الأربعاء، 10 نوفمبر 2010

...الشعب المتمنظر..



عارف زمان

و أنت صغير -مش عارفة أيه حكاية العودة إلى الماضى اللى أنا عايشة فيها دى- تلاقى أمك بتقولك يا ابنى كل عشان يقولوا عليك شاطر



و بعدين تكبر شوية

تقولك لو أنت ولد -غالبا الأب اللى بيقول الحتة دى- ما تلعب كرة يا ابنى يمكن تبقى لعيب مشهور - و احتمال ساعتها يبقى بيفكر فى الملايين- و الكرة مع الدريم و اطلع فى

اللفلزيون..هيييييه......... أو يقولك أتعلم

سباحة...على أساس أنك هتبقى رانيا علوانى (ملحوظة: مش عارفة اسم سباح مشهور راجل )




أو لو بنت يقولوا لها العبى باليه و فرحينى باه أصلى أنا كان نفسى العبه

زمان و برده عشان اقول بنتى بتلعب باليه .....


و ياريت كمان بقى لو تكونى بتعزفى..يااه



...تمر الأيام و توصل أنك خلاص بقى

عندك بتاع ستاشر سبعتاشر سنة و خلاص هتختار أيه الطريق اللى هتمشيه و الكلية اللى هتدخلها (و بالمناسبة ناااس كتير مبتبقاش عارفة هى عايزة أيه فى الوقت ده..و ساعات و لا بعد الوقت ده)...تلاقى بقى حملة الزن المكثف اشتغلت و فجأة بقيت أنت الشخصية اللى مطلوب منك تحقق أحلام كل النااس..

اللى يقولك اطلع دكتور كده

أد الدنيا (لغاية دلوقتى أنا معرفش إزاى الدكتور بيبقى اد الدنيا كلها..أنا شايفاه فى الحجم العادى بتاع بقية بنى آدمين)....



و اللى يقولك لأ ادخل هندسة و خليك باش مهمندس..يعنى عاجباك اللى طنط زوزو قاعده تعمله فيا..كل شوية تقولى ابنها الباشمهندس راح و ابنها الباشمهندس جيه و أنا خلاص اتفرست..

أدخل هندسة عشان أرفع رأسى أنا كمان و أقولها ابنى الباشمهندس (بغض النظر إن هندسة دى آخر حاجة ممكن ترفع الرأس لأنك يعينى بتبقى قاعد مكفى على الكتب أو بترسم بعض الخزعبلات اللى طالبها الدكتور و مفيش حتى وقت ترفع رأسك)...آه و بهذه المناسبة أحب أقول و أنا مالى أصلا بطنط زوزو؟؟





و لا اللى يقوللك أدخل صيدلة..- وسعوولى بقى شوية كده - يقولك دى كلية سهلة و لا سبع سنين زى الطب و لا هتقعد تبص فى بؤ الناس زى أسنان و لا وجع دماغ هندسة....آآآه يا كدااابين..

أهو طلع فيها الأسوأ..مياة نار و فران ..و عيدى النقط و سخنى و قلبى و شوفى كام مللى و غياب بالفوطة الصفراء و ممنوع النفس و الكحة و الكلام و العطس عشان ما تلوثيش البكتريا....و الدبانة

عندها كام رجل و الناموسة كام جناح و

النعناع تحت الميكرسكوب شكله ايه.... يالا..اللى حصل بقى....


(ملحوظة: هاحاول فى مرة أكتب بالتفصيل

عن نوعية المناهج دى عشان الناس بعد كده تقدر يعنى أيه صيدلى؟..و بالنسبة للصور حاولت ادور على صور صيادلة متضايقين بس

ما لقيتش ..فعقابا ليهم جبت صورة من غير وش و بيبى بيعيط...)


.........ده حتى الجواز...الرباط المقدس زى ما بيقولوا..









الأم حاليا-الحمة مستقبلا-تقعد تدى لابنها النصايح الذهبية أنا عايزة واحدة مفيهاش غلطة..(و هانجبهالك

منين اذا كان كل الناس فيهم غلطات)


حاجة كدة أتشرف بيها قدام الناس..و


large ..و يكونوا ناس.

و ..و...و....


