذا فترجمة هذا التصريح إنك لا تلقى بالا لرغبات الشعب....و ليست ترجمته سمو فى الأخلاق كما ستقول وسائل الإعلام الرسمية..!!

......................................

عندما يخرج ممثل الشعب ليقول على جزء من الشعب يحاول أن يعارضه "خليهم يتسلوا"...فهذا استخفاف بالشعب...لقد ُوجِدت المعارضة أصلا من أجل أن ُيسمع رأيها و تدخل فى حوار مع النظام الحاكم حتى يخرج أفضل قرار لمصلحة الشعب و ليس ليتسلوا!!...

...

هل تعرف متى قال الرئيس هذه الكلمات الخالدة؟؟...عندما سُئل عن رأيه فى البرلمان الموازى...و هنا يجب أن تسأل نفسك لماذا ظهر هذا التعبير "البرلمان الموازى" إلى الوجود أصلا؟...السبب بسيط لأن من يريدوه الشعب أصبح ممنوع من الدخول إلى مجلس الشعب...

لأن مجلس الشعب أصبح مجلس الحزب الوطنى...أو لنتحرى الدقة لقد كان ينقص مجلس الشعب واحد بالمائة فقط ليصبح هو نفسه الحزب الوطنى...فرقت بونت!!

و هذا على خلفية الاكتساح الساحق للحزب الوطنى ب 99%...أو التكسيح فى هذا الحالة...

ألم تعلمهم ثلالثين سنة أو أكثر أن الشعب أصبح عنده عقدة نقسية من هذه النسب!!؟؟....لقد كان يقول أحد الظرفاء إذا أردت أن تغش فعلى الأقل غش بذكاء...

و لكن هذا غش بغباء...و استفزاز لكل مواطن....
................

و من غير الطبيعى و غير المعقول أن يقول الرئيس نصا

"أنه بات لايطيق البقاء في السلطة وأنه يود ترك منصبه الآن إلا أن خوفه من أن تعم الفوضي في البلاد هو دافعه للبقاء"

فهذا التصريح بالتحديد يثير الكثير من التساؤلات:

أولاها هل هناك هذا الجهاز العبقرى المسمى بالتلفاز فى القصر الرئاسى؟؟

لأنه لو كان موجودا فمن المؤكد أنه كان سيدرك أن البلاد فى فوضى بالفعل يزيدها هذا العناد الغير مسبوق "دكتوراه فى العند" كما قال الكاتب الكبير هيكل...

إذا كان الملايين لا يريدون الرحيل إلا برحيلك..أليس من المنطق أن تستجيب لرغبة الجماهير لا أن تستجيب البلد بأكملها لك....

ثانيها لماذا يصر جميع الرؤساء المصريين على ألا يتركوا منصبهم إلا بسبب إلهى؟

أهو نوع من أنواع العار إذا ترك الرئيس بلده حيا يرزق؟

ثالثها لماذا يظن كل من وصل إلى هذا المنصب أنه هو فقط الأصلح و بدونه ستغرق السفينة؟

أنا على ما أذكر أن مصر استطاعت أن تُسيّر أمورها طوال آلاف السنين بدون حسنى مبارك...

رابعها لماذا يُصر أن يُشعِر الشعب أنه مُعذب -يا حررام- و أنه مرغوم ضد إرادته للبقاء فى الحكم؟؟

أيضا على ما أذكر أن الشعب شبابا و كبارا ،رجالا و نساء خرج ليقول ارحل و ليس ابقى..

............

و مازلنا مع أغرب التصريحات و آخرها ما قاله الرئيس من أيام قليلة للرئيس الأمريكى :

"إنه لا يفهم عقلية المصريين و إنه لا يدرك ما يمكن أن يحدث فى حال ترك منصبه فى الوقت الحالى حيث ستسود الفوضى"

و هل تفهم أنت يا سيدى عقلية المصريين؟...و أى فهم هذا...فهمك للمصريين أنهم لا يتحركون إلا و السوط يُضرب على ظهورهم كالبيعير...أو بتعبير أحدث و عصيان الأمن المركزى تضربهم بوحشية فى أى مرة يفكروا فيها - لا سمح الله- فى معارضة القيادة الحكيمة.....

أم فهمك لهم على أنهم سيتعاطفوا معك حتى و النار تطلق على أولادهم من على الأسطح و الجمال و الحمير تدهسهم دهسا فى مشهب تصدر جميع الصحف و فوقه كلمة مصر المشوهة و ملايين من علامات التعجب و الاستفهام بعده... و كأن أبا جهل جاء من الجاهلية ليقول احرقوا من دخل فى الدين الجديد...ادهسوهم ....احرقوا من يريد حريته...

..................

أم فهمك لهم على أنهم يعيشون فى رفاهية و مشكلتهم الوحيدة هى عدم توافر ريش التعام من أجل الوسدات..و الدليل على تلك الرفاهية كثرة عدد السيارات و المدارس الخاصة كما قال النائب المحترم عز الدخيلة...

بدون أن يخطر فى ذهنه لحظة أن الناس أصبحت تستدين لتفعل هاتين الاثنين بالتحديد رحمة من معاملة غير آدمية فى وسائل مواصلات يفترض أنها مخصصة لبنى آدمين..و تعليم لا يقلل مستوى الذكاء و لكنه يميحيه من الأصل...

............................

أم فهمك لهم على أنهم سيتعاملون معك على أنك الأب و عييييييييب لا يصح هذا كما يروج التلفزيون المصرى الشقيق..و كأنه صلح عائلى و ليست دولة...إنها ليست قبيلة و أنت شيخها و سنطبق حكم شيخ العرب..أنها مصر

..............................

أم فهمك لهم أن الناس ستغفر لك لأنك لم تكن تعلم..و يالا المفاجأة الكارثية..فقد اكتشفت إذ فجأة أن الوضع "مش و لابد"..أو أنك تركت القيادة لابنك أو المقربين و هم الذين أساءوا للبلد و ليس أنت...كما يُروج فى الشارع المصرى..

مرة أخرى..إنها ليست عزبة لتفوض إدارتها لناظر العزبة و تحول ملكيتها إلى الابن..إنها مصر..

..................

أم فهمك لهم على أنهم سيصدقوا أسخف و أغبى تمثيلية تلك التى أتفقت عليها الكثير من القنوات المصرية الأثرية....أن الشباب الذين جعلوا الحلم حقيقة هم العملاء و الخونة أو أنهم هم الذين أصابوا البلد بالشلل التام..إذا كان هؤلاء الخونة..إذا فلابد أن يكون من أطلق البلطجية فى شوارع مصر و دخل و دمر الأبواب الحديدية للسجون ليخرج المجرمون فيبثوا الفزع فى نفوس البشر فيضطر الناس أن يلزموا بيوتهم و يغلقوا محلاتهم و تتوقف أعمالهم ....

و يُجبر الرجال أن تتمركز فى الشوارع حول مفترقات الطرق .. تجلس على ضوء النار و تمسك العصيان و كأنهم ذئاب الجبل و لم تنقصهم إلا "ها"..الكلمة الشهيرة لعسكرى الدورية..من فعل كل هذا.. هو الوطنى إذا !!؟؟؟..أما ذلك الذى ألبس الشرطة المصرية طاقية الإخفاء بالرغم من أعدادهم الهائلة - الأمن المركزى خاصة- و التى تكفى لملء كل شارع مصرى هو الوطنى إذا؟؟..إذا كان هذا هو تعريف الوطنى فلا عجب إذا من أن يسمى الحزب الحاكم فى مصر الحزب الوطنى..!!

............................

أم فهمك لهم على أنهم سيصدقون " أنك لم تكن تنتوى الترشح بغض النظر عن الوضع الراهن" و أنت القائل سابقا:

سأبقى في الحكم حتى أخر نفس فى صدري

.......................عفوا أيه الرئيس...لقد نفذ رصيدك...لقد نفد رصيدك من الصبر فى قلوب السواد الأعظم من الناس و خرجوا جميعا يعلونوها..الشعب يريد إسقاط النظام...

و النظام ليس أنت فقط و ليس حزبك أو مجلسيك فالأول ليس بمجلس شعب لأنه ليس بإرادته و الثانى ليس بمجلس شورى لأننا لا نرى أحد يشير أحد فى أمور الحكم....النظام الذى يريد الشعب إسقاطه نظام الظلم ..نظام الفساد..نظام الواسطة و التزوير...
......

و لكن إحقاقا للحق سيدى فأنا أريد ان أشكرك على شىء:

إنه بظلمك و تصريحاتك...بفعلك و أقوالك...أعطيت لمصر أفضل هدية...ثورة خمسة و عشرين يناير...و جعلت الجميع يؤمنون أن الشباب قادر على أن التغيير..و أنه يستطيع تحمل المسئولية...و أنه شباب وطنى حتى النخاع و ليس وطنى فقط فى أيام ماتشات مصر..
شكرا لمن يبيتون فى العراء و يقفون بالساعات و يضحوا بأرواحهم من أجل حياة أفضل..

لقد جعلتم الأمنية واقع ملموسا...و الحلم حقيقة... لقد نطقتم الجبل و تحرك..لقد جعلتونا نرى ما لم نره فى ثلالثين عاما...
و الأهم...أنكم جعلتونا نحى فى يوم تكون فيه مصر هى مصر التغيير و ليست مصر مبارك...حتى اسم البلد كان مستحوذ عليه و نسبه لنفسه....يا ساااتر...

صابر فى بلاد العجائب

2010-12-22T02:58:00.013+02:00

كان يا مكان فى سالف العصر و الأوان..كان هناك مكان..سموه أهله بأرض الأمان...بلد جميلة...و يشار إليها بالبنان..و عاش أهله فى سعادة و رفاهية..و توالت العصور و مرت الأيام..إلى أن جاء إلى البلاد ملك ظالم..كبس على أنفاس أهلها الطيبين أكثر من ربع قرن حتى بات التفس مهمة شبه مستحيلة..و أصبح حالهم يسوء يوما وراء الآخر..

و لكن بطيبة و حنان الملك الديكتاتور..نظر نظرة شامله إلى شعبه المتنامى..و أحزنه بشدة حالة الهم و الاكتئاب المتفشية فى كل مكان..فقرر أن يضيف لمسة سعادة و فرح على حياتهم..

و أعلن فى سائر أنحاء البلاد أنه سيقام مهرجان الضحك الوطنى و بعد هذا المهرجان سيتم تشكيل مجلس الضحك القومى..الذى سيكون مهمته الحرص على سعادة الشعب دائما و إطلاعهم على آخر النكات..

أو فيما يعرف باسم آخر...مهرجان الانتخبات لتشكيل مجلس الشعب القومى...

و فى هذا اليوم الموعود قرر أحد المواطبين الصالحين و يدعى "صابر" أن يذهب إلى مقر المهرجان...و على البوابة هناك

.وقف يقول للحراس.."دخلونىى..أنا عايز أضحك ..عفوا..قصدى عايز أصوت"...

فرد أحد الحراس بعد ان أتحف صابر بنظرة أقل ما يقال عنها أنها "شريرة " و تكاد تكون قاتلة...:اسمك أيه؟

فرد المواطن: صابر راضى موافق

فقال له الحارس بعد أن نظر فى ورقة طويييلة يفترض أن يكون مكتوب فيها أسماء من دخل المهرجان بالفعل..:أنت دخلت قبل كده..لقد أخذت كل جرعتك من المرح..و مفيش دخول مرتين

المواطن و هو يكاد يجن : لكنى لم أدخل...ألا تظن إن كنت سأعرف إن كنت دخلت؟؟؟...حتى انظر إلى

أصابعى..ناصعة البياض بدون أى ختم أزرق" علامة الدخول"

...

فرد عليه الحارس بعد أن ارتسمت على ملامحة الدهشة ثم الغضب فى تمثيل قد يحوز

عليه جائزة الأوسكار..:و كمان مسحت العلامة...مزووووور...اقبضوا عليه..

....

فى هذه اللحظة كان صاابر يجرى بأقصى سرعته و هو متغاظ من نفسه إلى أقصى الحدود...ماذا كان يفكر؟؟..إنه مكتوب عليه التعاسة..و لا أمل له فى الضحك قليلا بجانب صندوق الانتخابات

...

و لكن ربما هناك أمل فى الضحك ..ليس ذلك الضحك المتوفر داخل المهرجان..و لكن ضحك من نوع آخر..ضحك من مبدأ "هم يبكى و هم يضحك "...و ذلك لأنه إذا به يلمح العشرات من اليفط التى تدعو إلى انتخاب مرشح بعينه...و لكن المضحك هنا إن المرشح كان الحكومة.."وزير"...و هذا يعنى

أن المرشح بعد أن ينجح ( و هذا شىء موثوق منه مائة بالمائة..) سيجلس فى المجلس الموقر ..يقدم الاستجواب لنفسه ثم ينفى التهم ثم ينتقل إلى جدول الأعمال..

هذه الفكرة جعلت صابر يتخيل مذنب واقف أمام منصة المحكمة و بعد أن أنهى دفاعه عن نفسه ..يترك مكانه و يجلس على منصة القاصى ليحكم لنفسه بنفسه بالبراءة المؤبدة مع الأشغال الممتعة..

ولتذهب المرأة المعصوبة إلى الجحيم..ربما فى الفترة القادمة سيكون رمز العدالة امرأة ترتدى

النظارات..من أجل رؤية أفضل.. و تفرقة أحسن..

بعد كل هذا التفكير العميق من صابر و بعد أن أعياه التعب من كثرة الجرى و الخوف على حياته و صل أخيرا إلى بيته..و قرر ألا يتركه اليوم أبدا أبدا...و يكفيه خطأ واحد فى اليوم..

و لكن يبدو أن مسلسل الأخطاء لا يريد ان يتوقف...ففى حركة غبية جدا و خطيرة جدا على بعض الاعضاء كالمرارة و القلب..فتح التلفزيون على نشرة التاسعة فى القناة الأولى...

و وجد هذا الخبر...

بعد أقل من أربع و عشرين ساعة من هجوم القرش الأليف-غير المفترس- على السياح الأجانب و افتراس

أجزاء منهم ( نكرر غير المفترس )..تم القبض على القرشين المسئولين عن هذا

الشغب و مطابقة اثار الأسنان مع العضات...

. و فد تبين أن القرش الأول مختل عقليا و تم إيداعه مصحة نفسية..اما القرش الثانى فتبين أنه يتبع الجماعة المحظورة و لذلك ذهب إلى السياح ليحصل على بعض العملة الصعبة من أجل تمويل الجماعة..و قد تم إبادة جميع أعضاء الجماعة الذين يربون أسمك فى بيتهم أو يأكلوه..حيث تأكد بما لا يدع مجالا للشك.. أنها كانت تستخدم كوسيلة اتصال بينهم و بين القرش الأليف.

.لذالك تطمئن

الحكومة السياح و تعدهم بأن ستكون هناك دراسة حكومية لمحاولة تفسير هذا السلوك الغريب..و للإجابة على السؤال الذى يشغل بال الحكومة..لماذا اختار القرش السياح و ترك المصريين؟؟ألا يعرف الزيادة السكانية التى نعانيها؟؟؟...

............و عتد هذا الحد أغلق صابر التلفزيون و توتة توتة فرغت الحدونة....

طبعا أنا لا أقصد مصر إطلاقا مطلقا...و ادينى وضحت من الأول عشان لو حصلى حاجة تبقى أنتم شاهدين..و ربنا يستر..

...الشعب المتمنظر..

2010-11-10T01:05:00.030+02:00

عارف زمان

و أنت صغير -مش عارفة أيه حكاية العودة إلى الماضى اللى أنا عايشة فيها دى- تلاقى أمك بتقولك يا ابنى كل عشان يقولوا عليك شاطر

و بعدين تكبر شوية

تقولك لو أنت ولد -غالبا الأب اللى بيقول الحتة دى- ما تلعب كرة يا ابنى يمكن تبقى لعيب مشهور - و احتمال ساعتها يبقى بيفكر فى الملايين- و الكرة مع الدريم و اطلع فى

اللفلزيون..هيييييه......... أو يقولك أتعلم

سباحة...على أساس أنك هتبقى رانيا علوانى (ملحوظة: مش عارفة اسم سباح مشهور راجل )

أو لو بنت يقولوا لها العبى باليه و فرحينى باه أصلى أنا كان نفسى العبه

زمان و برده عشان اقول بنتى بتلعب باليه .....

و ياريت كمان بقى لو تكونى بتعزفى..يااه

...تمر الأيام و توصل أنك خلاص بقى

عندك بتاع ستاشر سبعتاشر سنة و خلاص هتختار أيه الطريق اللى هتمشيه و الكلية اللى هتدخلها (و بالمناسبة ناااس كتير مبتبقاش عارفة هى عايزة أيه فى الوقت ده..و ساعات و لا بعد الوقت ده)...تلاقى بقى حملة الزن المكثف اشتغلت و فجأة بقيت أنت الشخصية اللى مطلوب منك تحقق أحلام كل النااس..

اللى يقولك اطلع دكتور كده

أد الدنيا (لغاية دلوقتى أنا معرفش إزاى الدكتور بيبقى اد الدنيا كلها..أنا شايفاه فى الحجم العادى بتاع بقية بنى آدمين)....

و اللى يقولك لأ ادخل هندسة و خليك باش مهمندس..يعنى عاجباك اللى طنط زوزو قاعده تعمله فيا..كل شوية تقولى ابنها الباشمهندس راح و ابنها الباشمهندس جيه و أنا خلاص اتفرست..

أدخل هندسة عشان أرفع رأسى أنا كمان و أقولها ابنى الباشمهندس (بغض النظر إن هندسة دى آخر حاجة ممكن ترفع الرأس لأنك يعينى بتبقى قاعد مكفى على الكتب أو بترسم بعض الخزعبلات اللى طالبها الدكتور و مفيش حتى وقت ترفع رأسك)...آه و بهذه المناسبة أحب أقول و أنا مالى أصلا بطنط زوزو؟؟

و لا اللى يقوللك أدخل صيدلة..- وسعوولى بقى شوية كده - يقولك دى كلية سهلة و لا سبع سنين زى الطب و لا هتقعد تبص فى بؤ الناس زى أسنان و لا وجع دماغ هندسة....آآآه يا كدااابين..

