بحلم بمؤمن
فاهم دينه و دنيته
و قلبه مليان
تسامح و إيمان
و الحق هو قضيته
بيصلى و يصوم
بيزكى و يقوم
لكن كمان
عايش لهدف
وهدفه الاصلاح
مش مستنى صُدف
لكن أمل فى نجاح
من كلامه بيتعرف
ثقافة و اطلاع
و بالحكمة بيتوصف
و أسلوبه الاقناع
بيوصل رسالته
بأبسط كلام
و عدوه الأول
هو الصدام
وسط الناس عايش
و بيتكلم لغتهم
عارف العاقل و الطايش
و بيوصل مشاكلهم
وطنى و بيدافع عن بلده
باخلاص مالوش مثيل
و يفديها روحه و دمه
لأنه فى حبها أسير
الكلام ده يا جماعة مستوحى من حلقة يوم الأربعاء لبرنامج قصص القرآن لعمر خالد و هو كمان منشور فى موقع عمرو خالد و ده اللينك
هناك 21 تعليقًا:
السلام عليكم
انا اول تعليق ولا
اشوف وارجع
تانى
واووووووووووو
انا اول وتانى تعليق ياجدعاااااااان
هييييييييييييييييييه
جميل قووى البوست
ربنا يبارك فيكى حبيبتى وجعل كل حرف بميزلن حسانتك
مودتى
انوسه
وانا كمان بحلم بده بس نلاقيه فين
بوست جميل اوي
تسلم ايدك
تحياتي
ياقمر
كلنا نحلم وكلنا نتمنى ولكن كل يحلم على سجيته وبالشخصيات واتصافها تكون الاحلام
يعنى الحرامى بيتمنى يسرق بنك
المسلم التقي بيتمنى الاخره ولقاء الله وينسي دنياه هى دنيا عمل وليس اجل
كل عام وانتم بخير
اتفرجى ياستى زهور الامل بتقولك هو فين
هو انا بنلعب يعنى ولا بنلعب
ياولاد والله انتوا ماشاء الله عليكوا ربنا يكرمكوا ويسدد خطاكم ويهنيكم ويحقق لكم ماتحلمون
كل سنه وانتوا طيبين
كل سنة وانتى طيبة يامنة
الحقيقة دى مواصفات رائعة للشخص المسلم
على حق مش مسلم البطاقة لانه فعلا المسلم
مسلم بعبادته واخلاقه ومافيش انفصال
دمتى مبدعة
منى سلام مصرى دائما
عاشقة الأحزان
ماساء الله عليك...دايما فى الأول...شكرا على الدعاء يا أنوسة ...آميييييييين يا رب...يارب اغفر لنا ذنوبنا كلها..
زهور الأمل
...أنا و أنت و كل الناس بتحلم بده..بس على فكره هو موجود..صحيح قليل بس موجود..الموضوع محتاج مننا ثقة أن احنا بدام أنت بتحاولى تتقى ربنا فى حيتك فأكيد ربنا هيرزقك ناس صالحة تعينك على مزيد من التقوى و الصلاح.
لا تشتاق
شكرا لتعليقك و ربننا يعيننا على طاعتهو عبادته..
لنحيا فى أجواء الحب
حلو أوى تعبير مسلم البطاقة ده..ربننا يعيناا و يجعلنا مسلمين و مؤمنين اسما و فعلا...شكرا لك..
روزي
حلم جميل ويا ريت يتحقق
وهو طبعا حلمنا كلنا
صوره مبدعه وجميله
اتمنالك السعاده
دمتي بحب
ريم
ياريت فعلا يتحقق فينا و فى اللى حوالينا..و ياريت لو نساعد فى تحقيقه و فعلا هو حلم ناس كيتر..شكرا لتعليقك..
السلام عليكم
بارك الله فيك
الله كلنا بنحلم بالمواصفات دى
بوست جميل
تحياتى لك
سعدت بزيارة مدونتك
مستنية زيارتك
منة
أشكرك على الزيارة وأتمنى تكرارها وأن تتابعينا وتقولي رأيك ومقتراحاتك في
المجلة
البوست جميل جداً كلنا بنحلم بده لكن نادراً لما تلاقي مسلم بكل هذه المواصفات في هذا الزمن
ويارب تكتر من المسلمين اللتي تكون بهذه المواصفات
رمضان كريم
كل عام وأنت والأمة الأسلاميه بخير
اتمنى تحققى كل احلامك
دموع القمر
شرفتى المدونة و شكرا لتعليقك...و إن شاء الله هازور مدوننك..
المسلم الصغير
إن شاء الله تكرر الزيارة..و آمين يا رب يكتر عدد الناس اللى فيهم هذه الصفات..
blue wave
يا رب..و شكرا لتعليقك..كل سنة و أنت طيب..
حبيبتى ازيك انتى فين بجد وحشتينى
وابقى طمنينى عليكى
وبلاش تغيبى كده
ربنا يسعدك يارب
اختك
ايناس
إرسال تعليق