و أم البنت-أوالعروسة مستقبلا- تقول لها..بقولك أيه كل إلا الجواااز وعلى


أساس انها مقالتش حاجة قبل الكده-..


أنا عايزة حاجة



تعوضنى عن كل اللى أنا فيه ( و كأن البنت و أمها هيتجوزوه مع بعض)..و لازم يبقى فيه و فيه و



عنده و عنده و أقعد اقول للناس أصل



جوز بنتى سوى و عمل..و كده...


.................خدت بالك إيه القاسم المشترك فى كل اللى فات...إن احنا عايزين نعمل الحاجة مش




عشان نبسط نفسنا احنا لأ عشان



نتمنظر...و هذه الكلمة نتمنظر بعد البحث و الفحص فى قاموس الكلمات المصرية الأصيل وجد


الآتى:


تمنظر يتمنظر تمنظرا..و هى تعنى التباهى بما تفعله و غيظ كل من حولك من اجل التخلص من



بعض المشاعر الدفينة التى يسجلها




قلبك الأسود عندما تمنظر عليك حد قبل كده...


.......................



أنا ركزت على المنظرة من الأم و الأب بولادهم لكن ده مش معناه إن هى دى المنظرة بس..لا



بالعكسسسسسسسسسس



المنظره متغلغلة فى كل ركن فى الشارع المصرى.......



تلاقى تليفون بيرن و واحد بيطلع يرد و بعدين يقول للناس ..أوه كنت فاكره موبينيل..ده طلع



تليفونى التانى بتاع فودافون اللى بيرن


..

و بعدين يطلعه..و يقولهم..تخيلوووا!!..ده طلع التليفون التالت بتاع اتصالات..و بعدين لما يطلعه




يلاقى و لا حد بيتصل بيه و



لا حاجة..آمال أيه..يلاقى هو كاتب لنفسه أوعى تنسى إيجار الشقة النهاردة...



و هو بقى يشرح للناس الجهلة اللى حواليه...ده



anniversary reminder




.و لا لو دخلت جهة حكومية..زى مثلا بطلع رخصة و لا حاجة تلاقى واحد


لابسلك



لبس الظباط كامل و حاطط معاه مسدسه..على أساس لو فتحت بقك..أنت



عارف مصيرك...و لو حد قال حاجة يقوله انت عارف أنت بتكلم



ميين؟


..

و لغاية عند أنت عارف أنت بتكلم مين و هى قمة المنظرة...هكتفى بهذا لقدر بعد ان أقول إن




مسلسل المنظرة مازال مستمرا و بيفكروا



يعملوا منه اجزاء


..

و بما أنا اللى كاتبه الموضوع ده يبقى أكيد أكيد..انا مشاركه فيه..و أكيد أكيد أنت فى مصر...




كل سنة و أنتم طيبين..و أنا آسفة إنى مبعلقش..أنا حتى الموضوع ده كتباه من زمان بس ماكنتش راديه احطه..مستنية لما طوفان الامتحانات اللى كنت فيه يخف شوية...بجد وحشنى اوى عالم المدونات..


هناك 22 تعليقًا:

The illusionist يقول...

ايه ده هو انا الاول

The illusionist يقول...

هههههههههههههههههههههه

جيتى لقضاكى


جاء المحتل الغاصب

جاء الشرير الداحر

جاء الوحش الكاسر

جاء ابو رجل مسلوخه وايد مسثلوخه وكل حاجه مسلوخه

عشان العيد بقى وبتاع

The illusionist يقول...

اولا بما ان البوست ده حلو يعنى

وبما ان اسلوبك حلو والصور بتاعتك حلوه وفيها مجهود واضح

خدى الصورتين دول للصيدلى الغضبان

http://willdo.philadelphiaweekly.com/archives/101206chemist.gif


http://www.stuffintheair.com/images/CartoonChemist.gif


http://www.ncbusinesslitigationreport.com/doctor%20angry.jpg


http://1.bp.blogspot.com/_rvFWbGQXdrA/Smo4Yb2nF9I/AAAAAAAAAsY/iC74HJ5URFk/s400/angry+doctor.jpg


واى خودمه يا ستى

وعشان بقى الصدف يعنى

هههههههههههههههههههه

اشهر لاعب سباحه مصرى

اسمه محمد زناتى

اوعى يا ستى

وادى الليل يا ستى

http://www.youm7.com/News.asp?NewsID=35043&SecID=22&IssueID=127

واى خدمه

The illusionist يقول...