أهو طلع فيها الأسوأ..مياة نار و فران ..و عيدى النقط و سخنى و قلبى و شوفى كام مللى و غياب بالفوطة الصفراء و ممنوع النفس و الكحة و الكلام و العطس عشان ما تلوثيش البكتريا....و الدبانة

عندها كام رجل و الناموسة كام جناح و

النعناع تحت الميكرسكوب شكله ايه.... يالا..اللى حصل بقى....

(ملحوظة: هاحاول فى مرة أكتب بالتفصيل

عن نوعية المناهج دى عشان الناس بعد كده تقدر يعنى أيه صيدلى؟..و بالنسبة للصور حاولت ادور على صور صيادلة متضايقين بس

ما لقيتش ..فعقابا ليهم جبت صورة من غير وش و بيبى بيعيط...)

.........ده حتى الجواز...الرباط المقدس زى ما بيقولوا..

الأم حاليا-الحمة مستقبلا-تقعد تدى لابنها النصايح الذهبية أنا عايزة واحدة مفيهاش غلطة..(و هانجبهالك

منين اذا كان كل الناس فيهم غلطات)

حاجة كدة أتشرف بيها قدام الناس..و

large ..و يكونوا ناس.

و ..و...و....

و أم البنت-أوالعروسة مستقبلا- تقول لها..بقولك أيه كل إلا الجواااز –وعلى

أساس انها مقالتش حاجة قبل الكده-..

أنا عايزة حاجة

تعوضنى عن كل اللى أنا فيه ( و كأن البنت و أمها هيتجوزوه مع بعض)..و لازم يبقى فيه و فيه و

عنده و عنده و أقعد اقول للناس أصل

جوز بنتى سوى و عمل..و كده...

.................خدت بالك إيه القاسم المشترك فى كل اللى فات...إن احنا عايزين نعمل الحاجة مش

عشان نبسط نفسنا احنا لأ عشان

نتمنظر...و هذه الكلمة نتمنظر بعد البحث و الفحص فى قاموس الكلمات المصرية الأصيل وجد

الآتى:

تمنظر يتمنظر تمنظرا..و هى تعنى التباهى بما تفعله و غيظ كل من حولك من اجل التخلص من

بعض المشاعر الدفينة التى يسجلها

قلبك الأسود عندما تمنظر عليك حد قبل كده...

.......................

أنا ركزت على المنظرة من الأم و الأب بولادهم لكن ده مش معناه إن هى دى المنظرة بس..لا

بالعكسسسسسسسسسس

المنظره متغلغلة فى كل ركن فى الشارع المصرى.......

تلاقى تليفون بيرن و واحد بيطلع يرد و بعدين يقول للناس ..أوه كنت فاكره موبينيل..ده طلع

تليفونى التانى بتاع فودافون اللى بيرن

و بعدين يطلعه..و يقولهم..تخيلوووا!!..ده طلع التليفون التالت بتاع اتصالات..و بعدين لما يطلعه

يلاقى و لا حد بيتصل بيه و

لا حاجة..آمال أيه..يلاقى هو كاتب لنفسه أوعى تنسى إيجار الشقة النهاردة...

و هو بقى يشرح للناس الجهلة اللى حواليه...ده

anniversary reminder

.و لا لو دخلت جهة حكومية..زى مثلا بطلع رخصة و لا حاجة تلاقى واحد

لابسلك

لبس الظباط كامل و حاطط معاه مسدسه..على أساس لو فتحت بقك..أنت

عارف مصيرك...و لو حد قال حاجة يقوله انت عارف أنت بتكلم

ميين؟

و لغاية عند أنت عارف أنت بتكلم مين و هى قمة المنظرة...هكتفى بهذا لقدر بعد ان أقول إن

مسلسل المنظرة مازال مستمرا و بيفكروا

يعملوا منه اجزاء

و بما أنا اللى كاتبه الموضوع ده يبقى أكيد أكيد..انا مشاركه فيه..و أكيد أكيد أنت فى مصر...

كل سنة و أنتم طيبين..و أنا آسفة إنى مبعلقش..أنا حتى الموضوع ده كتباه من زمان بس ماكنتش راديه احطه..مستنية لما طوفان الامتحانات اللى كنت فيه يخف شوية...بجد وحشنى اوى عالم المدونات..

حكاية نجم..

2010-09-02T06:47:00.011+02:00

بدا كنجم بعيد

يخطف الأنظار

اقترب منه الناس

بفكر عنيد

و تجاهلوا الأخطار

و قالوا يبرق كالماس

و أقسم لهم الأخيار

أنه شهاب ثاقب

و يشهد عليه الدمار

فى وطن كان سعيد

و أصبح بعده منهار

و الخبر الأكيد

أن الدمار مُتعاقِب

بالأمس حرق الجار

و أ رسل لنا الوعيد

فإما أن نستفيد

بما قبلنا صار

أو سنراه يُعاقب

من عاش فى استهتار

كانت غفلة احساس

خلطوا بين نجم الأنوار

و زارع الأرض نار

و كأنهم فى نُعاس

و لكن

قبل أن تجف الأنهار

و تُخطف الأنفاس

ذهبوا إلى الكبار

يسئلون فى التماس

مستقبل مجيد

و هروب من إفلاس

و عمر مديد

فقالوا دمروه من الأساس

قبل أن يقتل العديد

و على هذا القياس

يختلف الناس

بعضهم ذهب فريد

و الآخر نُحاس

ياريت لو حد من الخبراء فى المدونات يقول لى ليه كل ما أكتب موضوع أول حرف فى كل سطر يطير..عشان أنا جربت أزق الكلام لجوه شوية و برده ما فيش فايدة..إهىء إهىء؟؟

طلقات اللسان

2010-08-19T04:34:00.021+02:00

"إذا كان الكلام من فضة فالسكوت من ذهب " و بما أن الذهب فى هذه الأيام المباركية سعره لا يتوقف عن الارتفاع فعلى الناس أن تفكر قليلا أن يجربوا الصمت..فهناك فكرة تبدو راسخة فى أذهان الكثير أن على كل إنسان أن يشغل كل فيمتو ثانية من وقته بالكلام...

فإذا لم يكن أمامه من يكلمه، لجأ إلى التليفون فى وصلة" غيبة" لكل مخلوق على وجه البسيطة قد تمتد لساعات..و إن لم يكن بالتليفون فتجده يدندن بكلمات بعض الأغنيات الهادفة جدا جدا مثل "العنب العنب" أو "بحبك يا حمار"..حتى أن بعض الناس يتحدثون أثناء النوم ليشغلوا فراغهم فى هذا الوقت الطويل!!

و فى الحديث عن الصمت و الكلام أتذكر أحد الشخصيات التى كانت تقول لنا دائما :" المشكلة أننا نعلم الاطفال كيف يتكلموا و لكن لا أحد يعلمهم كيف يصمتوا"..

و حقا أن بعض الكلمات يمكن أن يقال عليها أنها درر و جواهر نفيسة و لكن البعض

الآخر يكون شىء آخر..يكون كالطلقات و هو تشبيه دائما كان يقفز إلى ذهنى عندما أسمع بعض الأشخاص و هم يتكلمون و يلقون بالقنابل الكلامية

على كل من تقع عليه عيناهم..دائما كانوا يذكروننى بمن يمسك مسدس و هو لا يعرفالتصويب ثم لا يكتفى بهذا بل يعصب عيناه و يبدأ فى "ضرب النار"..ظنا منه انه بطل الرمى الأوحد و إذا به يكتشف أنه بطل الرمى الأوحد و لكن للكائنات الحية المسماه "بنى آدمين"فقط ...

و ظنى أننا لو ظللنا نذكر أنفسنا بالآية الكريمة التى تقول :"ولا يغتب بعضكم بعضا أيحب أحدكم أن يأكل لحم أخيه ميتا فكرهتموه" لسكت نصف الشعب العربى...

و الغيبة لمن لا يعرفها هى كما جائت فى حديث الرسول صلى الله علييه و سلم

قال: "أتدرون ما الغيبة؟ قالوا: الله ورسوله أعلم.. قال: ذكرك أخاك بما يكره قيل: أرأيت إن كان في أخي ما أقول؟

قال: إن كان فيه ما تقول فقد اغتبته. وإن لم يكن فيه ما تقول فقد بهته."

أما النميمة هى نقل كلام صادر عن الغير بغية الإفساد....

:و لو تذكرنا الآية التى تقول

.."ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ولاتلمزوا أنفسكم ولاتنابزوا بالألقاب بئس الإسم الفسوق بعد الإيمان ومن لم يتب فأولئك هم الظالمون"

لسكت النصف الآخر من الشعب..

.......................................................

و استكمالا لطلقات اللسان إليكم بعض الطلقات التى سمعتها:

من تقول لك أنها تفضل ان ترمى نفسها من الشرفة قبل أن تختار الاختيار الذى اخترته..

........................................................

و من يتمنى الموت لك و أو كما نقول "بيفول عليك" و يقولها لك وجها لوجه..مازاحا كان أو قاصدا فالنتيجة واحدة..

...........................حسبى الله و نعم الوكيل............................................

.....عندما أسمع هذه الكلمات و غيرها الكثير أتأكد أن هناك اختراع خطير يلزم البشرية و هو اختراع "فلتر للكلام"...فقد كان يفترض أن أصل عملية الكلام أن تمر الفكرة على العقل ثم ينطق بها اللسان

بعد أن يختمها العقل بختم "صالح للاستهلاك الآدمى" و لكن الآن -ما شاء الله- أصبح الكلام قذائف أرض جو..

..و لا يجب أن ننسى الحجة الأكثر شهرة عندما يشعر من يتفوه بمثل هذه الطلقات بأنه أخطأ بعض الشىء و هى :"أصلى كنت بهزر"..

و الرد على هذا أنه يفترض فى المزاح أنه لرسم البسمة على الشفاة و خلق جو من المرح و لكن البعض يظن أنه يمكن أن يجعل من أمامه يكاد أن ينفجر من شدة الغيظ و يزال يصف نفسه بأنه يمزح...

لا يا سيدى و ألف لا ..من قال لك هذه المعلومة الجبارة؟؟

من قال أن فى المزاح كل شىء مباح...انظر لهذا الحديث..

قال رسول الله صلى الله عليه و سلم: أنا زعيم ببيت في ربض الجنة لمن ترك المراء وإن كان محقا، وببيت في وسط الجنة لمن ترك الكذب وإن كان مازحاً، وببيت في أعلى الجنة لمن حسَّن خُلُقَه.

وعن النعمان بن بشير قال: كنا مع رسول الله -صلي الله عليه وسلم- في مسير، فخفق رجل علي راحلته -أي نعس- فأخذ رجل سهمًا من كنانته فانتبه الرجل، ففزع، فقال رسول الله: "لا يحل لرجل أن يروع مسلمًا" رواه الطبراني . والسياق يدل علي أن الذي فعل ذلك كان يمازحه...

و أظن ان هذه الأحاديث رد كاف لكل من يظن أن فى أذية الناس مزاح ..فكما عوّدونا فى مواضيع التعبير التى كنا نكتبها و نحن صغار أن نكتب بعض التعبيرات القوية و كانت من ضمنها :"هذه الكلمة تحمل بين طياتها الكثير و الكثير"..و حقا كان هذا التعبير..فرجاء ألا نستهون بكلامنا..

قال رسول الله صلى الله عليه وسلم :" إن الرجل ليقول الكلمة من سخط الله لا يلقى لها بالاً تهوى به سبعين خريفاً فى النار".

........................

إن الكلام و العقل من النعم التى ميز الله بها الإنسان عن سائر المخلوقات لذا فكل ما هو مطلوب منا ان نستخدمهم الاثنان سويا و فى نفس الوقت فيكون كلامنا كله خيرا..

قال رسول الله -صالى الله عليه و سلم-: "من كان يؤمن بالله واليوم الآخر فليقل خيراً أو ليصمت".

أما بالنسبة لأسلوب الرد على هذا الكلا المسمى بالطلقات فأنا اكتفى باقتباس مقولة للإمام الشافعى-رحمه الله-:

" لإن أجادل مائة عالم خير لى من أن أجادل جاهل واحد"

,,,,,,,,,,,,,,,,,,,,,,,,,,,,,,,,,,,اللهم ارزقنا لسانا ذاكرا و قلبا خاشعا..................................................

بالأمس كانت بريئة

2010-08-08T03:33:00.011+03:00

بالأمس كانت بريئة

تلهو وسط الأطفال

تظن نفسها مليكة

وكل ما حولها جَمال

قالو عنها ..جريئة

و لكن اليوم.. تبدل الحال

أصبح الخوف حقيقة

بعد أن كان المحال

و رأت الدنيا قميئة

و الانسان فيها رحّال

و قلوب بالحزن مليئة

من أجل حفنة مال

و من تبدو للناس رقيقة

و تبث السم فى الأقوال

تحسبها خطأ صديقة

و هى من قتلة الآمال

قصة.. تبدو عتيقة

حكاها العم و الخال

إنها .. .. قصة فتاة

بالأمس كانت بريئة

واغتالت براءتها الحياة

رااجل

2010-07-16T02:27:00.017+03:00

الصورة دى بتعبر عن حالتى الأيام الفاتت...
ندخل بقى على موضوع النهارده..

فى يوم من أيام الاجازة الطويلة كنت قاعدة أتفرج على حوار مع سيمون..و بغض نظر عن حوارات الممثلين و المغنين اللى طول
ما أنت قاعد تتفرج عليها بتبقى كل شوية بتتطمن على مرارتك سليمة و لا اتفعقت
خلاص..إلا إنه لفت نظرى حاجات اتقالت فى الحوار ده...
.. كانت المذيعة بتكلمها عن أغنية مصوراها بتعامل فيها الرجل معاملة وحشة..فالمذيعة قالتلها الناس اتخضت بقى و قالت اللى
بتعمليه ده..اللى عاجبنى أوى بقى هو رد سيمون لما قالت لها..أنا كنت مطلعة نماذج معينة من الرجال ..بيضربوا زوجاتهم
و يبهدلوهم و حاجات كده و قالت لها ..أصل المفروض كلمة راجل دى كلمة كبيرة..تحتها معانى كتيرة....راااجل......عارفة يعنى أيه؟

........و من غير ما حد يزعل منى يعنى ..هى معاها حق..
.و لو جيت بصيت فى الشارع و حواليك هتلاقى الكلمة دى بقت مش مفهومة..بقت حاجة عاملة زى الشفافية و الأيدولوجية وآليات و الكلام الكتير اللى بيستعملوه المسئولين عشان المواطن البسيط و غير البسيط يقعد
قدام التلفزيون أو الجريدة متنح و يقول: لا و الله كتر خير الحكومة...عملت أيدولوجية و استراتيجية فى جملة
واحدة و فى الجملة اللى وراها آليات و شفافية!!!..
مثلا
تلاقى فى ناس فاهمة المعنى أنهم يصحوا يضربوا gel اللى وقع شعر كل ولاد مصر و بعدين يلبسوا اللبس
اللى مفيش كلمات كفاية توصفه و بعدين يلبس السلسلة اللى متعلق عليها جمجة طالعة من فيلم رعب و يشرب سيجارته لغاية ما
أوضته تبقى و لا أحسن محل كباب و بعدين ينزل الشارع و دى قصة تانية بقى...

يأما نازل يقابل صاحبته (حكاية أنه مصاحب دى موضوع لوحده أما البنت نفسها فعايزة مواضييع عشان
تتوصف )
ياما رايح لصحابه و اللى طابعا لازم يثبتوا وجودهم فى الشارع و هم مجتمعين بربطة المعلم و ده عن طريق
أنك تصحى من نومك الساعة 4 مفزوع على صوت واحد بينده يا اشررررف..كأن الموبايلات أختفت من العالم..
ده نوع من البشر فاهم أنه يبقى راجل لما يعمل الحاجات دى...
فى نوع تانى أكبر فى السن شوية اللى بيبقى وصل لمرحلة أنه رايح يخطب و المفروض عايز يفتح بيت و يعمل عيلة و الكلام الكبير
ده...المفروض و المتوقع و المنتظر أنك تلاقى قدامك شخص مسئول كده فاهم يعنى أيه أبقى قد المسئولية.. لكن كل اللى
بتلاقيه حد عايز يفهمك انه داخل يتجوز بالمجهودات الذاتية..نظام انا راجل و كفاية كده ..مش مهم أى حاجة تانية..مش مهم احترم
كلمتى..مش مهم أحقق أبسط الحاجات المطلوبة..لييييه؟..لأنكم بتشتروا رااجل...
دى أمثلة لناس فاهمة كلمة راجل غلط...و فى جملة تانية مفهومة غلط..حكاية أنهم يحمدوا
ربنا لأن الرجالة عملة نادرة فى الزمن ده..هو الحقيقى أنه الرجالة اللى من الأمثلة دى مليين البلد..لكن اللى بجد بقى عملة نادرة
راجل بالمعنى الصح و برده بنت بالمعنى الصح..الاتنين بقوا عملة نادرة أوى...
طبعا مش معنى كده أن كل الولاد فى غيبوية و البنات ضايعيين و يالا نموت نفسنا بقى و شغل الاكتئاب بتاع الفضائيات ده..لأ طبعا فى
أمثلة أقل ما تتوصف بيه أنها مبهرة و تخليك تحس إن فعلا فى أمل.....
ملحوظة صغيرة: مش عارفة ليه لم حاولت أدور على صور رجالة مصريين ناجحين مبيتطلعليش إلا صور فراعنه...أكيد جوجل
بيهرج..

كتاب الحياة

2010-02-18T15:22:00.009+02:00

علمتنا صفحات الحياة

و أياما مرت بنا كالسنين

ألا نترك بابا إلا طرقناه

و لا ننضم لحزب اليائسين

و إن وصل الفشل لمنتهاه

فهو دائما ماضى المنتصرين

و أن صحراء دُمرت من غزاة

صارت حدائق فل و ياسمين

و ألا نحكم على خلق الله

فنحن لسنا رب العالمين

و ألا يصل بنا الجهل مداه

و نصبح للبشر مُكفرين

ألسنا فى الدنيا مجرد سعاة

نطلب رحمة القوى المتين

و قبل أن يفتح الرجل فاه

نضمه سريعا إلى الكاذبين

و هو من قوم حماة

للصدق و الحق المبين

و كثيرا كنا قُساة

و فى أحكامنا مخطئين

من اليوم أحكامنا ملغاة

و أبدا لن نكون من اللاعنين

سنكون للخير دعاة

ونسير على خطى الهادى الأمين

نفسى أعيش فى يوم فرحان

2010-02-09T22:02:00.003+02:00

ازيكم يا احلى مدونين فى الدنيا...مش هاطول عليكوا النهاردة..بس عايزة أقول مبروووووووك ..لا..مش للكرة لأ..فهمتونى غلط..انا قصدى مبروك للاجازة....و معلش بقى إنى مابكتبش بقالى فترة..معلش كان في عطل فنى..الالهام كان فى إجازة اليومين دول.. .. ‏..
آه صحيح..عايزة أعمل تهنئة حارة مولعة..لمايكل صاحب مدونة مايكلاتو بمناسبة تحويل المدونة بتاعته لكتاب..ألف مبروووك...