منوره يا ستى وزى الفل

وولايهمك عيب يعنى مش عشان مبتزوريش

لقد تركتى اسمك علامه من قبل

نياهاهاهاه

ليبتون روزى

علامى الذوق الرفيع

دماغ البوست ده

النوع اللى بحب اكتبه

اللى امسك فيه ظاهره واقعد اجيب فيها كل القطط الفطسانه

بس بتبقى حاجه تزهق فعلا

خصوصا المنظره

حاجه تشل تشل تشل

جايب معايا الموبايل التاتش

لالالا

انا زهقت منو ومن اللاب توب بتاعى

انا هبيعهم

وهجيب طياره هوليكبتور بتطير لحد المريخ

لالالا

زهقت من المريخ

عندى ناس من دى فى الكليه

عارفهم

اخرتى البوست ده ليه بس

ده فيه تنفيس شديد تجاه المنظرجيه

هههههههههههههه

ويمكن حقد طبقى بالمره بقى

سعدت بالتعليق عندك على الصبح

وصباح الفل عليكى

صمت المشاعر يقول...

وكاتمه دا كله في قلبك وساكته

فعلا الشعب دلوقت بقي اللي يهمه المنظره

بالتوفيق يارب في دراستك وامتحاناتك

Rosie يقول...

The illusionist
>>نقول بسم الله الرحمن الرحيم و نبتدى..اولا مبروك عليك المركز الأول و التانى و التالت...فكرتنى بالمثلين اللى بيقولوا احنا بنافس نفسنا..تبع المنظرة..هههه
آه و أهلا بالشرير الداحر..و آه شكرا على الصور و المعلومات....أنا الصراحة كسلت ادور على اسم سباح..بالنسبة للصور هاسجلهم عندى لكن ماأظنش إنى هاحطهم فى الموضوع..أصلى فاااااشلة أوى فى الحكاية دى..أنا ممكن أكتب فى ربع ساعة و أحط الصور فى ساعة..و يتحطوا و يلخبطولى الكلام و كمان مش راضيين يتنقلوا من word
...شفت ازاى..معندكش حل بما إنك ملك الصور؟؟..آه..و السباااح رقم واحد..
حلو موضوع القطط الفص دى..
تقريبا أنا كده هاعلقك على كل حرف أنت كاتبه..بجد شكرا جدا جدا على التعليق..من التعليقات اللى انا بستناها فعلا...

Rosie يقول...

صمت المشاعر
Welcome at the blog
مننننننننورة..
آه شفتى كاتمة ازاى انا و ساكتة ...شكرا للتعليق

همسات وبحــ الحياه ــر يقول...

واحشااااااانى كتييييير كتيييييييير والله فيييينك كدا كنتى غاطسة فين

بجد ضحكتييييييينى جدااا لانك تقريبا وصفنى حياتنا بالتفصيل والغير ممل
ابدعتى

تحياتى

Rosie يقول...

مسات فى بحر
موجودة ..بحارب عشان اتخرج..شوفتى ازاى...وحشانى أنت كمان..و مبسوطة أنه ضحكك..ده من اهم الأهداف..أن الواحد يبسط حد..

محمود نشأت يقول...

I like it :)

Rosie يقول...

محمود نشأت
Thank u..

The illusionist يقول...

اولا كل سنه وانتى طيبه

ثانيا

عندى حل سحرى ليكى

سحرى بمعنى الكلمه يعنى

بما ان الصور بتقرفك

انتى بالضبط تعملى اللى هقوله

لما تجيبى صوره من جوجل

تعلمى على الصوره بالماوس

تعلمى بس

كانك بتحددى حبه ايقونات كده

لحد ما الصوره تغمق انها اتحددت

هى وبس

بس يا ستى

تعملى كليك يمين

وكوبى ليها

وفى الموضوع


تقفى فى الحته اللى عاوزه تلزقى الصوره فيها

وتعملى باست

بس يا ستى

وده كان درس من دروس ابو زناتى

اى خدعه يا روزى

واى سؤال انا هنا

The illusionist يقول...

كل سنه وانتى طيبه

هوديه مخصوص يعنى على قد ما قسم

http://img816.imageshack.us/img816/225/644654.jpg

romansy يقول...

بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير

عيد سعيد على كل الناس الطيبين

Rosie يقول...

The illusionist
you can`t imagine hoooooooooow much I liked the picture..
بجد تحفففة...خصوصا إنى عارفة إن الواحد بيطلع عينه عشان يحط الصور و الكلام..و لا يمكن ده Hنا بس..
طبعا شكر عظيم كبير رهيب على إنك مهتم و علقت لى تانى...تشكرات افندينا...
أنا هاحكيلك بالظبط مغامراتى فى نشر الكلام على المدونة..عشان تبقوا تقدروا المجهود يا بشر..:D
زمان كان internet explore ماشى زى الفل كنت بعمل paste للكلام و ألاقيه موجود فى المدونة عااادى جدا زى كل البشر دلوقتى...مبيقاش بيرضى و تحايلا على هذه المشكلة - الله على العربى الفصيح بتاعك يا منة- بقيت بحطه من على google chrome
بالنسبة لل copy paste
اللى انت قلتها أنا بتهيألى إنى جربتها برده و كان فيها مشكلة بس مش قادرة افتكر إيه بالظبط ..عامة هى المشكلة دايما بتحس إن الكلام راكبه عفريت تحط الصورة من هنا و تلاقيه راح هناك ..بس وعد إنى هاجربها..أصلى بحب الحلول السحرية فووووووووق الوصف...شكرا مرة مليووووون يا زناتى..صحيح هو انت السباح ده ؟؟:D

Rosie يقول...

Romancy
Thaaaaaaank u very much..It`s a pleasure to see u again in my blog..Happy feast to u too.

Tamer Moghazy يقول...

والله وانت كمان وحشتي عالم المدونات يا Rosie :)
بوست في الجووووون وقريته وكاني انا اللي باتكلم من كتر اللي بنشوفه ولو اني كنت مستني اقرا للصبح في موضوع (المنظرة) ده..

بس سؤال: هو احنا ليه شعب (متمنظر) قوووي كده..؟

لسه عندي ملاحظة قولتهالك زمان وهي تظبيط الصور وسط الكلام :)

كل سنة وانت بكل الخير والسعادة :)

همسات وبحــ الحياه ــر يقول...

ربنا معاااكى ياروزى
هو انت فى كلية ايه
انا برضو بحارب فى اخر سنة دى
ربنا يوفقنا جميعا

Rosie يقول...

Timo
عارف انا كتير فى المدونات ببقى بقرأ موضوع و عامله أقول هو اللى كاتبه ده دخل جوه مخى؟؟..بيبقى كتب حاجات نفسى أقولها...
ليه احنا شعب متمنظر؟..ممكن أتفلسف بأه و أقول عشان و عشان بس الصراحة معرفش..يمكن اتعودنا؟..
و حلوة اوى فى الجون دى...كل سنة و انت طيب و شكرا شكرا للتعليق الرائع ده..آه بالنسبة للصور أنا لسه بحاول معاها و انا و هى و الزمن طويل..

Rosie يقول...

همسات فى بحر الحياة
ربنا معانا كلنا..انا فى كلية صيدلة -ربنا ما يوريك و لا يورى حد عزيز عليكى..- ههه..وو لأسف انا مش فى آخر سنة بس مسنياها بفارغ الصبر..أو التخرج بمعن أصح..شكرا للتعليق

همسات وبحــ الحياه ــر يقول...

كل عام وانتم الي الله اقرب هذا عام جديد وعلى عملك شهيد فبادر بالسعى والتجديد .......اللهم اجعله عاااام يعز فيه الاسلام والمسلمييييييين ......ولا تنسوا احب الصيام الي الله بعد رمضان صيام شهر محرم ولا تنسونا من صالح دعائكم اللهم احسن خاتمنتنا

بعتذر عن تقصيرى معاكم

Rosie يقول...

همسات
و انت طبية....آمين يا رب..و ربنا يسعدنا جميعا..و تقصير أيه بس يا بنتى ..أنا اليى مقصررررة ..