صباح الخير عليكى يا مصر
أنا صاحى أهه مش تعبان
و دى أول مرة فى العصر
وحاسس جوايا قوة و إيمان
و حالف لاجيبلك النصر
و وعد ليكى من الجدعان
هنخليكى و لا أحسن قصر
بس فى طلب منه قلقان
و أمانة..أمانة تحققيه يا مصر
نفسى أعيش فى يوم فرحان
صبح مغرب ظهر و عصر
أقول كلام فاضى أو مليان
بس حر مش خايف من أسر
و طبعا مبقاش فيكى متهان
و أمانة..أمانة عليكى يا مصر
بلاش تانى سيول و فيضان
يبينونا كده فى حالة كسر
و بلاش نار تأكل فى القضبان
و ناس تموت من غير حصر
و أمانة..أمانة عليكى يا مصر
نفسى أعيش فى يوم فرحان

فى مزرعة رونالد

2009-12-03T22:26:00.006+02:00

فى يوم من أيام البرد القارس صحى الأخ رونالد و الراجل كان قايم بالعافية بقى من تحت البطانية..بس هيعمل أيه أكل العيش صعب..طبعا انتم بتسألوا مين رونالد ده أصلا..ده يا جماعة فلاح بس أمريكى..تعظيييم سلام..و لما أقول أمريكى يعنى حاجة تااانية خالص..هتشوفوا دلوقتى..خل
يكوا بس معايا...
راح رونالد الحقل بتاعه (اللى هو الفيلد يعنى )ماشى و بعد ما روى الكريز اللى سيادته كان زارعه.راح عشان يأكل حيواناته...آه ما أنا مقلتلكوش أصله راجل اقتصادى ..صعب عليه المكان الفاضى اللى فى المزرعة فجاب شوية حيوانات و قال يكسب فيهم ثواب و يرحهم من بهدلة الشوارع...
المهم بعد ما وصل لحظيرة الحيوانات
و حلب البقر و حطلهم الأكل راح لمين بأه..؟؟!!؟؟.....للخنازير..عااادى يا جماعة مأنا قلت ده فى أمريكا م
ش فى مصر..لا حرج يعنى....و رونالد بقى كان بيحب حيواناته أوى و بيعاملهم زى ولاده - قلنا ده فى أمريكا مش فى مصر-..ليه بأه كان بيحبهم زى ولاده و يمكن أكتر شوية ؟؟!!؟؟...لأنهم ببساطة بيجيبلوا فلوس لكن ولاده كل ما يشوفوا وشه يقولولون له عايزين ده و ده و ده -بالانجليزى طبعا-
نرجع تانى للحيوانات بعد ما عرفنا قيمتها..و كنا واقفنا عند الخنازير و خاصة خنزير صغنطوط اسمه اندرو..أيوه متستغربوش هو رونالد كان
مسميه لأن كان بيحبه أوى أصله مولود على يده و كان بيفرقه من وسط بقية الخنازير..و متسألونيش ازاى لأن دى تفاصيل بيطرية مالناش فيها...
بس أول ما رونالد -الفلاح -شاف اندرو-الخنزير-اتخض جدا و قال..
Oh My God...My dear Andrew is soo sick...
يعنى اندرو تعبان ...يعمل أيه..خدوا جرييييىى على الدكتور البيطرى (دولة متقدمة بقى يعنى من حق
كل الكائنات الحية تتعالج فيها..) بالنسب
ة للدكتور البيطرى عشان فى ناس بتسأل مين ده...ده الشخصية اللى بتدخل كلية طب بيطرى..يطلع عيناها خمس سنين و بعدين يتخرج و بكتشف المفاجأة أن مفيش حاجة اسمها طب بيطرى فى مصر لأن أصلا مفيش طب بشرى..فيشتغل مندوب أدوية و الصيادلة ميلقوش شغل يشتغلوه و يزود نسبة بطالتهم
...بس دلوقتى المشهد فى عيادة الدكتور البيطرى..الدكتور بصراحة شكله ميطمنش عمال يعمل تعبيرات غريبة بوشه و يكلم زمايله الأكبر منه و يفتح النت و يفتح فى مراجع...فرونالد قلق أوى ..قال له:خير يا دوك؟
الدكتور: شوف يا رونالد أنا عارف إ
نك راجل مؤمن..بس الصراحة الخنزير..آسف اندرو..عنده مرض غريب الشكل و المضمون..غريب عن الحيوانات لكن مش غريب عن البشر..هو عنده..عنده
رونالد:أيه يا دكتور عنده ايه؟
الدكتور:عنده انفلونزا الخنازير
رونالد: نننننننننن
ننننعم يا اخويا..انفلونزا المين.؟؟
الدكتور: زى ما بقولك كده..انفلونزا الخنازير ..و على فكرة ممكن تيقى معدية للبشر..عشان كده حضرتك لازم تعمل شوية فحوصات و طبعا اندرو هيفضل معانا شوية لأنه هيتهرى فحوصات
رونالد:هيتهرى فحو..آتشو..صا..آتشو..ت؟؟ و أنا..آتشو...كمان؟؟
الدكتور: أعتقد حضرتك مش محتاج.......
و بعد مرور الشهور لازال تأثير اندرو مدويا فى ج
ميع أنحاء العالم...حتى فى مصر الغلابانة..أنا مش عايزة أقولكم أنه وصل لغاية الكلية عندنا..بسبب الأخ أندرو الترم صفصف ع
لى شهر أو شهر و نص..و بسبب الأخ اندرو كنت بامتحن
عملى و ميد تيرم و كويز فى يوم واحد.

..يالا...متفكرونيش بأه....
معلش يا جماعة تقريا الكلية أثرت على قوايا العقلية فطلع الكلام اللى فات ده..أيه رأيكم وحش أوى أوى و لا وحش أوى بس؟؟؟.....زه عايزة أقول حاجة بخصوص البوست اللى فات..بما إن فى ناس كتير نصحتنى فمن حقها تعرف أنا عملت أيه...أنا خدت انترفيو تانى بس المرة دى ...نجححححححححححت..بس أنا اللى مردتش أروح..أصلى خلاص زهئت من الكلية و من أى حاجة ليها علاقة بيها....و عشان كانوا عايزنى أروح يوم الجمعة الساعة 9 الصب
ح..تهريييج انا عارفة..من غيرما تقولوا...
آخر حاجة بقى...معلش أنى مبعلقش و لا بكتب كتيييير..بس و الله مش بايدى يأما بامتحن يأما بحاول انسى اللى حصلى أيام المتحانات........آسفة أنى طولت عليكم...لو حد كمل لآخر الموضوع يبقى يكتبلى عشان أفرح أنى قدرت أشدكم لغاية آخر كلمة...كفاية كده أحسن شكلى اتجننت رسمى
"الله يخرب بيت التعليم و اللى بيتعلموه"......

أول انترفيو فى حياتى

2009-10-17T19:11:00.007+02:00

أول حاجة انا عايزة أكتب اعتذار كبير بالخط العريض لأنى كنت بعيد شوية الأيام اللى فاتت..بس تقريبا دى حالة طبيعية مع دخول الكلية...أول ماتدخل تحس أنك اتشليت من الصدمة..فاطبعا ماكنتش قادرة أكتب حاجة خالص...و بعد مرور أسبوعين من البهدلة و الطلوع و النزول و الخناق فى المواصلات و متعة و قفة المعامل و حر المعامل و خنقة المعامل قررت أنى أكتب تانى ...و بما إن مفيش إلهام خاااالص خاالص فأنا قررت أحكيلكوا عن حكاية لطيفة ...حكاية انترفيو يارب تعجبكو...
كان يا مكان فى سالف العصر و الأوان لما دخلت كلية صيدلة قعدت أدور على حاجة ترفيهية فيها و أدور و أدور...و طبعا ما لقيتش...كان فى حاجة كده تعتبر من نوع من أنواع النشاط...أيه ده شايفة الناس هتفهمنى غلط...نشاط علمى طبعا..بس فيه شوية حركة بتخرج بره الكلية و تروح شركات و صيدليات و كده يعنى ..فكان يعتبر حاجة فظيع!!..قالولى قدمى قلت ماشى..بس راحة أقدم أنا فى أمانة الله ألاقيلكو أيه...النشاط بيدٌخل بانترفيو...يا نهار أسود...و طبعا قلتلهم لأ أنا مش وش انترفيوهات خالص...بس الزن على الودان وحش...قاعدوا يقنعونى لغاية لما قررت أدخل العملية الفدائية دى"النترفيو"..
و فعلا مرت الأيام و جه اليوم الموعود...طبعا كان يوم معامل.."يعنى يوم البهدلة العالمى" و اليوم ده أنا بابقى بحلم بالبيت من و انا لسه فيه...المهم اضطريت آسفة أنى أقعد بعد المعامل عشان الانترفيو..و طبعا أنا قبل ما أدخل كنت عاملة بحث شامل عن الأسئلة الى بيسئلوها...برده الاحتياط واجب...
قبل ما أقول لكم عن اللى اتقال فى الانترفيو لازم تعرفوا إن اللى كان بيعملهولى كان طالب زى...آه والله..شفتوا الجمال..كلية آخر تطور...أصل احنا الطلبة أسرة فى بعضينا-على رأى الفيلم- منحبش ندخل حد غريب بينا..
وبدأ الانترفيو
أول حاجة قالى عرفى نفسك..و طبعا أنا محدش قالى السؤال ده قبل كده..فابدأت أقوله اسمى و سنى و ساكنة فين
فاعتقد أنه بدأ يحس أنى عاملة زى الخاطبة اللى بتقول مواصفات العروسة فماسبنيش أكمل و قالى أنت مش شايفة إن شغلانة مندوب الأدوية مش كويسة للبنات؟...أنا قلت له لأ طبعا كويسة..بس للأسف مردتش أكتر من كده و مش عارفة ليه...يمكن لأنى حسيته بيسأل سؤال عبيط....عامة أنا الاحساس ده كان عندى طول الانترفيو....أصل لما كلية يبقى 80% فيها بنات يبقى ميبفعش خالص تقول الشغلانة دى تنفع و لا متنفعش..غير إن البنات مش ناقصين أيد و لا رجل..إذن فسؤاله كان بالنسبة لى منتهى العبط....
و بعدين رجع لى تانى و قالى قولى لى 3 مميزات فيكى و 3 عيوب..............أوباااااا...أهو ده اللى أنا كنت خايفة منه...طبعا أنا الناس قالولى إن السؤال ده أساسى فى كل انترفيو فأنا حاولت أحضر الاجابة و أسأل اللى يعرفونى و كده...و طبعا قعدت أحاول أقنعه إن المفروض الناس هى اللى ترد على السؤال ده مش أنا...بس لا حياة لمن تنادى...يقولى أصل أنا لما أعرف عيوبى هاصلحها...يا سلااااام ماكنش حد غلب...قلت له طب أيه عيوبك أنت قال لى هاقلك بعد الانترفيو..أيه هاقلك بعد الانترفيو دى...ماتقلها بصراحة...أنا مش عارف عادى يعنى..المهم بعد فشلى من الهروب من السؤال اضطريت آسفة إن أجاوب قلت له المميزات :
1-helpful 2-responsible 3-مش فاكرة قلت أيه بصراحة
العيوب بأه:
1-عنيدة 2-عالطول عايزة أكتر...قالى ده مش عيب دى ميزة...طب بذمتك ده كلام يعنى أنا يطلع عينى عقبال ما أفكر هافوله أيه ...و بعدين يقولى ده ميزة ...طب أجبله عيب منين دلوقتى...و معرفتش أقول أيه فى التالت...هو فى عيوب طبعا بس ما ينفعش أقولها...يعنى ممكن أقول إنى بازعل بسرعة...هيقول لى طيب مع السلامة فوتى علينا بكرة...لأن دى أول صفة المفروض ماتبقاش موجودة...
يعنى هو مثلا كان بيحاول يستفزتى طول النترفيو عشان يشوف هتأثر و لا لأ...بس على ميين...أبقى بجاوب..يقاطعنى و يسأل سؤال تانى و ميبوصليش أصلا و أنا بتكلم و بعدين يقلى أنت اتضايقتى و يا ويلك لو قلتى آه...و طبعا ده بيتعمل فى كل الناس عشان يشوفوا مين اللى هيصمد و مين اللى هيخلع على أساس إن الدكاترة هتلر و لا هلاكو...ماعلينا....
نرجع للانترفيو.....الجزء المهم جدا جدا و الشيق و المسلى...قياس الذكاء..أن أن آه....أول حاجة قالى قولى لى 10 استخدامات للمسمار غير إن أننا بنثيت الحاجات بيه...فى 40 ثانية...طبعا مش قادرة أقولكم احساسى كان أيه...بالظبط زى مايكون حد سألك اسمك أيه بالصينى...تلاقى نفسك وقفت و بلمت بالرغم إن اسمك واحد بكل اللغات...قلت له بنحفر بيه ونعمل بيه
>>>art work و كام حاجة عبيطة كده تانية بس طبعا ماكملتش 10 و لا حتى 5
و طبعا أول ما خرجت من باب الكلية افتكرت اكتر من 10 كمان إن احنا ممكن نعور بيه و ممكن بما إنه حديد نستخدمه كل استخدمات الحديد...نجربه مع مغنطيس .....و نفهم منه عملية الصدأ...و أى كلام من الكلام الفارغ ده...لكن ساعتها مخى وقف....
ندخل على السؤال اللى وراه و هو لو مليتى بانيو على الآخر أيه أسرع طريقة تفضيه بيها...بالجردل و الشفشق و لا المعلقة....طبعا أنا قاعدت أسأله مليت أيه؟...يقولى بانيو...اقوله لأ تانى مليت أيه....يقولى بانيو...و بعدين قررت أصدق إنى اللى سمعاه ده صح....قلت له الجردل و أنا مقتنعة أنه غلط لأن مش معقول السؤال بيقى بالسهولة دى بس هو اللى ادالى 3 اختيارات بس............و طبعا كما توقعت طلعت اجابة غلك لأن المفروض أقول شيل السداداة....تهريج صح؟؟
و بعبدين ورالى سؤال بالأرقام بس الحمد لله أنا كنت عارفاه فقلت له أنى شوفته قبل كده فبدل ما يقولى برافو على أمانتك قالى أنت كنت هتجاوبى و لا أيه....أيه الناس دى....
و بعدين المرحلة المهمة ...مرحلة الاقناع و البيع...قالى بيعى لى التليفون ده_قصده تليفونه_و بسرعة كده رص لى اللميزات و طبعا ملحقتش أحفظ حاجة فاقلتله هابعلك تليفونى...و الصراحة هو وافق...أصل هابعلوا تليفونه السامسونج ده ازاى و أنا عمرى ما شيلت تليفون سامسونج........بس قعدت أحكيله على تليفونى قالى أنت مش شايفة أن نوكيا انتشرت و إنى الأحسن أجيب تليفون مش منتشر...طبعا الرد المناسب كنت إنى أقوله"نعم يا بابا...روح ألعب بعيد"...[س طبعا أنا فضلت ذوق لآخر لحظة و قلت له لأ طبعا لأن الأحسن إنك تجيب تليفون قطع غياره موجودة و منتشرة عشان متدوخش عليه و غير أن سامسونج مش unique
و لا حاجة ...و موجود برده..فى انترفيوهات تانية قالوا للناس بيعى لى نفسك...بجد الناس دى اتجننت...فالحمد لله أنها جت على قد موبايلات...و فى انترفيوهات تانية كانوا بقولوا اقنعينى بالتدخين..طبعا أنا لما دخلت الانترفيو قلت له أنا سمعت السؤال ده قبل كده...و برده مقدرش الصراحة دى.........
فى الآخر بقى قالى تدى لنفسك كام قلت له 90%...قالى أنت مغرورة..قلت له لأ........بذمتكم 90 % كتير دى مدخلش صيدلةحتى...نسيت أقولكم أنه فى أسئلة الذكاء سأل سؤال كمان و الحمد لله جوبته صح و كان مستغرب أوى و قعد يقولى أنت سمعتيه قبل كده...بنى آدم غريب فعلا...ليه مايبفكرش أن مخى يكون عود نفسه على نوعية أسئلة الغباء دى...عفوا الذكاء و بدأ يجاوب صح....المهم السؤال هو ازاى الواحد يغرق فى شبر مياه؟؟؟؟فانا قلت له يجيب كوباية و يلزقها على وشه بحيس أنه ميعرفش يتنفس و بكد يكون غرق فى شبر مياه...شوفتوا العبقرية.............
آخر حاجة..المرة د بجد...الولد عاوز يورينى أنه لغات و بتاع فقال لى....
Do u think I am gonna accept u?
و بيكلم بالامريكانى فاكر نفسه توم كروز...ما علينا....قلتله طبعا yes
و كان ناقص أقوله و رجلك فوق رقبتك...و طبعا مادخلتش النشاط ده..غير لأنى لبخت جامد فى الأسئلة و خاصة بتاعة الغباء د كمان لأنى ماكنتش فاهمه الموضوع عن أيه أوى فعكيت شوية...فهو فهم إنى مش واثقة من نفسى لما كنت بقله على حاجات مش هينفع أعملها...لأنى كنت فاكرة كبراة الكلية هم اللى بيعملوها...و بعيدن بعد ما خلصت الانترفيو اكتشفت أنها حاجات عبيطة و كل الطلبه هما اللى بيعملوها...................أيه رأيكم بقى..................و تفتكروا أدخلوه مرة تانية و لا أنفض.........يارب ما كنش طولت عليكم....