الأربعاء، 10 نوفمبر 2010

...الشعب المتمنظر..



عارف زمان

و أنت صغير -مش عارفة أيه حكاية العودة إلى الماضى اللى أنا عايشة فيها دى- تلاقى أمك بتقولك يا ابنى كل عشان يقولوا عليك شاطر



و بعدين تكبر شوية

تقولك لو أنت ولد -غالبا الأب اللى بيقول الحتة دى- ما تلعب كرة يا ابنى يمكن تبقى لعيب مشهور - و احتمال ساعتها يبقى بيفكر فى الملايين- و الكرة مع الدريم و اطلع فى

اللفلزيون..هيييييه......... أو يقولك أتعلم

سباحة...على أساس أنك هتبقى رانيا علوانى (ملحوظة: مش عارفة اسم سباح مشهور راجل )




أو لو بنت يقولوا لها العبى باليه و فرحينى باه أصلى أنا كان نفسى العبه

زمان و برده عشان اقول بنتى بتلعب باليه .....


و ياريت كمان بقى لو تكونى بتعزفى..يااه



...تمر الأيام و توصل أنك خلاص بقى

عندك بتاع ستاشر سبعتاشر سنة و خلاص هتختار أيه الطريق اللى هتمشيه و الكلية اللى هتدخلها (و بالمناسبة ناااس كتير مبتبقاش عارفة هى عايزة أيه فى الوقت ده..و ساعات و لا بعد الوقت ده)...تلاقى بقى حملة الزن المكثف اشتغلت و فجأة بقيت أنت الشخصية اللى مطلوب منك تحقق أحلام كل النااس..

اللى يقولك اطلع دكتور كده

أد الدنيا (لغاية دلوقتى أنا معرفش إزاى الدكتور بيبقى اد الدنيا كلها..أنا شايفاه فى الحجم العادى بتاع بقية بنى آدمين)....



و اللى يقولك لأ ادخل هندسة و خليك باش مهمندس..يعنى عاجباك اللى طنط زوزو قاعده تعمله فيا..كل شوية تقولى ابنها الباشمهندس راح و ابنها الباشمهندس جيه و أنا خلاص اتفرست..

أدخل هندسة عشان أرفع رأسى أنا كمان و أقولها ابنى الباشمهندس (بغض النظر إن هندسة دى آخر حاجة ممكن ترفع الرأس لأنك يعينى بتبقى قاعد مكفى على الكتب أو بترسم بعض الخزعبلات اللى طالبها الدكتور و مفيش حتى وقت ترفع رأسك)...آه و بهذه المناسبة أحب أقول و أنا مالى أصلا بطنط زوزو؟؟





و لا اللى يقوللك أدخل صيدلة..- وسعوولى بقى شوية كده - يقولك دى كلية سهلة و لا سبع سنين زى الطب و لا هتقعد تبص فى بؤ الناس زى أسنان و لا وجع دماغ هندسة....آآآه يا كدااابين..

أهو طلع فيها الأسوأ..مياة نار و فران ..و عيدى النقط و سخنى و قلبى و شوفى كام مللى و غياب بالفوطة الصفراء و ممنوع النفس و الكحة و الكلام و العطس عشان ما تلوثيش البكتريا....و الدبانة

عندها كام رجل و الناموسة كام جناح و

النعناع تحت الميكرسكوب شكله ايه.... يالا..اللى حصل بقى....


(ملحوظة: هاحاول فى مرة أكتب بالتفصيل

عن نوعية المناهج دى عشان الناس بعد كده تقدر يعنى أيه صيدلى؟..و بالنسبة للصور حاولت ادور على صور صيادلة متضايقين بس

ما لقيتش ..فعقابا ليهم جبت صورة من غير وش و بيبى بيعيط...)


.........ده حتى الجواز...الرباط المقدس زى ما بيقولوا..









الأم حاليا-الحمة مستقبلا-تقعد تدى لابنها النصايح الذهبية أنا عايزة واحدة مفيهاش غلطة..(و هانجبهالك

منين اذا كان كل الناس فيهم غلطات)


حاجة كدة أتشرف بيها قدام الناس..و


large ..و يكونوا ناس.

و ..و...و....