كفاك ذلا للبشر

2009-09-08T22:35:00.001+02:00

قم يا ابن الإسلام
و كفاك ذلا للبشر
و لا ترضى بالذل مقام
فهو أبدا ليس بقدر
و انظر ما فى الأيام
من دروس و عبر
قتل الذل أنام
و شوه نفوس كُثر
و تمت بالعزة أحلام
وانظر لهدى الرسل
و انفض غبار الأثام
و امحو من نفسك الأثر
كبلتك ذنوب و أوهام
فعميت حتى عن النذر
و انسى ذل و آلام
كانوا ماضى و اندثر
ووجه بصرك للأمام
و من اليوم افتخر
فقد تركت معاصى عظام
جلتك ذليل منكسر
و لا تجنح يوما للانتقام
و تظن انك تنتصر
فالقامات و الأعلام
تعفو عما قد صدر
أما النفوس العوام
فلا تسامح عما بدر

بحلم بمؤمن

2009-09-04T01:57:00.002+02:00

بحلم بمؤمن
فاهم دينه و دنيته
و قلبه مليان
تسامح و إيمان
و الحق هو قضيته
بيصلى و يصوم
بيزكى و يقوم
لكن كمان
عايش لهدف
وهدفه الاصلاح
مش مستنى صُدف
لكن أمل فى نجاح
من كلامه بيتعرف
ثقافة و اطلاع
و بالحكمة بيتوصف
و أسلوبه الاقناع
بيوصل رسالته
بأبسط كلام
و عدوه الأول
هو الصدام
وسط الناس عايش
و بيتكلم لغتهم
عارف العاقل و الطايش
و بيوصل مشاكلهم
وطنى و بيدافع عن بلده
باخلاص مالوش مثيل
و يفديها روحه و دمه
لأنه فى حبها أسير

الكلام ده يا جماعة مستوحى من حلقة يوم الأربعاء لبرنامج قصص القرآن لعمر خالد و هو كمان منشور فى موقع عمرو خالد و ده اللينك

http://amrkhaled.net/articles/articles3631.html

هدية الله..

2009-08-25T00:36:00.005+02:00

استيقظ الناس يوم السبت الماضى و هم يظنون أنه يوم عادى..فاليوم يبدو مثله مثل أى يوم آخر و الناس تبدو فيه مثلما تيبدو فى بقية الأيام...و لكنه لم يكن كذلك...كان يوم غير كل الأيام ..كان بداية شهر ينتظره الناس كل عام..كان بداية شهر رمضان...هدية الله للمسلمين فى جميع بقاع الأرض...فجأة كل شىء يتغير من حولنا..فمجرد أن تتأمل الوجوه، تسمع الكلام وترى الأفعال يدرك الجميع أن حدثا عظيما قد بدأ...رمضان....
نسمع كل عام فى مثل هذا الوقت عن أفضال رمضان التى لا حصر لها ،و لكن هناك فضل لرمضان ربما لا يتحدث الناس عنه كثيرا..فضل التغيير..التغيير الذى يطرأ على البشر فور قدوم هذا الشهر..حتى أنك فى كل حديث تجريه مع شخص فى هذه الأيام تود أن تسأله من أنت بالرغم من أنك تعرفه جيدا...
من أحلى المناظر التى تراها فى رمضان شخص ما يتحدث و يوشك أن يسخر من شخص آخر كما اعتاد و لكنه يمنع نفسه و يجاهدها لكى يحافظ على صيامه..و آخر كان يفعل أبشع المعاصى علنا و يتفاخر بها أمام الناس أصبح فجأة يخجل مما يفعله و لا يتحدث عنه مطلقا و يود لو ينسى الناس ما سمعوه منه...و على الجانب الآخر ترى من كان يحاول أن يكون على طريق الصواب دائما و لكنه كان يتأثر بسخرية الناس..أصبح يقول أمام الجميع أنا أفعل الصواب و أفتخر و طالما أنى أقوم بالعمل الصحيح فلا يهم كلام أحد..و ترى آخر يحاول أن يرتقى بنفسه فى مراتب التقوى.....
فعلا إنه رمضان هدية الرحمان..شهر واحد يحمل روح التغيير و يفعل فى النفوس ما لا تفعله السنين الطويلة...
و أنت فى رمضان لا تملك إلا أن تلاحظ إحساس الجماعة الذى ملأ كل مكان..احساس يجعلك تشعر أنه مازال هناك أمل و أننا نستطيع أن نجتمع على الخير و الاصلاح ، و يروادك الأمل أنه كما اجتمع الناس لأداء العبادات ..سيجتمعون أيضا لاصلاح الأرض و تعميرها...إصلاحها من الفساد و تعميرها بالنفوس الصالحة المؤمنة..
و مازالنا مع روح التغير فى رمضان و لكن مع التغير الذى أصاب النفس....شعور قوى بالتقصير يعصف بك..احساس أنه لمحاولتك فعل الصواب دائما أصابك الغرور و ظننت أنك أحسن من الآخريين او أنك تفعل المستحيل...و لم تدرك إنك إنسان ضعيف كثير الأخطاء و مهما فعلت من أشياء جيدة فعليك دائما أن تعلم أنه مازال هناك الكثير و الكثير لتفعله لتكفر عن ذنوبك و تعوض أخطائك و هفواتك...لتكون أفضل...و ليكن دائما مثالك النبى صلى الله عيه و سلم الذى كان يصلى حتى تتورم قدماه..كان يدعى و يرجو الله بالجنة و المغفرة و هو من أهلها..كان يسأل الله العفو و هو الذى سيشفع للمسلمين....كان دائما العبد المتواضع الشكور لأنعم ربه ...صلى الله عليه و سلم...فلنذكر دائما الخلفاء الراشدين و الصحابا..من كانوا ينفقون كل غالى و نفيس أملا فى رضا الله..يدعون و يتضرعون و يبكون و يطلبون رحمة الله دائما ...و هم الذين خاضوا الغزوات مع الرسول_صالى الله عليه و سلم- و نشروا الإسلام و ذاقوا العذاب لمجرد إعلانهم إسلامهم..
و فى ذكر رمضان و بما أنه يحمل روح التغيير فلنحاول و نعاهد أنفسنا و أقول لها لنفسى قبل أى أحدا أن يمتد هذا التغيير للأحسن لبقية شهور السنة..فى العبادات و الأخلاق و الاخلاص فى العمل و فى كل شىء..من ترك خلق ذميم..من ترك سيجارة من يده..من ترك غرور أصابه..من ترك تقصير فى عمله..من ترك مال حرام..من أجل رضا الله فى رمضان يعاهد نفسه أن يستمر هذا بعد رمضان..و أيضا من وصل رحمه و رأى أقارب أول مرة يراهم من سنين..و تصدق لفقير و أكرم أجير و عطف على يتيم..فلنعاهد انفسنا أن يستمر هذا أيضا بعد رمضان..
كل عام و الجميع بخير و بصحة و سلامة و إيمان قوى و قلب تقى خاشع......اللهم إنا نتوب إليك و نستغفرك...اللهم إننا نعوذ بك من الكفر و الغرور...اللهم اقسم لنا من خشيتك ما تحول به بيننا و بين معصيتك و، و من طاعتك ما تبلغنا به جنتك ، و من اليقين ما تهون به علينا مصائب الدنيا...اللهم أغفر لنا ذنبا كل سره و علانيته ، عمده و خطأه، ما علمنا به و ما لم نعلم..إنك سميع مجيب الدعاء..اللهم إنا نسألك الرضا بعد القضاء..اللهم ثبتنا و قوى إيماننا..اللهم إنا نسألك رضاك و الجنة و نعوذ بك من سخطك و النار......
...................اللهم إنك عفو تحب العفو فاعفوا عنا........................

آاااااه يا مصر

2009-08-09T02:16:00.004+03:00

شفت حالك يا مصر
و زعلت أوى عليكى
ولادك بيقتَلوا فى بعض
قدام عينيكى
شفتيهم فى الشارع
ازاى مخنوقين
رايحين البيت..الشغل
ولا حتى الجامع
بس مش حاسين
طب شفتيهم فى القهوة
قاعدين عاطلنين
بيقولوا بيحبوكى
بس هيدفعوا عمرهم
عشان يسيبوكى
عارفة بعد شهرين
ممكن يبقوا فين
تحت الأرض مدفونين
ماتوا فى عرض البحر
و قبلها كانوا عايشين
بس زى الميتين
و شفتيهم فى العشوائيات
شفت الضرب و البلطجة
طب سمعت الآهات
مين قتل أبوه
و التانى ولع فى أخوه
طب شفتيهم فى خناقة
عايشين بالدراع
و لا كأنها غابة
واحد طلَع مسدس
هيعاقب الرعاع
بس الباشا ملحقشى
قتلوووه
وحلفوا أنه محصلشى
و شفتى بأه فى السجون
بصى كده فى العيون
شايفة الذل و المهانة
أصلهم لسه متعذبين
لأ مش اسرائليين
دول على فكرة
مصريييييييييييييين
فين الحكومة و فين الشعب
حقيقى ده و لا فيلم رعب
آاااه عليكى يا مصر
زمان حلموا بالنصر
الوقتى بمية نضيفة
بوظيفة شريفة
عارفة النهاردة بالنهار
كانت أيه آخر الأخبار؟
واحد قتل صاحبه
فى لحظة طيش
و داسوا على واحدة
فى طابور عيش

مصرى و كمان طالب

2009-08-03T22:07:00.006+03:00

كونك مصرى فهذا معناه أنك ستشاهد الكثير من العجائب كل يوم اثناء الممارسات العادية و لكن أن تكون مصرى و طالب فى نفس ذات الوقت فهذا معناه أنك ستكون مثل ألكس فى بلاد العجائب...و فى الرحلة التعذيبية-التعليمية سابقا- لكل طالب هناك كارثة مهمة جدا يجب الوقوف عندها و الحديث عليها.."البعبع"...ثانوية غامة...لذا لكل من تخطى هذه المرحلة منذ فترة أقرأ بتمعن حتى تعرف كم أنت محظوظ و حتى تكون متابع لأخر التطورات و لو حدث فى يوم و أصبحت مسئولا لا تفعل مثل ما يُفعل هذه الأيام..أما لو كنت مازالت فيها أو من المعتقين حديثا فثانوية عامة بنفسها تقول لك : أنا ورائك.. ورائك....
يبدأ الموضوع و أنت مازالت تحاول الحفاظ على آخر نسمات البراءة فى النصف الثانى للسنة العبقرية المسماة أولى ثانوى..تذكر أنى سأعرض لك تجربة رائدة فى مجال الثانوية العامة..هناك اختراع مسمى المدرسين المشاهير و هم يشبهون إلى حد كبير نجوم السينما ..يتركزون فى القاهرة و بدأوا ينتشروا فى المحافظات...
و أنا كنت من ضمن الناس التى تشرفت بمعرفة هذا النوع من البشر و رأيت العجب العجاب معهم..بعد أن تحجز لديهم "قبل الهنا بسنة"..ماهم بالحجز أمال فاكر الموضوع سلطة؟...و أنا أسأل صديقاتى ماذا فعلوا تفاجأ بواحدة تقول لك:"أنا رحت متأخر فحجزت فى الواتنج ليست"...طبعا بعد أنت تتأملها كثيرا و تصاب بالشلل المؤقت لفترة ثم تسألها:مش دى بتاعة الطيرات...وقتها تفاجأ أنه ربما شركات الطيران سرقت هذا النظام من الرواد المشاهير...
المهم تنتهى أولى ثانوى و مرحلة الحجز و تبدأ الاجازة "اللى متاكل منها حتة كبيرة"...ثم تبدأ فى أن ترى هؤلا المشاهير على الطبيعة..."أفتكر تاخد معاك أوتجراف"...طبعا أن تأخذ كل الدروس عند مشاهير معناه أنك ستنسى شكل بيتكم لأنك ستقضى معظم الوقت فى الشوارع تتجول من هذا السنتر فى أقصى الشرق إلى ذلك السنتر فى أقصى الغرب..
أول حصة لك لها صدمات خاصة..مثلا يمكن أن تجلس و تفاجأ بكبر حجم القاعة التى تسع لفيل تقريبا و أنت فى مدرستك لم تكملوا الثلاثين طالب و الأجمل أن نفس المدرس يدرس فى مدرستك "..بس تعمل أيه حكم القوى..."
و بعد أن عانيت و وجدت المكان يبدأ فجأة أشخاص فى الدخول و يوزوعوا عليك الأوراق...أما الأشخاص فهم المساعدين و هذا اختراع جديد أيضا و براءة الختراع مسجلة باسم أحد المدرسين المشهورين..أما الورقة فهى لتكتب بيانتك بالتفصيل الممل..مثلا إذا كتبت فى وظيفة الأب طبيب لن تقبل منك الورقة فيجب أن تكتب التخصص و إذا كان أستاذا فى الجامعة يجب أن تكتب هذا أيضا..و هكذا بالنسبة للأم...
و مازلنا مع أول حصة و لكن مدرس آخر و بما أن لكل شيخ طريقة فقد فضل هذا الشيخ أ يبدأها ببعض التعليمات المتعلقة بالدراسة بشكل لا يصدق..ألا تلبس "كاب"..الحمد لله أنهم سمحوا بالحجاب للبنات..و ألا تلبس شبشب لأنك مش جى حمام..و مثل هذا الكثير ...و آخر صف لنا مجموعة من البنات الذين جربوا المنتج عفوا المدرس فى السنة الماضية وليأكدوا للطلاب الجودة التى سيتلقون بها التعليم فى هذه السنة و أنه يختلف عن الآخريين..
بالنسبة للأسعار فتجدهم متأثرين جدا بمبدأ موبينيل و هو الحساب بالثانية..فتتراوح سعر الحصة من 25 جنيه إلى 55 جنيه فى بعض المراجعات الطويلة (حوالى 3 ساعات +امتحان هدية)..أما بالنسبة للملازم فهى الأخرى تختلف أسعارها من العشرين إلى المائة..و نظرا لغلو المعيشة تزيد الأسعار كل سنة عملا بمدأ "النهارده مش زى امبارح"....و أحيانا تزيد فى نفس السنة..لأن كل شىء ممكن..
نعود مرة أخرى لأختراع المساعدين و يتراوح عددهم من اثنين إلى عشرة أو أكثر وينقسموا إلى تخصصات..بعضهم يصحح أوراق الامتحانات و هم مدرسون و يحملون نفس الشهادة التى يحملها المدرس المشهور...و بعضهم يوزع الاوراق و يكتب على السبورة و يحمل الشنط و البعض الآخر يكون مسئول عن الحسابات و كشوف الأسماء و هؤلاء فى الغالب يكونوا مدرسين تربية رياضية..
طبعا فى هذا الوقت من حقك أن تسأل و أين المدارس؟؟....يكفى أن أقول لكم أنى عاصرت اليوم الذى رأيت فيه الطلاب يتصلون بالمدرس ليرجوه أن يأتى للمدرسة ليراجع الدرس الذى شرحه لنفس الطلاب الليلة الماضية..و هو نظرا لطيبة قلبه يستجيب لنداء الجماهير و لكنه يكون متعب بعض الشىء برغم من أنه كان فى منتهى الصحة منذ ساعات قليلة ..و بعد أن يشرب الشاى و السيجارة..أمال هيفوق أزاى... يبدأ فى الشرح ثم يمل فيدخل قى حديث ودى مع الطلبة عن ذكرياته و أشياء مثل هذا..
أما عن بعض الكلمات التى لن تنساها أبدا ماحييت..أن يقف مدرس و سط مائة طالب و يقول "أنا قليل الأدب"..و نفس المدرس يقول "أنا شكل أمى غبى"..ماليش دعوة هو اللى قال كده..و الكثير و الكثير لكن نكتفى بهذا القدر..
من الملاحظات الملفتة أيضا فى ثانوية عامة أنك مهما حاولت أن تفكر فى السبب الذى دفع حكومتنا العظيمة أن تجعل هذه المهزلة تستمر لمدة عامان متواصلان فلن تعرف و لكن ربما تؤمن الحكومة أن التكرار يعلم....الشطار
فى النهاية أنا لست أنتقد هؤلاء المدرسين بقدر ما انتقد هذه العملية التعليمية التى أفرزت هذه النماذج..فبعض المدرسين شخصيات رائعة بحق و لكن ماذا عساها أن تفعل و هى تعيش فى مصر المحروسة؟...كم أتمنى فى يوم أن أرى تعليم يمكن ان يقال عليه فعلا تعليم و ليس ذلك الذى دفع أحد المدرسين أن يكتب على السبورة "حفظ بغباء"....طبعا كل كلمة كتبتها حقيقية 100% و معظمها حصل معى أنا شخصيا فأنا لا أفترى على أحد...

هو لسه فى أمان؟؟

2009-07-26T21:04:00.010+03:00

هو لسه فى أمان؟
لسه فى حب و حنان
بعد الضرب و الإهانة
بعد ما اتخانت الأمانة
الأب خد عليه العهد
و هو حلف له بالوعد
قاله أنا مديك هدية
بنتى حتة من عنيه
حافظ عليها و صونها
و أوعى فى يوم تخونها

فى بيتها كانت أميرة
وفى بيته عاشت سجينة
افتكر أنه بشوية فلوس
ممكن يمتلك حتى النفوس
قالها أنا هنا الراجل
و أنت على طاعتى ُمجبرة
لو أمرتك تقتلى نفسك
أنت حتى مش مُخيرة
مفهمش أنها كيان تانى
مش عبد لانسان أنانى

هو لسه فى أمان؟؟
لما البنت تنزل الشارع
خايفة منه و هو فاضى
و خايفة أكتر لو مليان
من ناس معندهاش وازع
فاكرين أنه كله عادى
نظرات زى السهام
و أسوأ منها الكلام

هو لسه فى أمان؟؟
لما الراجل يجى ينام
قلقان من صوت مريب
ليكون غدر حد قريب
و شايف أقرب الناس
عقلهم موٌت الاحساس

لسه بأه فى أمان؟؟
لسه فى حب و حنان
و لا ده مجرد كلام
أحلام و شوية أوهام

لأ لسه فى أمان أكيد
بس بطل تبقى كيان عنيد
منهجك مع الناس التهديد
و رافض أسلوب جديد
مع الضعيف عايش مفترى
و مع القوى خايف منطوى

اقتل الوحش اللى جوانا
اللى كبر كل يوم معانا
و قتل أحلى ما فينا
حب و تسامح ملينا

و عشان يبقى في أمان
أفتكر دايما أنك إنسان

...............................................