و أم البنت-أوالعروسة مستقبلا- تقول لها..بقولك أيه كل إلا الجواااز وعلى


أساس انها مقالتش حاجة قبل الكده-..


أنا عايزة حاجة



تعوضنى عن كل اللى أنا فيه ( و كأن البنت و أمها هيتجوزوه مع بعض)..و لازم يبقى فيه و فيه و



عنده و عنده و أقعد اقول للناس أصل



جوز بنتى سوى و عمل..و كده...


.................خدت بالك إيه القاسم المشترك فى كل اللى فات...إن احنا عايزين نعمل الحاجة مش




عشان نبسط نفسنا احنا لأ عشان



نتمنظر...و هذه الكلمة نتمنظر بعد البحث و الفحص فى قاموس الكلمات المصرية الأصيل وجد


الآتى:


تمنظر يتمنظر تمنظرا..و هى تعنى التباهى بما تفعله و غيظ كل من حولك من اجل التخلص من



بعض المشاعر الدفينة التى يسجلها




قلبك الأسود عندما تمنظر عليك حد قبل كده...


.......................



أنا ركزت على المنظرة من الأم و الأب بولادهم لكن ده مش معناه إن هى دى المنظرة بس..لا



بالعكسسسسسسسسسس



المنظره متغلغلة فى كل ركن فى الشارع المصرى.......



تلاقى تليفون بيرن و واحد بيطلع يرد و بعدين يقول للناس ..أوه كنت فاكره موبينيل..ده طلع



تليفونى التانى بتاع فودافون اللى بيرن


..

و بعدين يطلعه..و يقولهم..تخيلوووا!!..ده طلع التليفون التالت بتاع اتصالات..و بعدين لما يطلعه




يلاقى و لا حد بيتصل بيه و



لا حاجة..آمال أيه..يلاقى هو كاتب لنفسه أوعى تنسى إيجار الشقة النهاردة...



و هو بقى يشرح للناس الجهلة اللى حواليه...ده



anniversary reminder




.و لا لو دخلت جهة حكومية..زى مثلا بطلع رخصة و لا حاجة تلاقى واحد


لابسلك



لبس الظباط كامل و حاطط معاه مسدسه..على أساس لو فتحت بقك..أنت



عارف مصيرك...و لو حد قال حاجة يقوله انت عارف أنت بتكلم



ميين؟


..

و لغاية عند أنت عارف أنت بتكلم مين و هى قمة المنظرة...هكتفى بهذا لقدر بعد ان أقول إن




مسلسل المنظرة مازال مستمرا و بيفكروا



يعملوا منه اجزاء


..

و بما أنا اللى كاتبه الموضوع ده يبقى أكيد أكيد..انا مشاركه فيه..و أكيد أكيد أنت فى مصر...




كل سنة و أنتم طيبين..و أنا آسفة إنى مبعلقش..أنا حتى الموضوع ده كتباه من زمان بس ماكنتش راديه احطه..مستنية لما طوفان الامتحانات اللى كنت فيه يخف شوية...بجد وحشنى اوى عالم المدونات..


هناك 22 تعليقًا:

The illusionist يقول...

ايه ده هو انا الاول

The illusionist يقول...

هههههههههههههههههههههه

جيتى لقضاكى


جاء المحتل الغاصب

جاء الشرير الداحر

جاء الوحش الكاسر

جاء ابو رجل مسلوخه وايد مسثلوخه وكل حاجه مسلوخه

عشان العيد بقى وبتاع

The illusionist يقول...

اولا بما ان البوست ده حلو يعنى

وبما ان اسلوبك حلو والصور بتاعتك حلوه وفيها مجهود واضح

خدى الصورتين دول للصيدلى الغضبان

http://willdo.philadelphiaweekly.com/archives/101206chemist.gif


http://www.stuffintheair.com/images/CartoonChemist.gif


http://www.ncbusinesslitigationreport.com/doctor%20angry.jpg


http://1.bp.blogspot.com/_rvFWbGQXdrA/Smo4Yb2nF9I/AAAAAAAAAsY/iC74HJ5URFk/s400/angry+doctor.jpg


واى خودمه يا ستى

وعشان بقى الصدف يعنى

هههههههههههههههههههه

اشهر لاعب سباحه مصرى

اسمه محمد زناتى

اوعى يا ستى

وادى الليل يا ستى

http://www.youm7.com/News.asp?NewsID=35043&SecID=22&IssueID=127

واى خدمه

The illusionist يقول...