معلش يا جماعة..مش عارفة ليه كل ما كتب موضوع يبان أنه نصيحة أو موعظة.أنا بس مش بحب المشاكل اللى من غير حلول..لكن مابقاش قاصدة خالص قصة النصيحة دى..أنا بكتب اللى حاسة بيه وخالص..يطلع شعر..يطلع كلام عادى..نصيحة...نكتة..هو و ظروفه بأه..عامة هحاول أكتب حاجة مختلفة المرات الجاية..كفاية رغى بأه..عايزة أعرف رأيكم فى الموضوع ..و خدوا بالكم من لوك المدونة الجديد...

الانسان الآخر

2009-07-19T01:22:00.004+03:00

اعتدنا دائما أن ننصنح المخطىء..نوجه له الوم و العتاب..نرجوه ان يصلح من نفسه..نحاول معه بالشدة مرة و باللين مرة أخرى..و لكن ماذا عن الانسان الآخر؟؟..نعم ذلك الذى دائما يحاول أن يفعل كل ما هو صحيح..يندم على أخطائه سريعا و لا يستطيع أن يغمض عيونه من عذاب الضمير..

اسمحولى أن أخذكم فى جولة داخل عقل هذا الشخص حتى نتاكد أنه هو الآخر يحتاج للنصيحة أو لنقل يحتاج لمن يثبتٌه على ما يفعله..
هو يفعل الصواب و مقتنع به تماما...و لكن أين المشكلة إذن؟..المشكلة الكبرى تكمن فى من حولك، فأنت لا تعيش فى هذا العالم وحدك..تعيش وسط ناس يخطئون و هذا طبيعى لأن كل ابن آدم خطاء..و لكن غيرهم يخطئون و يتباهو بما يفعلوه و هو من أقبح الذنوب..و ليتهم يكتفوا بهذا بل يبدأو فى الاستهزاء بمن حولهم و يزعزعوا ثقتهم ...أنا أعرف أن من على حق لابد أن يكون واثق تماما إلى درجة اليقين..و لكننا فى النهاية بشر نتأثر بما حولنا و نؤثر فيهم..
إن هذا يذكرنى بمن رأى نبات بلا ورود فى حديقة ما..فبدلا من أن يرى ما مشكلة هذا النبات العليل..قرر أن يقطف الورود من كل نباتات الحديقة...
إذن خلاصة الكلام هى أنصح الشخص المخطىء و ثبٌت من يواظب على الصواب..و تذكر فى كلا الحالتين أن :"المرء على دين خليله فلينظر أحدكم من يخالل"
........الحمد لله الذى لا إله سواه..اللهم ثبتنا و قوى ايماننا و ارضنا بما قسمته لنا.........

عيد ميلاد سعيد..

2009-07-03T21:31:00.014+03:00

........Happy bithday.....Happy birthday to

عيد ميلاد سعيد
.......zum Geburtstag liebe
........................................
يا ترى يا هل ترى النهاردة عيد ميلاد مين اللى خلانى أكتب بالألمانى كمان؟؟؟..............هو الصراحة بكرة..4 يوليو...و مش عارفة الساعة كام عشان الوقت ما كانش مظبوط ساعتها.........................................

ها عرفتوا عيد ميلاد مين؟...طب نغنى الأغنية دى عقبال ما تفكروا...
يالا حالا بالا حيوا أم الفصاد حيث عيد ميلادها الليلة أسعد الأعياد..فلتحيا أم الفصاد...
شكلكوا مش عارفين...و لا استنوا كده..سمعت حد بيقول الاجابة الصح أهو....برااااافو...

....................................عيد ميلاد المدونة الأول..................................

هيه..هيه..آه بجد فات سنة كاملة..و لو إنى مش مصدقة..و بهذه المناسبة السعيدة ستقام الأفراح فى كل الشوارع سبع أيام بلياليها...أيه مش خسارة فيها......كم تقرر توزيع..أيه لحمة؟لألأ..أنا أكبر من كده سيارة على كل مواطن اللى هى بعد الجمارك هتبقى بونبوناية...

بجد عايزة أشكر كل اللى دخل و كتب تعليق..كل اللى بيقول رأى أو نصيحة أو نقد...مش هاقول أسماء عشان مانساش حد..عايزة أقول لكم أد أيه أنا بفرح بتعليقاتكم و ببقى مستياها بفارغ الصبر..
It really means a lot to me....
آه بالمناسبة السعيدة دى المدونة انتقلت من مرحلة الاذاعة إلى التلفزيون؟؟مش فاهمين صح...لألأ لسه ماوصلتش للتلفزيون و لا حاجة..بس قصدى بدل ما كانت كلام بس هتبقى كلام و صور يتعبر عن الموضوع..على قد ما أقدر يعنى..

نتكلم فى المهم بأه الهدايا..أيه ده أيه ده الناس بتمشى و لا أيه...ما تخفوش مش هتكلفكوا حاجة...عايزة التعليقات تكون عبارة عن تعليق عن المدونة ككل..أيه أكثر حاجة عجبتك فيها و أيه أكثر حاجة معجبتكش..و السؤال ده مهم جدا جدا...أيه من وجهة نظركم ممكن يتعمل جديد عشان تبقى أحسن؟..حاجة حاسين أنها ناقصة؟؟...حاجة كانت حلوة المفروض أكتر من منها وأو وحشة أأقل منها.؟؟...

.
الأمنية..أيه مش عيد ميلاد؟..يارب المدونة تنتشر أكتر و أكتب أكتر و أتشرف بمعرفة مدونين أكتر...و بجد أنتم احلى هدية........

نعمة الحياة..

2009-06-27T18:41:00.003+03:00

"خلاص زهئت..مش طايقة و مش قادرة استحمل و على رأى الأغنية طئان زهئان مضايق....مجروح مخنوق مش فايق"
من منا لم يفكر بهذه الطريقة و لو مرة فى حياته أو حتى رأى من يفكر هكذا...أحيانا تضيق بنا الدنيا..نيأس..نغمض عيوننا عن أى بارقة أمل..ثم فجأة تأتى طاقة نور مبهرة تجبرنا أن ننظر لها و نعيد التفكير و نستعيد الأمل....و لكن ماذا لو لم تأتى تلك الطاقة المبهرة؟...عليك إذن أن تصنعها بنفسك...لتنتشل نفسك من بقعة اليأس المظلمة التى تحيا فيها...فلقد استوقفنى دعاء قراته منذ فترة..."الحمد لله على نعمة الحياة"....
....بالرغم من أنها كلمات بسيطة جدا و لكنى أرها تصلح كمنهج كامل للحياة...تخيل لو كل شخص فكر فى حياته كنعمة و خاصة فى الوقت الذى تكثر فيه الصعوبات و يبدأ اليأس فى التسلل إليه...تخيل لو بدانا نقارن الحياة بنعم أخرى محسوسة لتقريب الصورة ..
بالطبع الجميع متفق على ان الأموال من أكثر الأشياء المحسوسة التى يضعها الناس على رأس قائمة النعم-مع انها ليست بالضرورة نعمة..
..إذا ماذا كنت ستقول لو رأيت أحدا يمسك نقوده و يمزقها قطعا قطعا بجيث يستحيل إعادتها مرة اخرى؟؟
..و ماذا كنت ستقول إذا رأيت أحدا يشعل النيران فى شقته؟؟
وماذا كنت ستقول لو رأيت أحد يؤذى من يحب؟..باعتبار أن الأشخاص من أهم النعم فى الكون..
غالبا سيوصف هذا الشخص "بالمجنون رسمى"...و بأنه لا يقدٌر النعمة التى أعطاها الله له و يتمناها غيره...إذا لماذا لا نفكر فى الحياة هكذا على أنها هدية من الله لنا..فقط يجب أن ُنحسن استخدامها و نحاول أن نجعلها حياة سعيدة فى معظم الأوقات و ليس فى كل الأوقات فهى مازالت..حياة و ليست جنة...و نتذكر أن من الجحود عدم تقدير قيمة الهدية أو النعمة.............
...هذا لمن ييأس و يضيق من الحياة و لكن من العدل أن نقول أن هناك أشخاص أخرى يستتحقوا ان يوجه لهم الكلام و هم من أسميهم "بقتلة الأحلام" و" مدمرى الآمال"...
فتجد الانسان لم يوفق فى كل حياته -وهذا طبيعى جدا فلا يوجد حياة مثالية - مع ذلك راضى تمام الرضا على حياته و أهم من كل هذا أنه يأمل بالمزيد فى المستقبل و لا يتوقف عن الحلم و الطموح و محاولة تنفيذ أحلامه...ثم يأتى أحد قتلة الأحلام فيصيبه بكلمات أشبه بالطلقات تجعله يكره حياته كلها...
...................فيا قتلة الأحلام رفقا بالبشر............................
و يا أصحاب الأحلام تشبسوا باحلامكم ففى النهاية هى أحلامكم و ليست أحلام الآخرين..

عذر بس مش أقبح من ذنب..

2009-05-24T21:31:00.004+03:00

أنا بجد عايزة أقول أنا آسفة لكل المدونين الرائعين اللى بيشرفوا مدونتى و بيعلقوا على موضوعاتى..أنا عارفة انى مقصرة فى حق مدوناتكم جامد جدا...بس فى الحقيقة أنا مقصرة فى حق النت كله...و طبعا أكيد السبب هو الامتحانات...لأسف..اهى اهى..أنا بكل فخر عايزة أقول أنى بامتحن من 22أبريل ل 15 يونيو..14 امتحان...عملى و نظرى..صبح و ظهر و و ليل...أيه رأيكم فى الأرقام؟؟؟...ده بس عشان الواحد قبل ما يدخل كلية عملية عسكرية زى اللى أنا فيها دى يفكر 100 مرة..و على راى اللى قال "كنت فين يا لأه لما قلت آه"..يالا أهى غلطة و بادفع تمنها...باكرر الاعتذار و يا ريت تتقبلوه و خصوصا عاشقة الأحزان لأنها شخصية فى منتهى الذوق و انا يدوبك شوفت مدونتها مرة واحدة و بعدين الدنيا مطرت عليا امتحانات...و طبعا كل المدوننين الرائعين الآخرين..يارب ما يكونش حد زعلان منى و ادعو لى ربنا يعدى الأيام دى على خير من غير ما يجرالى حاجة

..................................................................................
أعتقد أنى وصلت الرسالة كده...و المدونة إن شاء الله فى اجازة لغاية ربنا ما يفرجها و ناخد الاجازة...أشوفكم ان شاء الله فى شهر الحرية..يونيو..أو بعده على حسب الحالة الصحية بعد هذه الامتحانات..هاأقول أيه..ربنا ما يكتب البهدلة دى على حد..

من النهارده قول لأ

2009-04-19T23:35:00.004+02:00

من النهارده قول لأ
انسى الناس و عيشها بحق
و قولها كده بصوت عالى
أنا هبقى إنسان تانى
آه مش مغرور و لا أنانى
بس هيعيش الدنيا صح

مش هيمشى جنب الحيط
و هيخرج خلاص بره البيت
و هيقول ولو صوته اتبح
أنا اللى ماشى هنا صح

هيمشى فى وسط الشارع
و لو مين قدامى ممانع
لأنى إنسان عايش حر
مش مستنى كلمة حد
و لا خايف من أى سد

كفاية علينا استسلام
كفاية سكون و خضوع
مش هنرضى بأى كلام
و نخاف لأنه ممنوع

كفاية نسكت على الغلط
ولو اترمينا حتى بزلط
و نقول مسكين مقصدش
بيهزر أو حتى ما يعرفش
لأ ده معاك مابيهزرش

ده بيوصلك رسالة
حتى لو كانت مش متقالة
النهاردة أنت اللى سكت
بكرة من الكلام هتتمنع
وبسهولة كده هتتظلم

حتى لو قلت أنك زهئت
و من الظلم خلاص تعبت
لأن صوتك هيخرج مكتوم
ماهو صوت واحد مظلوم

فمنهاردة خليك مع دماغك
وامشى دايما ورا اختيارتك
حتى لو دقت من ده المر
بس فى الآخر هتفضل حر
...ياجماعة توضيح بسيط

الموضوع ده مش مقصود به أى حاجة سياسية ..ده بس عشان حياتك الشخصية..أنا وضحت أهو..مش ناقصين مشاكل..

صباح التهريج يا جامعة

2009-03-28T20:10:00.005+02:00

فى يوم ما بعد عذاب الثانوية الغامة حصل و ووجدت نفسى أدخل أرض الجامعة الموقرة...و بعد مرور الأيام تغيرت نظرتى للحياة أو لنقل رأيت شكل جديد للحياة...أشياء كثيرة ملفتة تستحق أن تذكر و يعلق عليها.
... أول إحساس ستشعر به فى الجامعة أنك كنت تلعب فيما سبق و" من الآخر حياتك قبل كده ماكنش لها لازمة" و هذا ليس كلامى و لكن كلام الأساتذة :"انس بأه أيام الثانوية دى أنت فى الجامعة ...بطلو شغل العيال ده أنت فى الجامعة...الخ
... بمجرد دخولك الحرم الجامعى -خد بالك من حرم دى- ستعرف فورا لماذا سمى بهذا الاسم ..لأنه يفعل فيه كل ما هو محرم...
....ستفاجأ أنك طالب دون المستوى لأنك ببساطة طالب عادى بينما غيرك طالب مميز أو "سوبر سايز" مثل السندوتشات تماما يأخذ مناهج مبسطة جدا و يعامل معاملة جيدة جدا "بيطبطب عليه من الآخرو هذا كله فيما يسمى بالتعليم المميز أو الموازى- و ما تعرفش موازى لأيه بظبط؟-..أو النظام الجديد أو أى كان...أما تعليق الأساتذة عن هذا..:"دعونا نتفق ألا نسميه بالتعليم المميز و لكنه البرنامج الجديد"...لا و الله!
....المشكلة الكبرى كيف تذاكر و من أين؟...عندك كتب...وورق محاضرات ..وورق دروس و أنت اختار..بصراحة"مش مخليين نفسنا فى حاجة"...أما الكتاب فلن تفهم ولا كلمة_خد بالك أنا بتكلم على أشطر الطلاب-هذا إن كان الكتاب أساسا له علاقة بالمنهج لأنه غالبا لا يكون له علاقة كبيرة....ورق المحاضرات من عمل الطلبة فملىء بالأخطاء...وورق الدروس ُيحارب بضراوة من قبل الأساتذة و ممكن ُيتعمد ألا يأتى المذكور فيه....يعنى أنت ضايع ضايع.
...يمارس الدكاترة بعض العادات الغريبة التى فشل كل العلماء فى تفسيرها و اعتبرت من الظواهر الكونية الغامضة...."يبقى فى كتاب طويل عريض ملوش أول من آخر..ماشى..و يقولك لأ أنا هقول حاجة مش فى الكتاب. ...ليه يا سيدى؟عشان أعرف مين بيحضر و مين ما بيحضرش و مين مركز و مين نائم فى المحاضرة؟.هو المهم أن احنا نحضر و لا نفهم؟....
....نسبة وجود حد بيعرف يشرح من المعيدين 3 من 5..أم من الاساتذة 1 من عشرين...و متسألش بيحصلهم أيه لما يكبروا...ايجاد شخص يستطيع الشرح و تبسيط المعلومة كايجاد مسمار فى بحر_لو لقيته أبقى قلى....
....من كلامات الأساتذة المأثورة:أنت طالب جامعة يعنى لازم تروح المكتبة و تقرا من مراجع و تعمل أبحاث"....بصراحة كلام جميل بس مش فى مصر..مش فى مدرج وظيفتك فيه أنك لا تسمع و لا ترى و لا تتكلم..فقط أكتب-ده لو قدرت يعنى و قعدت-.....و بمناسبة الأبحاث التى يصمم عليها الأساتذة فجميها تكون منقولة..أصل ازاى حد مش فاهم محاضرة يعمل بحث عنها و ازاى هيفهم أصلا و الأعداد مئات أو ألوف..
....أيضا هناك بعض التصرفات الغريبة التى ليس لها معنى اطلاقا...أن تكون مادة كتابها بالانجليزية و كذلك امتحانها و يشرحها الأستاذ بالعربية...ليه يا سيدى؟أصلى عايز أعرب المواد..يا سلام ..طب و الامتحان؟...
....من المناظر المألوفة فى الجامعة:مبنى جديد يدهن سقفه_هو كويس محدش قال حاجة-و لكن المعامل فى نفس المبنى فى حاجة شديدة لأدوات..لكن طبعا انتم عارفين الأولوية للسقف..أصله الواجهة حتى و لو كان جيد أصلا.. ...............................................................................................أن تتطرد من الجامعة ...من كل غرفة و مدرج و معمل و حتى الحمامات....ليه يا اخوالنا أصل الوزير جى...طب و احنا ذنبنا أيه...تحس انك بتاع لبن و حد بيقلك مش عايزن النهاردة فوت علينا بكرة.....................
.....و أخبرا مسك الختام النتيجة...دى المهزلة بعينها....أكثر من شهر يقال أنها ستظهر النهاردة باليل حتى ُدمرت أعصاب الجميع...ثم تأتى مرحلة الكنترول حيت"يسترزق"فيها الكثير و لكنها للأسف تحمل نتائج مشكوك فى صحتها...واحدة مثلا جابت نتيجتها ثلاث مرات من الكنترول مرة امتياز و مرة جيد جدا و مرة مقبول..تقريبا على حسب المبلغ المدفوع....و المرحلة التالية التليفونات..و دى ملهاش حل...هل تتخيلوا بماذا يجيب الرقم المعلق فى الكلية لمعرفة النتيجة فى اعلان واضح للجميع...يجيب بنصائح للجمال و العناية بالجلد و الشعر..آه و الله..و لو مش مصدقين جربوا بنفسكم..

................................................................................................................................

.....معلش عايزة أطلب من كل اللى هيعلق..يكتب لى أيه رأيه فى الموضوع و الأسلوب والكتابة بالعامية و الفصحى أو الاثنين معا...و الموضوع ده مقارنة بالى قابله..ده عشان اللى كانوا معترضين على الموضوع الى فات و ياريت تساعدونى بتعليقاتكم و توجيهاتكم عشان أكون أحسن....شكرا لكم جميعا..

..وجدتها..