منوره يا ستى وزى الفل

وولايهمك عيب يعنى مش عشان مبتزوريش

لقد تركتى اسمك علامه من قبل

نياهاهاهاه

ليبتون روزى

علامى الذوق الرفيع

دماغ البوست ده

النوع اللى بحب اكتبه

اللى امسك فيه ظاهره واقعد اجيب فيها كل القطط الفطسانه

بس بتبقى حاجه تزهق فعلا

خصوصا المنظره

حاجه تشل تشل تشل

جايب معايا الموبايل التاتش

لالالا

انا زهقت منو ومن اللاب توب بتاعى

انا هبيعهم

وهجيب طياره هوليكبتور بتطير لحد المريخ

لالالا

زهقت من المريخ

عندى ناس من دى فى الكليه

عارفهم

اخرتى البوست ده ليه بس

ده فيه تنفيس شديد تجاه المنظرجيه

هههههههههههههه

ويمكن حقد طبقى بالمره بقى

سعدت بالتعليق عندك على الصبح

وصباح الفل عليكى

صمت المشاعر يقول...

وكاتمه دا كله في قلبك وساكته

فعلا الشعب دلوقت بقي اللي يهمه المنظره

بالتوفيق يارب في دراستك وامتحاناتك

Rosie يقول...

The illusionist
>>نقول بسم الله الرحمن الرحيم و نبتدى..اولا مبروك عليك المركز الأول و التانى و التالت...فكرتنى بالمثلين اللى بيقولوا احنا بنافس نفسنا..تبع المنظرة..هههه
آه و أهلا بالشرير الداحر..و آه شكرا على الصور و المعلومات....أنا الصراحة كسلت ادور على اسم سباح..بالنسبة للصور هاسجلهم عندى لكن ماأظنش إنى هاحطهم فى الموضوع..أصلى فاااااشلة أوى فى الحكاية دى..أنا ممكن أكتب فى ربع ساعة و أحط الصور فى ساعة..و يتحطوا و يلخبطولى الكلام و كمان مش راضيين يتنقلوا من word
...شفت ازاى..معندكش حل بما إنك ملك الصور؟؟..آه..و السباااح رقم واحد..
حلو موضوع القطط الفص دى..
تقريبا أنا كده هاعلقك على كل حرف أنت كاتبه..بجد شكرا جدا جدا على التعليق..من التعليقات اللى انا بستناها فعلا...

Rosie يقول...

صمت المشاعر
Welcome at the blog
مننننننننورة..
آه شفتى كاتمة ازاى انا و ساكتة ...شكرا للتعليق

همسات وبحــ الحياه ــر يقول...

واحشااااااانى كتييييير كتيييييييير والله فيييينك كدا كنتى غاطسة فين

بجد ضحكتييييييينى جدااا لانك تقريبا وصفنى حياتنا بالتفصيل والغير ممل
ابدعتى

تحياتى

Rosie يقول...

مسات فى بحر
موجودة ..بحارب عشان اتخرج..شوفتى ازاى...وحشانى أنت كمان..و مبسوطة أنه ضحكك..ده من اهم الأهداف..أن الواحد يبسط حد..

محمود نشأت يقول...

I like it :)

Rosie يقول...

محمود نشأت
Thank u..

The illusionist يقول...

اولا كل سنه وانتى طيبه

ثانيا

عندى حل سحرى ليكى

سحرى بمعنى الكلمه يعنى

بما ان الصور بتقرفك

انتى بالضبط تعملى اللى هقوله

لما تجيبى صوره من جوجل

تعلمى على الصوره بالماوس

تعلمى بس

كانك بتحددى حبه ايقونات كده

لحد ما الصوره تغمق انها اتحددت

هى وبس

بس يا ستى

تعملى كليك يمين

وكوبى ليها

وفى الموضوع


تقفى فى الحته اللى عاوزه تلزقى الصوره فيها

وتعملى باست

بس يا ستى

وده كان درس من دروس ابو زناتى

اى خدعه يا روزى

واى سؤال انا هنا

The illusionist يقول...

كل سنه وانتى طيبه

هوديه مخصوص يعنى على قد ما قسم

http://img816.imageshack.us/img816/225/644654.jpg

romansy يقول...

بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير

عيد سعيد على كل الناس الطيبين

Rosie يقول...

The illusionist
you can`t imagine hoooooooooow much I liked the picture..
بجد تحفففة...خصوصا إنى عارفة إن الواحد بيطلع عينه عشان يحط الصور و الكلام..و لا يمكن ده Hنا بس..
طبعا شكر عظيم كبير رهيب على إنك مهتم و علقت لى تانى...تشكرات افندينا...
أنا هاحكيلك بالظبط مغامراتى فى نشر الكلام على المدونة..عشان تبقوا تقدروا المجهود يا بشر..:D
زمان كان internet explore ماشى زى الفل كنت بعمل paste للكلام و ألاقيه موجود فى المدونة عااادى جدا زى كل البشر دلوقتى...مبيقاش بيرضى و تحايلا على هذه المشكلة - الله على العربى الفصيح بتاعك يا منة- بقيت بحطه من على google chrome
بالنسبة لل copy paste
اللى انت قلتها أنا بتهيألى إنى جربتها برده و كان فيها مشكلة بس مش قادرة افتكر إيه بالظبط ..عامة هى المشكلة دايما بتحس إن الكلام راكبه عفريت تحط الصورة من هنا و تلاقيه راح هناك ..بس وعد إنى هاجربها..أصلى بحب الحلول السحرية فووووووووق الوصف...شكرا مرة مليووووون يا زناتى..صحيح هو انت السباح ده ؟؟:D

Rosie يقول...

Romancy
Thaaaaaaank u very much..It`s a pleasure to see u again in my blog..Happy feast to u too.

Tamer Moghazy يقول...

والله وانت كمان وحشتي عالم المدونات يا Rosie :)
بوست في الجووووون وقريته وكاني انا اللي باتكلم من كتر اللي بنشوفه ولو اني كنت مستني اقرا للصبح في موضوع (المنظرة) ده..

بس سؤال: هو احنا ليه شعب (متمنظر) قوووي كده..؟

لسه عندي ملاحظة قولتهالك زمان وهي تظبيط الصور وسط الكلام :)

كل سنة وانت بكل الخير والسعادة :)

همسات وبحــ الحياه ــر يقول...

ربنا معاااكى ياروزى
هو انت فى كلية ايه
انا برضو بحارب فى اخر سنة دى
ربنا يوفقنا جميعا

Rosie يقول...

Timo
عارف انا كتير فى المدونات ببقى بقرأ موضوع و عامله أقول هو اللى كاتبه ده دخل جوه مخى؟؟..بيبقى كتب حاجات نفسى أقولها...
ليه احنا شعب متمنظر؟..ممكن أتفلسف بأه و أقول عشان و عشان بس الصراحة معرفش..يمكن اتعودنا؟..
و حلوة اوى فى الجون دى...كل سنة و انت طيب و شكرا شكرا للتعليق الرائع ده..آه بالنسبة للصور أنا لسه بحاول معاها و انا و هى و الزمن طويل..

Rosie يقول...

همسات فى بحر الحياة
ربنا معانا كلنا..انا فى كلية صيدلة -ربنا ما يوريك و لا يورى حد عزيز عليكى..- ههه..وو لأسف انا مش فى آخر سنة بس مسنياها بفارغ الصبر..أو التخرج بمعن أصح..شكرا للتعليق

همسات وبحــ الحياه ــر يقول...

كل عام وانتم الي الله اقرب هذا عام جديد وعلى عملك شهيد فبادر بالسعى والتجديد .......اللهم اجعله عاااام يعز فيه الاسلام والمسلمييييييين ......ولا تنسوا احب الصيام الي الله بعد رمضان صيام شهر محرم ولا تنسونا من صالح دعائكم اللهم احسن خاتمنتنا

بعتذر عن تقصيرى معاكم

Rosie يقول...

همسات
و انت طبية....آمين يا رب..و ربنا يسعدنا جميعا..و تقصير أيه بس يا بنتى ..أنا اليى مقصررررة ..