2009-03-25T00:40:00.002+02:00

بعد نهار شاق رجعت سلمى من كليتها مرهقة و مهمومة كعادتها و لكن قبل حتى أن تدخل شقتها كانت تسمع صوت أختها التوأم فرح يأتى عاليا من الداخل...دخلت سريعا و القلق يساورها..و عندما دخلت وجدت أغرب منظر..لم تعرف أتضحك عليها و تتطمئن أم تقلق على أختها أكثر...
كانت أختها تبدو عليها كل معالم الفرحة و تقفز من السعادة و لا تردد إلا كلمة واحدة..وجدتها وجدتها..
بادرتها سلمى بأول سؤال خطر على بالها:هل جننتى؟
فرح:اطلاقا..أنا فى كامل قواى العقلية..
سلمى:إذا لماذا تفعلين هذا؟..متأثرة بنيوتن مثلا؟
فرح:سوف أحكى لكى لتتأكدى أنى لم أجن بل لم أكن فى حالة أحسن من هذه من قبل
سلمى: كل آذان صاغية
فرح:أنت بالطبع تعلمين أننا منذ الولادة لم نفترق أبدا..كنت رفيقتى فى كل شىء و فى كل مكان..فى اليبت و المدرسة و النادى..فى اللهو و الجد..فى الدراسة و الاجازة..كل شى..و ظللنا هكذا حتى جاء ما فرقنا..و لأقل لكى الصدق أنا لم أكن أتخيل أن هذا ممكن..بل لم أحسبه حتى مجرد احتمال
قاطعتها سلمى و كأن فرح فتحت جرح لم يندمل بعد:حتى جاءت الكليات و فرقتنا..و جعلتنا لا نرى بعض إلا صدفة لاختلاف الأماكن و المواعيد...
فرح:نعم ..و لا أكذب عليك أنى منذ هذا اليوم -الذى كنت أعتبره مشئوما- و أنا أشعر أنى لا أعيش..أتنفس و أاكل و أشرب و لكن لا أعيش..فقط أمثل أنى أعيش..كنت أشعر أن شىء عزيز و غالى فقد منى.
سلمى:
كأنك تنطقين بلسانى..و لكن ألا يزال اليوم مشئوما..أعنى ما الجديد؟..مازلت فى كليتى و مالزلت فى كليتك..
فرح:نعم..صحيح مازال الوضع على ما هو عليه..و لكن الجديد الاحساس و الشعور..كنت أشعر أن نفسى ضائعة..و اليوم..اليوم فقط وجدتها..وجدتها عندما عادت لى السعادة مرة أخرى..وجدتها عندما وجدت أصدقاء مخلصين لى.. لن أستبدلهم بكى أبدا و لكنهم ملئوا فراغ كبير تركتيه فى..أيضايقك هذا؟
كانت سلمى فى هذه اللحظة تبكى و تمالكت نفسها و قالت:لا يا حبيبتى ..أنت أختى و توأم روحى و كل ما يسعدك يسعدنى و أنا أعرف أن مكانتى دائما محفوظة عندك
فرح:..شكرا يا سلمى
..نِعم الأخت كنت و ِنعم الأخت ستظل..و إن شاء الله ستجدى ما وجدت قريبا..

الطائر الحزين

2009-02-26T17:10:00.005+02:00

ها قد آتى الطائر الحزين
يرفرف وحيدا فى السماء
يتملكه شوق كبير و حنين
و يصبو دائما إلى الأصدقاء
يذكر أيام مضت و سنين
ووقت امتلأ فيه الفضاء
بضحكات يُسمع لها رنين
وحديث حلو بين الأحباء
و الآن لا يسمع سوى أنين
من جرح لا يقطر منه دماء
ولكن يحيل الغناء إلى طنين
و يُمزق جسده إلى أشلاء

فماذا يفعل هذا المسكن
فى أرض بعيدة وسط الغرباء
فى أفق لا يظهر به قرين
أيحاول التعود على الاستغناء
أم ينهى معاناته بسكين
فى مسألته احتار العقلاء
وصديقه المخلص الأمين
و عشيرته و أعز الأصدقاء
ليت قلبه كان صلب متين
لا يفرق معه بُعد أو لقاء
ولكنه ضعيف كماء المعين
ومشتت فى الدنيا كالهواء
هل سيبقى إلى أبد الآبدين
ينتمى إلى سرب البؤساء
هل سيظل الطائر الحزين
أم سيُكتب لحزنه الانتهاء

حياة جديدة

2009-02-19T22:41:00.002+02:00

أحلام مازالت تنتظر التحقيق
و أمانى تبحث لها عن طريق
وروح فى اشتياق إلى رفيق
و حالة تكاد تكون هى الغريق

نفس محرومة من الحرية
و مكبلة بقيود غير مرئية
و حبيسة دموع غير مضنية
و سجينة قضبان تبدو ذهبية

اليوم تقسم و ثشهد الزمان
لن تكون أبدا طى النسيان
و سيملأ صوتها كل مكان
و تؤثر هى فى كل وجدان

ستبدأ الحياة فى ثوب جديد
بعين تقدر القريب و البعيد
و فلسفة تقبل المختلف والفريد
و لن تكون نفس لانسان وحيد

لن يكون لها الحزن مبدأ
و كل جرح لابد و أن يبرأ
و المرح أبدا أبدا لن يهدأ
لأن حياة جديدة سوف تبدأ

أيام زمان..

2009-02-09T01:03:00.003+02:00

أعتقد أن كل ما يحدث فى هذه الأيام يدفعنا لأن نتذكر أيام زمان..أيام الماضى الجميل...صدق فعلا من قال أن الزمن يتغير فى غمضة عين..فعندما أفكر فى أيام زمان أجد العالم مختلف تماما...أول شىء ملفت للنظر أن كل شىء أصابه زيادة جنونية ..و إليكم أغرب مثال عن هذه الزيادة..فصول السنة...آه بجد...
زمان الصيف كان ثلاثة شهور و كذلك الشتاء ..أما الآن فلأول مرة فى التاريخ أصبح الصيف ستة أشهر و يحاول جاهدا أن يزيد المدة-الكلام ده على لسان الصيف-...و بالطبع الوصف لجو مصر الذى دأب الجميع على تحفيظنا أياه ..بتاع حر جاف دافىء ممطر..تحول الآن إلى حر دااااائم و المطر اختفى فى ظروف غامضة...
أما الشىء الذى ارتفع بغباء هو المجاميع...هل كان يتصور أحد أن شخص حصل على 95% مثلا لا يدخل الكلية التى يريدها لأنه ببساطة و بمقياس مجاميع هذه الأيام شبه فاشل...
...أظن أن ما يحدث عندنا لا يحدث فى أى مكان آخر..فعلا مصر أم الدنيا...
و أخيرا سبب تعب كل الناس الأسعار...حديث الساعة فى كل بيت و فى كل مكان...فمثلا منذ فترة حدثت الأزمة الاقتصادية فى أمريكا و انتقلت للعالم كله و مازالت مستمرة...ما يهمنا هنا أنه و برغم تأثيرات هذه الأزمة السيئة إلا أنها أدت إلى خفض الأسعار فى كل بلاد العالم إلا مصر المحروسة..الآن فهمت لماذا يصر المسئولون المصريون أن مصر لن و لم تتأثر بهذه الأزمة..أم الدنيا يا جماعة..
و بالطبع يجب علينا ألا ننسى الارتفاع الأكثر شهرة و الناتج عما سبق..ألا و هو ارتفاع الضغط..تقريبا الشعب المصرى كله أصبح ضغطه مرتفع و مرارته مفقوعة..الله يكون فى عونك يا شعب..
و كانت هذه أشهر أمثلة الارتفاعات التى حدثت فى و قتنا الحالى و جعلت أيامنا مختلفة عن أيام زمان...

و عادت قطعة الجنة...

2008-12-26T17:06:00.003+02:00

كان الفتى يجلس وسط واحة جميلة تظهر و كأنها نقطة خضراء فى بحر من الصحراء الشاسعة....فمن حوله امتدت الأشجار الجميلة و النخيل لتحيط بالمكان و تفصله عما حوله فتضفى عليه خصوصية و جمال إضافيين...و المياه تجرى فى أنهار صغيرة و ينعكس عليها ضوء الشمس فتبدو و كأنها حبات من اللؤلؤ...أما ما كان يزيد المشهد جمالا هى النباتات و الأزهار بمختلف أشكالها التى كانت تكسو الأرض حتى أصبح المكان يبدو و كأنه قطعة من الجنة...
و بينما الفتى ينظر حوله متأملا تلك الواحة الجميلة التى يجلس فيها اذا بينابيع المياه تنضب فجأة فتجف الأنهار الصغيرة و الأشجار تصبح شجيرات ثم مجرد أعشاب قصيرة و فى النهاية تختفى تماما ...أما الزهور و النباتات التى كانت تكسو الأرض فبدت و كأنها هناك من يجذبها بعيدا بعيدا حتى اختفت هى الأخرى تماما....
ما هذا الذى يحدث؟؟ ظل الفتى يسأل نفسه مدهوشا مما رآه فما حدث له الآن يفوق أى منطق؟..و بدأ احساس بالفزع و الرعب يتملكه بعد أن نظر الى المكان الذى كان منذ دقائق قطعة من الجنة و قد أصبح صحراء جرداء..لا يُرى شىء فيها إلا اللون الأصفر..ماذا سيفعل و كيف يحسن التصرف؟...هل يمشى مبتعدا عن هذا المكان و لكن ما الفائدة و ما حوله كله صحراء و لا يستطيع رؤية شىء على مرمى البصر....لذا كان قراره الجلوس و الدعاء و الأمل لعل الوضع يعود إلى ما كان عليه...
و ظل جالسا لساعات طوال تحرقه أشعة الشمس التى لم يكن يشعر بها من قبل تحت ظل الأشجار و تفزعه أى حركة و لو كانت مجرد نسمات هواء...أما ما كان يفكر فيه الآن فهو أنه لم يبقى إلا ساعة واحدة و يأتى الليل و يزداد الوضع سوءً ...
و وسط كل هذه الأفكار و التساؤلات لم يملك الفتى إلا الدعاء و الأمل لعل معجزة ما تحدث و يتغير الوضع...و لكن لا شىء ..لم يحدث شىء..مر الوقت و أظلمت الدنيا و لم يستطع أن يفكر فى وضع أسوأ مما هو فيه... ظل جالسا لساعات كثيرة يخشى النوم فى هذا المكان و فى هذه الظروف و لكن غلبه تعبه و ارهاقه الشديد و راح فى سبات عميق...
استيقظ فى اليوم التالى و بمجرد أن رأى الضوء مرة أخرى حمد الله و فكر أنه مازال هناك أمل و عندما نظر جيدا حوله لم يصدق ما يراه...لقد عادت الواحة كما كانت..بل أحلى مما كانت...عادت قطعة الجنة مرة أخرى....
...استيقظ الفتى من نومه و هو يفكر فى هذا الحلم العجيب الذى كان يحلمه...واحة تختفى و تعود..ترى هل يرمز لشىء؟...لم يعرف إلم يرمز هذا الحلم الغريب...و لكنه الآن سيترك التفكير فى الحلم جانبا ذلك لأنه كان يشعر باحساس جميل افتقده منذ شهور...احساس ظن انه سيفقده إلى الأبد و لكنه الآن عاد إليه...احساس الرغبة فى الكتابة..
إنه يريد أن يكتب و يكتب و لا يتوقف عن الكتابة...لقد ظن أن بئر الأفكار قد نضب و بحر الالهام قد جف لديه ولكنه الآن يمسك بقلمه و يكتب دون توقف...و بينما هو مستغرق فى الكتابة و مستمتع بما يفعله تراءى له معنى الحلم...لقد عادت قطعة الجنة له فى الحلم و كانت الواحة الجميلة...و عادت أيضا فى الواقع و لكنها قدرته و رغبته فى الكتابة...عادت سعادته المفقودة و متنفسه الوحيد ...عادت قطعة الجنة..

كل عام و أنتم بخير

2008-12-03T13:14:00.002+02:00

كل عام و كل الناس طيبة و بخير و سعادة....عيد سعيد عليكم جميعا...
يارب يجعل العيد فاتحة لبهجة لا تزول أبدا...
و يستجيب لدعوات الجميع فى هذه الأيام المباركة..
و يرزقنا جميعا الاخلاص و الرضا و التوبة...
و يكتب الجميع حج مبرور و ذنب مغفور..
و يعيننا على أداء الخير و الطاعة و الصلاح..
و يارب تصلح حال هذه الأمة لتكون خير أمة أرسلت للناس بحق..
و تهدى الجميع و تطفىء نار الحروب التى تشتعل فى عالمنا..
و تفرج كروب و هموم الجميع فى كل بقاع الأرض...
آمين......... آمين.....

عن الأمل أتحدث..

2008-11-14T20:08:00.003+02:00

اليوم فكرت أن أتحدث عن الأمل من باب التغيير..و لأنى سأمت من الحديث عن الحزن و بدأت أشعر أنى أصبحت المحتكرة الكبرى له أو الوكيل الوحيد له فى الشرق الاوسط ...
........و بعدين برده بتكلم عليه..نرجع بأه للأمل
مبدأيا و أنا أتحدث عن الأمل لا اعرف لماذا أتذكر رسم القلب؟..يمكن لأنى أشعر ان هناك تشابه بينهم..
...........طبعا هتسأل ازاى..هأقولك يا سيدى..
فعندما تنظر لرسم القلب ما هو أول شىء سوف تلاحظه؟..سوف تلاحظ أن الخطوط ليست فى مستوى واحد بل تعلو أحيانا و تهبط احيانا أخرى..و هكذا يكون مستوى الأمل فى نفوسنا..فلا يحاول أن يقنعنى أحد أن مستوى الامل يظل ثابت عنده دون تغير لأنه شىء أشبه بالمستحيل..
هناك فترات السعادة الغامرة و هى فترات يشعر الانسان فيها أنه امتلك العالم و فى مقدوره فعل شىء و أن لديه طاقة تهد جبال..فى هذه الفترات يكون الأمل فى أحسن حالاته و فى أعلى مستواياته..
.....نصيحة حاول تطول الفترات دى على أد ما تقدر
أما الفترات الأخرى فترات الحزن و الاكتئاب و هى الفترات التى تشعر فيها أنك لن تستسطيع اكمال الأسبوع الذى تحياه أو حتى اليوم الذى أنت فيه و تبدأ فى كره كثير من الأشياء حولك..فى هذا الوقت يكون الامل فى أسوأ حالاته و ممكن ينخفض مستواه بشكل لا يمكن تتخيله.
..أبعد عنها..أدينى قلتلك أهو..
..................................................................................
شىء آخر يخطر ببالى وأنا أتحدث عن الأمل و هو مصالحة النفس..عندما تشعر أنك راضى عن نفسك و غير مقصر لحد ما فى حقها أو حق الآخرين هكذا تكون قى حالة مصالحة مع النفس..
..هتسألنى و ده أيه علاقته بالأمل يعنى..
أنا أرى أن المصالحة مع النفس من أسباب الشعور بالأمل....و من الأسباب الأخرى المهمة و الأساسية للشعور بالأمل هو النجاح.
..النجاح و ده ماله ده كمان.هافهمك...
عندما تنجح فى شىء و خاصة إذا كنت تشك على مقدرتك فى النجاح فيه يتولد لديك احساس قوى جدا جدا بالأمل..الأمل فى القادم..الأمل فى المستقبل..و حتى الأمل فى مزيد من النجاح..
..و لا أيه رأيكم؟؟..

كم أنت قاس أيها الزمان!

2008-10-31T15:32:00.005+02:00

كم أنت قاس أيها الزمان
لتكتب لنا الفراق قدر
فى لحظة تسلب منا كيان
كنا نحلم معه بالغد المنتظر
كان إمداد دائم بالحنان
انقطع عنا فى لمح البصر
و احساس بالفرح و الأمان
ضاع هو الآخر دون نُذُر
كنا نطلق لخيالنا العنان
و نتصور ما هو أبشع ضرر
و لكن لم يخلد أبدا بالأذهان
أن أمر الفراق قد صدر
هل تدرى ما حالنا الآن
و الحزن فى نفوسنا قد كبرُ
أصبحنا نذهب لنفس المكان
و نذكر لقاء لم يعد له أثر
و نظل سجناء ذكرى انسان
كان هو الماضى المزدهر
و لا يفلح لقلوبنا نسيان
ذلك الذى ضاع و اندثر
بل يشعل الفراق فينا النيران
لأنه أضاع منا كُثُر

عسل أم سم؟؟

2008-10-06T17:11:00.001+02:00

تفضل سيدى و صف لى المذاق
اخبرنى الحقيقة و تجنب النفاق
سيدتى إليك رأيى دون اختلاق
حيران أنا حتى أقصى الأفاق
أهو العسل الذى عليه اتفاق
لذة و محبوب من كل الأذواق
و للسعادة يكون عازف الأبواق
ويُظن أنه للأمراض آمر بالفراق
أم هو السم القاتل دون اشفاق
يدخل إلى دمائك بهدف الاختراق
فتشعر أنك توشك على الاحتراق
و تذرف عليك الدموع فى سباق
سيدى كيف ترى بينهما هذا الوفاق
ليس بين نور الحق و الباطل وثاق
و لاصلة بين الحرية و الاسترقاق
و شتان بين السائغ و سم الاختناق
ربما يمتزجان فتظنهما فى التصاق
سم معسول يجعلك إلى الخطأ تنساق
و تظن أن هناك بين المعنيين وفاق
حتى يُكتَب لضلالك عنك الافتراق
وفتها تتخذ الحق مذهبا و اعتناق
و تنشر العدل و تعطى بالاستحقاق
كل لك سواء مهما اختلفت الأعراق
و فى طريق الحق تبدأ أنت بالانطلاق

ماذا تفعل؟؟

2008-09-19T02:42:00.000+02:00

ماذا تفعل عندما بلا سبب تلام

و يوجه لك الكثير من الكلام

و أنت مخلص حتى فى الأحلام

و تتحرى الحق و لو اشتد الظلام

ماذا تفعل أيها المسكين مع أنام

يوجهون لك دائما كلمات كالسهام

أفعال تصدر أقرب هى للانتقام

و يجعلونك مذنب فى قفص اتهام

ماذا تفعل أنت و كل تلك الآلام

تأتى من الأصدقاء و ذوى الأرحام

فخلت حياتك معهم من أى سلام

وهُددت كل علاقاتك مهم بالانفصام

ماذا تفعل بجديث و نصائح لا ترام

و مجبر أنت أن تنصت لهم بكل احترام

و تقابل كل نصيحة بفهم و ابتسام

مع أنك جدير لتكون لهم معلم الاتزام

أما أنا فاصبر و أرجو حسن الختام

من أجلك فقط يا ذا الجلال و الاكرام

أصبر و أحاول تجنب معهم الصدام

لتستمر الحياة بلا عداوة أو خصام

و يبقى الأمل أن أحيا فى حب و وئام

و أتجنب شرور كل الخائنين و اللئام

و أرى الجروح القديمة يوما فى التئام

و يظل الرضا ساكنا فى قلبى بانتظام

عائد من الغيبوبة 6 و الأخيرة

2008-09-16T03:01:00.001+02:00

و بعد أن وصلوا إلى بيتهم صعدوا جميعا إلا أحمد..كان يشعر أنه لا يريد أن يدخل البيت..كان يشعر أنه رأى الكثير و الكثير حتى لم يعد يحتمل أكثر من هذا..هو لم يكمل اليومان بعد الغيبوبة ، و بالرغم من ذلك مروا عليه و كأنهم عشرين عاما..و رأى فيهم ما لم يراه فى حياته كلها..

كل هذه الافكار كانت تتصارع فى عقله و هو يمشى و يمشى..كان يمشى أملا فى أن يشفيه الهواء العليل و تريحه السماء الصافية..

بعد فترة من المشى وجد نفسه أمام المستشفى التى كان فيها..تردد قليلا ثم دخلها ، و ظل ينتقل من قسم إلى آخر حتى وصل إلى القسم الذى كان يريده.."قسم الأمراض النفسية"

نعم كان هذا هو القسم الذى يريده..ربما يجد هناك دواء أو علاج ما يساعد على التواكب مع هذا العالم المخيف..و بينما يجلس فى الاستراحة وجد طبيبان من قسم الامراض النفسية فى موقف ملفت للنظر..

لقد كان أحدهم غاضب بشدة و يصيح بينما الآخر يحاول تهدئته و جذبه بعيدا عن أعين المرضى..و كان صوتهم مرتفع حتى أن أحمد سمع جزأ من حديثهم..

الطبيب الأول : دى حاجة تقرف..المرتب ما يكفيش حاجة ساقعة و شيبسى و استحملنا..لكن كمان يخصموا منه..كده كتير قوى..نعمللهم إيه اكتر من كده..ماجستير وخدنا و شغل شاغلين ليل و نهار..احنا غالطنين أننا سكتنا من الأول..

الطبيب الثانى:اهدى بس..و تعالى ندخل جوه..

لا إله إل الله و لا حول ولا قوة إلا بالله..إنهم يحتاجون من يساعدهم لا أن يساعدوا أحد...لقد أخطات بالمجىء هنا..كان أحمد يقول لنفسه هذا الكلام و هو ينسحب بهدوء من المستشفى..

و استمر فى السير مرة اخرى..بعد وقت قليل وجد نفسه أمام المسجد الذى كان يصلى فيه الجمعة...دخل و توضأ و صلى ركعتين لله..إن شاء الله سيجد الراحة المنشودة فى المسجد و إلا أين عساها أن تكون؟..

بعد أن صلى وجد نفسه يدعى بالكثير من الأدعية حتى وصل إلى دعاء:يارب ارفع مقتك و غضبك عنا..ووجد نفسه لا يستطيع أن يدعو بغيره..ظل يردده كثيرا و بكى و هو يدعو..و استمر يدعو و يدعو و ارتفع صوته فى الدعاء و لكن هذا ليس صوته فقط..نظر خلفه فوجد رجلان يأمنوا على دعاءه..شدهم الصوت الباكى الخاشع و جذبهم الدعاء المنشود..

و عاد مرة اخرى إلى الدعاء و الصوت يعلو أكثر و أكثر..نظر خلفه للمرة الثانية فوجد الرجلان أصبحوا عشرة..كان الناس ينجذبون إلى هذا الدعاء ، و كان أحمد كمن ضغط على جرح قديم مستمر لم يبرىء حتى الآن،و دعا بدعاء يتمناه الجميع..كانت أمنية شعبية..و ظل يدعو ساعات و الناس تأمن حوله و العدد فى ازدياد

............اللهم ارفع مقتك و غصبك عنا.........

تمت

لينك الحلقة على الفيس بوك:

http://www.new.facebook.com/topic.php?topic=6735&post=39273&uid=9871316926#post39273

أتمنى أن القصة تكون عجبتكم و ما كنش طولت عليكم..

عائد من الغيبوبة (5)

2008-09-14T15:13:00.001+02:00

و بعد أن عاد إلى البيت أخذ يحكى لزوجته عن كل ما حدث و هو فى منتهى التأثر و هى غير متأثرة على الاطلاق...فقط لأن هذا الكلام و تلك الأخبار ليست جديدة عليها مثل زوجها..
و بينما هو يتحدث كانت زوجته تطبخ..فسألها بعدان أنهى كل حكايته: صحيح..أنت عاملمنا أيه النهاردة؟ فراخ؟
نظرت له الزوجة كمن تنظر إلى مجنون و هى تكاد أن تصرخ: فراخ أيه؟ أنت اتجننت؟أنت عايز يجيلنا انفلونزا الطيور و لا أيه
؟فى هذه اللحظة ظن أحمد أن أذنه بها مرض خطير و جديد يجعله يسمع الكلام مختلف..فمستحيل أن يكون هناك شىء يسمى انفلونزا الطيور..و لكنه قرر أن يتغاضى عما سمعه و يكمل الحديث كأن شيئا لم يكن فقال : أمال ايه؟ لحمة؟
هنا أصبحت الزوجة على وشك الانفجار و هى تصرخ :لحمة..لحمة أيه يا راجل؟ أنت عايز يجيلنا جنون البقر..
لا هذا كثير..إن أذنه سليمة و يبدو أن ما سمعه صحيح..فقد أصبحت تمرض الحيوانات بأمراض البشر..فقرر ألا ياخذ الموضوع على محمل الجد حتى لا يصاب بأى مكروه و هى نظرية صديقه ممدوح
فقال لزوجته مازحا: و لا فراخ و لا لحمة..أيه عمللنا حصان على الأكل؟
- حصان..حصان..أفهمه ازاى ده؟..أنت ماتعرفش أن فى مرض انفاوانزا الخيول..
إلى هنا و توقف أحمد عن السؤال و الحديث و فر هاربا من زوجته قبل أن يصاب هو بارتفاع فى الضغط....
فى وقت الغذاء كانت الزوجة تبلغه أنها قررت هى و الأولاد أن يخرجوا حميعا اليوم..و اقنعته أنها فكرة رائعة خاصة أنها من شأنها أن ترفع معنوياته قليلا بعد أن انهارت تماما أمس..و بالفعل وجد أحمد ابنه و ابنته يرسمون الابتسامة على وجوهم ، و يجاهدون بشدة حتى يبدو حديثهم صادق و هم يؤكدون كلام أمهم ..فقد كان واضحا أن أمهم ضغطت عليهم ليوافقوا ..و أنهم بالتاكيد كانت لديهم خطط أفضل لقضاء يوم الجمعة..
فى الساعة الثامنة كانت العائلة تدخل إحدى المراكز التجارية "المول"بناء على اقتراح الابنة...و كانوا سيشاهدون فيلم بناء على اختيار الابن..
و بعد أن دخلوا و بمجرد أن خطوا خطوات قليلة حتى وجدوا أحمد يتوقف و يحاول أن يتكلم و لا يستطيع..أما وحهه فقد أصبح مزيج من الألوان فأخذ يتحول بين الأزرق و الأحمر..و ظل يلهث و يحاول أن يصرخ و لكن لم يقدر...لقد كان يختنق..و فى ظل قلق الاسرة وحيرتهم فى كيفية التصرف
نطق أحمد: عايز أكسجين..عايز أكسجين
و فى الحال أرشدهم الابن و الابنة إلى مكان فى المول هادىء و شبه خالى من الناس...و لم يتكلم أحمد إلا عندما ذهبوا إلى هذا المكان الهادىء..فى هذه اللحظة لم يبدأ الكلام فقط و لكن الصياح:أيه ده؟أنتم اتجننتم..أنتم عايزين تموتونى..و أيه كل البشر دول..دول شفطوا الأكسجين كله..
و كانت الاسرة تحاول أن تكتم ضحكاتها و هى تهدئه..و تطمئنه أن العدد سيكون أقل و محتمل فى السينما..بعد وقت كانوا جالسين داخل السينما ينتظرون أن يبدا العرض..و قد عاد أحمد يتنفس بشكل طبيعى: و عاد يأمل فى أن يحدث شىء جيد له..
دقائق و يبدأ العرض..كان أحمد يعرف أنه فيلم كوميدى و لهذا السبب فقط وافق..فيكفى عليه ما رآه من تراجيديا الحياة الحقيقية..
طوال مدة عرض الفيلم و نفس الكلام يتردد فى ذهنه:أصبر..استنى..لأ مش هتتكلم الوقتى..
و بمجرد أن قرأ كلمة استراحة و اضيئت الانوار مرة اخرى حتى خرج مسرعا، و خرج وراءه ابنه ليرى ما اللأمر..ووجد أباه يقف مع أحد موظفى السينما يشتكى له و يقول: يا أستاذ..أنتم داخلتونا فيلم غلط..احنا دافعين فلوس عشان ندخل فيلم للبنى آدمين مش للحيوانات!!
و قبل أن يرد عليه الموظف كان الابن يعتذر له عن تصرف أباه و عاد معه إلى السينما..و اضطر أحمد آسفا أن يشاهد الفيلم إلى آخره خاصة بعدما علم ثمن التذكرة..و لم يصدق أن كل هذا العدد الهائل من البشر ...دخل و يدخل ليشاهد هذا الفيلم..و هو فيلم غير صالح للاستهلاك الآدمى-من وجهة نظره-...لقد كان البطل يتكلم و كأنه حيوان، و يقوم ببعض الحركات البلهاء التى يترفع عن أدائها حتى الحيوانات..
بعد ساعتان كانوا عائدين مرة اخرى إلى البيت و طوال الطريق كان أحمد هو المتحدث الرسمى للعائلة ، و لم يرد عليه أحد فى خطاب اللوم الذى يوجهه لهم..
أحمد:أنا تدخلونى للمسف ده؟على آخر الزمن..هو ده يا أستاذ الفيلم اللى مكسر الدنيا!!..ده اللى جايب أعلى ايرادات!!..و بعدين لو فى ناس عبيطة دخلته أبقى عبيط أنا كمان و أدخله..مش معقول يعنى..
و بعد أن وصلو إلى بيتهم صعدوا جميعا إلا أحمد..
الحلقة القادمة إن شاء الله هى الأخيرة..كفاية عليه كده...
لينك الحلقة على الفيس بوك:

http://www.new.facebook.com/topic.php?uid=9871316926&topic=6660

عائد من الغيبوبة (4)

2008-09-07T02:24:00.001+02:00

فى اليوم التالى و بمجرد استيقاظ أحمد من النوم، قام يهرول خارجا من غرفته مفزوعا حتى أنه كاد يدهس بنته فى طريقه..و لم يتوقف إلا عندما رأى النتيجة..و بمجرد أن تأكد من التاريخ و من أنه لم يمر إلا ليلة واحدة و ليست سنوات حتى أطلق صيحة ارتياح و قال لنفسه : الحمد لله..أنا لو كنت غبت عن الوعى تانى ما كنش هايكفينى عمرى كله عشان أعرف ايه اللى حصل فى الدنيا أثناء غيابى..

تخلص سريعا من الافكار السوداء و بدأ يفكر فى برنامجه اليومى..و لقد كان من حسن حظه أن اليوم كان الجمعة مما يعنى أنه مازال تفصله هذه الجمعة عن رحلة العذاب التى سيخوضها فى محاولة لاستعادة وظيفته مرة ثانية..و لن يكون مضطرا ليخوضها اليوم....

و كعادته قبل الغيبوبة أحضر الجريدة ليقرأها..فقد كانت إحدى متعه القراءة و خاصىة الجرائد..و بالنسبة له كرجل عامل لم يكن هناك أفضل من يوم الجمعة ليستمتع بقراءة الجريدة..فى الصفحة الأولى كانت هذه هى العناوين العريضة....

."أخبار العالم:

أمريكا غير راضية عن الوضع الاقتصادى بها.

الصين تعد بمزيد من الانجازات فى المستقبل حتى تعتلى عرش الأمم.

الاتحاد الأوروبى يدين بشدة الحرب الروسية الجورجية أو أى حرب يمكن أن تؤدى إلى تفكك الاتحاد الأوروبى.

أعلنت إحدى الدول الكبرى أن أحد ولاياتها أصبحت ولاية خالية من الأمية الالكترونية و تنوى أن تعمم التجربة فى بقية الولايات

.الأوضاع المعلقة :

سقوط مئات الشهداء فى الأراضى الفلسطينية على أيدى قوات الاحتلال و مصر تدين ذلك بشدة."

عند قراءة هذا الخبر شعر أحمد بخيبة الامل..فالبرغم من تغير أوضاع كثيرة إلا أن للأسف الوضع الفلسطينى بقى على ما هو عليه..و لكن ما هذا الذى تراه عيناه؟..لقد أصبح هناك المزيد من الأوضاع المعلقة..و أكمل القراءة.."

أمريكا ترفض بشدة تحديد موعد لانسحابها من العراق.

أمريكا تعد أنها ستقضى على الارهاب فى افغانستان و حتى ذلك الحين ستظل القوات الأمريكية هناك إلى أجل غير مسمى..

"لا حول و لا قوة إلا بالله. ..لم يجد أحمد ما يقوله إلا هذا..إلى هذه الدرجة ساء حال المسلمين؟...و عاد مرة اخرى إلى الصحيفة..

"ركن التصريحات :

وزير التموين: نعد كل مواطن بالحصول على رغيف خبز فى القريب العاجل.

وزير الرى : فى خلال سنوات قليلة ستصل المياه إلى كل أنحاء مصر.

وزيرة القوة العاملة : الوظائف متوفرة بكثرة ، و لكن الشباب لا يقبل عليها و يصر على البطالة !!

محافظ القاهرة : القاهرة ستصبح عاصمة عالمية مبهرة و ستتخلص من كل العشوائيات بحلول عام 2050 م إن شاء الله.

"لا..هذا كثير..هكذا بدأ حدث أحمد نفسه المسكينة..يبدو أنه سيفقد عقله و هو يقرأ الجريدة فها هو يقول لنفسه :..مش ممكن..مفيش عيش و لا مية و لا شغل..و لا مكان عدل..أمال الناس عايشة أزاى؟؟..ده أنا كنت فى نعيم و أنا فى الغيبوبة بأه..و المحاليل كانت وصلالى صبح ظهر بليل..

و أخيرا لفت نظره عنوان عريض لموضوع يأخذ نصف مساحة الصفحة الأولى ..و كان هذا هو العنوان و الموضوع:

"يخوض الأبطال المصريين اليوم معركتهم الفاصلة.

اليوم هو يوم تاريخى لمصر حيث يخوض الأبطال المصريون المعركة الفاصلة ..و تتوحد قلوب جميع المصريين لتدعوا للأبطال أن ينصرهم الله فى المعركة الفاصلة..كما تتمنى أسرة الصحيفة التوفيق للأبطال و أن يتم تنفيذ خطة الهجوم على الأعداء على أكمل وجه و بنجاح ساحق.."

بعد أن قرأ هذه الكلمات بدأت معالم السعادة تظهر على أحمد ، و تتنفرج أساريره بعد أن ملأه الاحباط..و كيف لا يسعد و مصر ستحارب و تحرر إحدى البلاد الاسلامية المنكوبة؟..و أكمل سريعا المقال فى شوق ليرى أى البلاد سيتم تحريرها و مع من سنحارب؟.."

و المعركة الحاسمة اليوم مع أبطال كوت ديفوار "

ما هذا؟ هل أحتلت كوت ديفوار أحد الدول الاسلامية و هو لا يعلم؟..هل يعقل أن يحدث هذا؟..ملايين الأسئلة كانت تدور فى عقله و تنتظر الاجابة فأكمل ليعرف الاجابة.."

و تقام المعركة اليوم فى تمام الساعة التاسعة فى استاد القاهرة الدولى..و أخيرا نتمنى أن يوفق الله المنتخب المصرى لكرة القدم على نظيره الكوت ديفوارى فى هذه المبارة الهامة..."

انتهت المقالة و بعد أن انتهى من قراءتها ألقى الصحيفة على الأرض فى تقزز..و ظل يردد : كده كتير قوى..كده كتير قوى..

و بعد ساعاتان خرج ليصلى الجمعة..و بعد أن انتهت الصلاة و هو فى طريق عودته إلى البيت سمع صوت أحد الأشخاص يدعو طوال الطريق :" يا رب نجحنى..يا رب نجحنى.."

و كاد أحمد يصل إلى البيت و الصوت مازال مسموعا..فنظر ليرى من صاحب الصوت لعله يعرفه..و بالفعل كان أحد جيرانهم.. و بمجرد أن وجده أنه أحد جيرانه حتى ذهب له ليطمئن على أحواله..بعد أن تبادلوا السلام و هنأه جاره على العودة الحميدة إلى الواقع الأليم..سأله أحمد السؤال الذى يشغله :هو أنت بتحضر ماجستير و لا أيه؟

الجار : لأ..ليه بتقول كده؟- أصلى سامعك عمال تدعى أنك تنجح..

عندما سمع الجار هذا الكلام كاد يبكى و هو يقول :ياريت كان ماجستير..ده امتحان الكادر للأسف..أنا. .بعد كل الزمن ده.. امتحن..أنا مقلتش أن تجديد المعلومات وحش بس مش بالطريقة المهينة دى..بعد كل السنين اللى قضيتها فى التعليم !!..و تخيل لو سقطت هيبقى شكلى أيه قدام التلامذه؟..طب لو ..و

لم يستطع الرجل أن يكمل الكلام و كاد أن ينهار..و كانت حالته تصبح على هذا الشكل كلما يبدأ الحديث عن كادر المعلمين..و لم يستطع أحمد إلا أن يهدئه و يواسيه و يدعو له بالنجاح كما كان يفعل مع أبنائه عندما يكونوا على وشك دخول امتحان حتى وصلوا إلى العمارة ..و دخل كل منهم شقته

لينك الحلقة على الفيس بوك وآسفة على الاطالة:

http://www.new.facebook.com/topic.php?topic=6595&post=37440&uid=9871316926#post37440

عائد من الغيبوبة (3)

2008-09-04T16:42:00.000+02:00

وهو فى طريقه إلى بيته كان يسير كالمغيب عن الوعى ؛ فاصطدم بشخص و بمجرد أن نهض ليعتذر له حتى وجده مممدوح صديق عمره الذى تجاوز مكانة الصديق ليحتل مكانة الاخ........و بعد إبداء الدهشة و السعادة لعودة أحمد إلى العالم مرة اخرى قال له صديقه:و لكن احنا لازم نحتفل بالمناسبة دى...تعالى معى نتمشى شوية فى الشوارع و أوريك أيه اللى حصل قى الدنيا...

أحمد : تانى جولات...ده انا كان هايجرالى حاجة من التمشية فى شارعى بس.أمال لو اتمشيت فى بقية الشوارع هايجرالى ايه؟

ممدوح : لا لا..تعالى بس و متخفش

و ركب الصديقان السيارة و أصبح ممدوح يقوم بدور المرشد السياحى و لكن هذه المرة لسائح مصرى يريد ان يعرف ماذا حدث لبلده فى غيابه....و ظل يسيران لفترة و السائح العائد لا يصدق الذى حدث لصديقه و بلده..صديقه الذى كان أهدىء ما يكون فجأة تحول إلى النقيض تماما ، و لكن له عذره..بمجرد أن بدأ القيادة حتى كاد محمود يجزم أن هذا ليس شارع حقيقى و لا هؤلاء أناس حقيقيون...

أحمد :...أنا عايز أسألك سؤال و تجوابنى بصراحة

ممدوح: قول يا بنى فيه أيه؟

أحمد: بصراحة؟

ممدوح: قلقتنى ..قول فيه ايه؟

أحمد : أنت هربان من حاجة؟...يعنى عملت جريمة ..سرقت ، قتلت...كده يعنى؟

ممدوح و قد ظهرت الراحة على وجهه و بدا الابتسام : لأ طبعا..ليه بتقول كده.؟؟

أحمد :أصلنا محاصرين من ساعات ما تحركنا..أيوة أنا متأكد..و بأنواع مختلفة من العربيات و كل شوية يبدلوا مع بعض...

ممدوح :هاها..معلش ما أنت غايب بقالك كتير..ده يا سيدى النظام الجديد فى السواقة..أسرع قدر المستطاع حنى لا يسبقك احد..

أحمد : بالرغم أن النهاية واحدة....وقفة طويلة فى اللجنة..و لا لغوها؟

ممدوح : لأ طبعا..وسائل تعذيب البشر موجودة كلها و فى تطور..ما تقلقش..

أحمد : برده ما قلت ليش..ليه العربيات مزنقة فى بعضها كده؟

ممدوح : يا ريتنى أعرف كنت قلتلك..بس زى ما قلت غالبا كل الحاجات دى بترجع للنظام الجديد للسواقة اللى بيحاول بكل جهده أنه يضيف عجيبة جديدة للعجائب السبع .."الشوارع المصرية"

إلى هنا و توقف أحمد عن الكلام و السؤال حتى لا يسمع المزيد من الاحباطات..و لكن ما رآه جعله غير قادر على السكوت و قبل أن ينطق بالسؤال وجد صديقه يقول: و ده من أشهر معالم القاهرة...ميدان اللى ميتسماش

-أفندم؟..يعنى أيه؟

-ده من اشهر الميادين..و أنت عارفه كويس..و ياما رحته..معقول لسه ما فتكرتهوش

فى هذا الوقت بدا أن أحمد بدأ يتذكر و هذا كان واضحا من علامات الصدمة و الاستغراب التى بدت على وجهه و يبدو أن الصدمة و الاندهاش ستكون الاحاسيس الرسمية له فى هذه الايام..

أحمد مستفسرا : التمثال راح فين؟..رمسيس؟,,خدوه؟

ممدوح: لا لا الحمد لله لسه ما وصلناش لكده..بس راح يتفسح فى المتحف الجديد..و بما أن الميدان كان ميدان رمسيس.فانا قررت أسميه ميدان اللى مايتسماش بسبب اختفاء رمسيس فى ظروف غامضة...أ

حمد : كويس انك واخد كل حاجة هزار بدل ما يجرالك حاجة

-طبعا ..أمال عايزنى أموت من الغيظ..بس لعلمك رمسيس ده محظوظ

-ليه باه إن شاء الله؟؟- أنتقل و هو آخر راحة...فاضولو الطريق ووسعولو السكة و الأهم انه وجد وسيلة مواصلات مريحة..و أنت عارف ان الحكاية دى شبه مستحيلة الايام دى..

-آه انت هاتقولى مانا جربت بنفسى.

تذكر أحمد ذكرى التاكسى الأليمة فى هذه اللحظة..و بينما هو غارق فى أفكاره..إذا رأى أشياء متحركة عجيبة تجوب شوارع المحروسة مخلفة ضوضاء و ازدحام أكبر بكثير من حجمها..و كانت عناوين مجلات الأطفال الكوميدية تسطع فى عقله الآن..هجوم الكوكب الأسود على الأرض..تحذير لجميع سكان الأرض من التعامل مع المركبات السوداء حيث إنها تابعة للكوب الأسود..و لم يتم ترخيصها حتى الآن..و بينما هو كذلك حتى قطع صديقه أفكاره قائلا: شفت آخر تقليعة..

-أيه ..فى أيه تانى؟

-العربيات الصغيرة دى عارف دى أيه؟

-لأ طبعا..و عادت العناوين تسطع فى عقله مجددا..

- دول يا سيدى..اختراع كده اسمه التوكتوك

- أيه...تك أيه؟

- توك توك..حاجة المفروض لحل أزمة الواصلات بس كالعادة الحلول بتاعتنا بتزود المشكلات..

و هنا نظر أحمد إلى احد هذه الأشياء المسماة بالتوكتوك فوجد مكتوب على لوحة الأرقام لتوك توك.."الرقم مرفوع من الخدمة...من فضلك أعد المحاولة" و هنا قال لنفسه :لا لا..و لا كوكب أسود و لا حتى ابيض..دى خفة دم المصريين طبعا..و بعد فترة صمت عمت المكان قطع ممدوح الصمت قائلا: و ده بأه اشهر حريق فيك يا مصر..

-استنى أنا عارف المبنى ده..ده ..ده

-مبنى الشورة...بالظبط..المجلس الموقر اللى ضاع فى شربة مية..

-ليه هو غرق و لا أيه؟

- لأ ...حاجة أبسط من كده ..ولع بس..-يا نهار......بس ماتخفش قواتنا الهمامة طفت الحريق فى ست ساعات بس..

-كفاية يا ممدوح كفاية..

بس آخر سؤال و قولى و أنا هاحاول أتماسك لو حصل حاجة:النيل و الهرم لسه موحودين؟

-هاها..لأ مش للدرجة دى..لسه موجدين

-أحمدك يا رب..وديدنى البيت بأه-

طب و الفسحة؟

-بقلك رجعنى..كفاية اللى شفته..ولا فسحة و لا احتفال..

-براحتك أنت حر...بس ما تنساش أنا عازمك على فرح ابنى الجمعة الجاية..

و بعد ساعة عاد أحمد سالما أرص الوطن أو بيته فى رواية اخرى...عاد متعبا منهك القوى و ذهب مباشرة إلى سريره مكتفي بما رآه...و ذهب على الفور فى نوم عميق ،فقد كان بحاجة ماسة إلى النوم ليرتاح مما حدث له . يستعد ليوم جديد ملى بالمفاجآت و الاحباطات..

لينك الحلقة و التعليقات على الفيس بوك:

http://www.new.facebook.com/topic.php?uid=9871316926&topic=6505

عائد من الغيبوبة (2)

2008-08-31T01:48:00.000+02:00

نزل الشارع الذى عاش فيه لسنين و نظر إليه ، و لكنه وجده ليس هو و كاد يصرخ أحمد بأعلى صوته: الشارع اتسرق يا جدعان..

و لكنه هدأ بعد ما وجد محل وحيد فى الشارع لم يتغير..إنها القهوة المجاورة لبيته..لم تتغير فى الشكل و لكن بالطبع طال الاسم التغيير ..فبعد ما كانت قهوة صبحى أصبحت كافيه ميشو..و بالطبع ميشو هذا على ما يبدو هو ابن صبحى.

هذا هو الثابت فى الشارع و لكن أين باقى المحلات؟...أمعن النظر قليلا فوجد المحلات موجودة و لكن بعضها تغير فى الاسم أو الديكور أو النشاط لذلك لم يتعرف عليهم..ها هو محل البقالة الصغير الذى كان يشترى منه حاجاته توحش و أصبح سلسلة محلات سوبر ماركت كبيرة..و دخل ليتفقد المحل الذى اشترى منه كثيرا فى الماضى السعيد..

داخل المحل كان كل شىء مختلف ما عدا صاحب المحل...كان الوحيد الذى انتقل من المحل القديم الصغير إلى هذا المحل الهائل..و أثناء تجوله فى ركن اللحوم وجد الأستاذ أمين صاحب المحل يصيح عاليا فى أحد العمال..

فقال له احمد : ليه كده بس يا أستاذ أمين؟ بلاش الديكتاتورية دى و متبقاش زى صدام..

و كان أحمد معتاد أن يقول له هذا الكلام دائما عندما يراه يعامل أحد العمال بطريقة سيئة ، ولكن لأول مرة يكون الرد هكذا..غرق أمين فى حالة هيستيرية من الضحك..

أحمد بدهشة : فيه أيه ؟ بتضحك على أيه؟..

أمين : صدام أيه؟ ما هم شالوه خلاص..أ

حمد غير مصدق : صدام اتشال.معقولة؟

و كانت صدمة أحمد فى صدام كبيرة ، و لم توازيها صدمة إلا صدمته عندما رأى سعر اللحوم..

أحمد : أيه ده يا أمين؟..اللحمة بقت بأربعين..ده أنا سايبها بخمسة و عشرين

أمين : يااه ده أنت من زمان قوى..و عامة ده كده كويس جدا..و نصيحة ألحق خدها لأنها ها تغلى بكرة..

و لم ينفذ أحمد بالطبع النصيحة ، و خرج مسرعا قبل أن يصاب بارتفاع فى الضغط أو أى شىء من هذا القبيل..و قرر أن ينهى هذه الجولة ؛ فذهب إلى القهوة ملاذه الدائم..

فى القهوة ..تغير كل شىء...أصبحت مكان أرقى بكثير عما كان..و مرتادى هذا المكان أصبحوا من الجنسين و هى سابقة من وجهة نظر أحمد،. .

.و لكن الشىء الملفت للنظر حقا أن السيدات كانوا لا يشربون إلا الشيشة.. بينما اكتفى الرجال بشرب الشاى..!! "سبحان الله "..هكذا قال احمد لنفسه..

و لكنه نحى أفكاره جانبا و جلس على أحد المناضد..و لأول مرة تقدم له قائمة طلبات فى التاريخ الطويل لزياراته للقهوة ...و كان يريد فقط فنجانا من القهوة..و أخذ يبحث طويلا و لكنه لم يجد ما يريد...كل ما وجد عنوان ركن القهوة مكتوب تحته أنواع كثيرة غريبة و كلها باللغة الانجليزية..

لا حول الله يا رب..هى مصر احتلوها تانى و لا أيه؟؟..أخذ يتمتم لنفسه بهذه الكلمات و هو يتفحص القائمة..

موكا...15 جنيه...و وضع يده على قلبه خشية أن يصاب بسكتة قلبية

لاتيه..20 جنيه..فى هذا الوقت امتدت يداه لتطمئن على مرارته..

يبدو أنه سيفقد كل أعضائه إذا استمر فى قراءة هذه القائمة المستفزة..و أخيرا نادى النادل و قال : شاى لو سمحت..

فرد عليه : أوكى يا مان..واحد شاى حلو طحن هايجيلك حالا..

نظر له أحمد مدهوشا ، و هو يظن ان الولد تأثر من كثرة طحن البن..و فى أثناء انتظاره لطلبه نظر إلى مكان المدير و الصورة التى فوقه فشعر بدهشة كبيرة..لقد استبدلت صورة صبحى مالك القهوة القديم بشخص لا يبدو أنه ميشو و لا يبدو كذلك أنه أحد من الشخصيات العامة..

كان الشى الوحيد المميزفى هذه الصورة هو هذا الشىء العجيب فوق رأسه..هو يبدو مثل شعر البشر و لكن بعد أن يصاب الانسان بماس كهربائى..و غلب الفضول أحمد فسأل أحد الشباب الجالسين بجواره..من هذا؟؟

فرد عليه الشاب و كأنه ينظر إلى جاهل كبير : ده أحمد مكى..هيثم ..دبور..الممثل يا أستاذ..

ثم فجاة بدأ الشاب يتصرف بغرابة شديدة.. و حرك يديه فى إشارة لم يفهمها أحمد ..كما أعوج فمه حتى خشى أحمد عليها أن يكون أصيب بمرض ما

و قال: بتاع كوووووول يا مان....فى هذه اللحظة صرخ أحمد : الشبااااب اتجنن...و جرى مسرعا إلى بيته

القصة موجودة على الفيس بوك و ده اللينك:

http://www.new.facebook.com/topic.php?uid=9871316926&topic=6429

عائد من الغيبوبة (1)

2008-08-31T01:29:00.000+02:00

فى صباح يوم صيفى جميل ...و فى أحد المستشفيات الخاصة كان يهنأ الدكتور الأستاذ أحمد على المعجزة الطبية التى حدثت له....لقد استرد وعيه بعد غيبوبة دامت سنوات عدة..

سمع أحمد كلمات الدكتور وهو يشعر بدهشة كبيرة و صدمة رهيبة..كان سعيدا لأنه استرد وعيه كما قال الدكتور ،و لكنه كان مصدوما بشدة و غير مصدق أنه غاب عن الدنيا كل هذه السنوات...

بعد ما شكر الدكتور و ارتدى ملابسه خرج من المستشفى...و لم يشأ أن يبلغ أحد من أهله كما اقترح الدكتور ، و قرر أن تكون مفاجاة بالنسبة لهم...وحمدا لله أنه مازالت توجد بعض النقود فى جيوبه منذ دخوله المستشفى...و أغلب الظن أن أسرته لم تكتشفها و إلا كانت أخذتها فورا...

فى الشارع أشار أحمد إلى تاكسى ليصل البيت...كان يعرف أن الطريق من بيته إلى المستشفى ليس بطويل ؛لذا فالتاكسى يستحق حوالى ثلاثة جنيهات ..و لكنه سيعطيه خمسة فبالتأكيد ارتفعت الأسعار فى السنوات الماضية...فى التاكسى كان ينظر أحمد إلى الشوارع ليرى التغيرات التى طرأت عليها..فلم يشعر أنه قطع المسافة فى ضعف الوقت الذى كان يصل فيه!! و ان بيته أصبح أبعد من المعتاد بالرغم من أن مكانه لم يتغير!!

و أمام بيته أعطى أحمد سائق التاكسى الخمسة جنيهات و نزل بمنتهى الثقة ..فاذا به يجد فجأة من يناديه : يا أستاذ..يا أستاذ...ذهب أحمد إلى السائق مرة ثانية ليرى ما الأمر ن فوجد السائق يقول له كده ما ينفعش..أنا عايز بريزة...

صعق أحمد و دارت الأفكار سريعا فى عقله : معقول...هل الأسعار انخفضت إلى هذا الحد..يبدو أن هناك طفرة اقتصادية حدثت و أنا فى الغيبوبة..و فجأة تحول عقله إلى راديو الإذاعة الوطنية..و بدأت أغنية مصر هى أمى يتردد صداها فى عقله.

السائق: يا استاذ..يالا خلصنى..." و لكن لم تحدث أى طفرة للبشر"هكذا فكر احمد و هو يخرج القروش من جيبه و يعطيها للسائق و هو فى قمة السعادة و الاندهاش..

السائق: و بعدين فى حرق الدم ده بأه..أنت هاتعمل فيها خواجة و لا ايه..بريزة يعنى عشرة جنيه يا أستاذ..

استمر احساس الصدمة و الاندهاش ، و اختفت السعادة تماما و حل مكانها احساس آخر مختلف..إنها الواقعية..فالحال أصبحت أسوا لا أحسن..و تحولت الإذاعة الوطنية إلى القناة الأولى الصينية التى كانت تذيع هذه الأغنية:

بحبك يا صين و عايش فى خيرك..

بجد أصيلة..وأحسن من غيرك

من الأبرة للصاروخ صنعتى..

و فى أولمبياد بكين بهرتى..

عبر أحمد احساس الصدمة و صعد إلى منزله، و عندما دخل إلى المنزل أحاط به تعبيرات و احاسيس لم يكن يتوقعها...تعبيرات حزن و صدمة و استقبال فاتر من الجميع عدا زوجته..."شريكة الكفاح..الغالية..أم العيال" هكذا فكر فيها أحمد ثم دار هذا الحوار العائلى جدا..

الابن و بمنتهى الحزن و كأنه على وشك البكاء : يعنى خلاص هاتخد العربية تانى يا بابا

الابنة و علامات الفزع ارتسمت على وجهها : طيب و العريس الى جاى كمان يومين..مش عايزة الجوازة تبوظ ...أرجوك يا بابا

الام: بس يا ولاد..أيه اللى بتقولوه ده..ده بدل ما تبقوا فرحنين برجوع أبوكم..

أحمد: الحمد لله أن فى حد فرحان فى البيت ده..

الأم: آه طبعا أنا فرحانة جدا علشان هاتشيل من علي المسؤليات شوية

و بعد سلسلة الصدمات العالمية التى تلقاها أحمد قرر أن يكتفى من البيت بهذا القدر، و ينزل للشارع ليرى ماذا تغير فيه...فقد كان يحب الخروج كثيرا

القصة موجودة على الفيس بوك و ده اللينك:

http://www.new.facebook.com/topic.php?uid=9871316926&topic=6375