لسه فى حب و حنان
بعد الضرب و الإهانة
بعد ما اتخانت الأمانة
الأب خد عليه العهد
و هو حلف له بالوعد
قاله أنا مديك هدية
بنتى حتة من عنيه
حافظ عليها و صونها
و أوعى فى يوم تخونها
فى بيتها كانت أميرة
وفى بيته عاشت سجينة
افتكر أنه بشوية فلوس
ممكن يمتلك حتى النفوس
قالها أنا هنا الراجل
و أنت على طاعتى ُمجبرة
لو أمرتك تقتلى نفسك
أنت حتى مش مُخيرة
مفهمش أنها كيان تانى
مش عبد لانسان أنانى
هو لسه فى أمان؟؟
لما البنت تنزل الشارع
خايفة منه و هو فاضى
و خايفة أكتر لو مليان
من ناس معندهاش وازع
فاكرين أنه كله عادى
نظرات زى السهام
و أسوأ منها الكلام
هو لسه فى أمان؟؟
لما الراجل يجى ينام
قلقان من صوت مريب
ليكون غدر حد قريب
و شايف أقرب الناس
عقلهم موٌت الاحساس
لسه بأه فى أمان؟؟
لسه فى حب و حنان
و لا ده مجرد كلام
أحلام و شوية أوهام
لأ لسه فى أمان أكيد
بس بطل تبقى كيان عنيد
منهجك مع الناس التهديد
و رافض أسلوب جديد
مع الضعيف عايش مفترى
و مع القوى خايف منطوى
اقتل الوحش اللى جوانا
اللى كبر كل يوم معانا
و قتل أحلى ما فينا
حب و تسامح ملينا
و عشان يبقى في أمان
أفتكر دايما أنك إنسان
...............................................
معلش يا جماعة..مش عارفة ليه كل ما كتب موضوع يبان أنه نصيحة أو موعظة.أنا بس مش بحب المشاكل اللى من غير حلول..لكن مابقاش قاصدة خالص قصة النصيحة دى..أنا بكتب اللى حاسة بيه وخالص..يطلع شعر..يطلع كلام عادى..نصيحة...نكتة..هو و ظروفه بأه..عامة هحاول أكتب حاجة مختلفة المرات الجاية..كفاية رغى بأه..عايزة أعرف رأيكم فى الموضوع ..و خدوا بالكم من لوك المدونة الجديد...
هناك 42 تعليقًا:
اول تعليق
تانى تعليق علشان اقلك مبروووك اللوك الجديد يارب يكون وشه حلو عليكى
تالت تعليق علشان اقلك ان بجد الكلام اللى انتى كاتباه ده روعة بجد والله
عجبنى اللحن والكلام
بجد والله عجبنى اوى
وكمان ياستى حتى لو نصيحة ايه المانع طالما هنستفيد
ربنا يكرمك
تحياتى
ايمى
اولا
الف الف مبروك على اللوك الجديد
الموضوع جميل قوى
بس فيه امان اكيد
هنلاقيه مع الانسان اللى بيحب بضمير
هنلاقيه مع الانسان اللى بيحب لينا الخير
هنلاقيه هنلاقيه بس لما نحس احنا بالامان
هنلاقى انسان نديله الحنان
وتحب حياتنا حلوه
سادس تعليق ههههههههههههههههه
بجد كلامك جميل جدااتكلمتى في البدايه عن ان لم يبقي هناك اى شئ للتعبير والاحساس به لا الامان ولا الحنان ولاالكيان وبعدين جيتى في الاخر عشان تاكدى ان لسه فيه خير بس انا عاوز اقولك على حاجه دايماالى بيزرع خير بيحصد
ولو محصدش خير يبقي ده ابتلاء من عند ربنا
وده خير اكبر لان اذا احب الله عبدا ابتلاه وعلى قدر الحب يكون الابتلاء اسال الله لي ولكى وللناس عامه طيب المنام وعيش السعداء وراحه البال ويرزقنا الامان والحنان في قلوبنا ويجعلنا خير من يعطى الامان والحنان
تقبلي مروري
مش عارفة لسة فيه امان ولا لاء
احيانا بقول اه لسة فيه
مادام لسه فيه ناس طيبين
رافضيين يلبسو الاقنعة ويكون عنوان حياتهم الزييف
ولسة فيه ناس بتعامل ربنا في تصرفاتها
وماشيين بكلام الرسول ( حب لأخيك كما تحب لنفسك )
هو آه الناس دي بقت قليليين اوي
بس برضو لسة موجوديين
واحيانا تانية
تضييق بيا الدنيا
ومش بشوف حواليا غير اقنعة لابساها وجوه
وصخور اتحطت على القلوب
ساعتها بقرا الفاتحة على الآمان
وبقول عليه مات واندفن
=======
انا رغيت كتير
اول زيارة ليا
تقبلي مروري وتحياتي لكـِ
سارة
Emmy baby
مبروك أول و تانى تعليق...و الله يبارك فيكى بالنسبة للوك المدونة....و شكر كبير بأه للتعليق التالت الجميل ده...
Romancy
لله يبارك فيك.. و أنا كمان قلت زيك فى الآخر أن فى أمان أكيد...و فعلا هنلاقيه مع حد بنحبه بجد.......
اولا الف مبروك اللوك الجديد ولو انها اول زيارة ليا في المدونة بتاعتك وانا سعيدة جدا اني زورتها
ثانيا بقى انا مش قادرة اعلق من جمال الموضوع بتاعك
ماشاء الله كلامك اكبر بكتير من سنك وكل كلمة فيه جميلة وفي منتهى الروعة
وايه المشكلة انها يعني تكون نصيحة مادامت نصيحة كويسة
تقبلي مروري
جميلة جدا جدا
وايه المشكلة انك تكونى بتنصحى
بس نصيحتك بطريقة ملفته وجميلة
تحياتى لكى يا جميلة
اولا : حلو الاستايل الجديد ده
ثانيا موضوعك جميل جدا وبجد الامان افتقدناه فى الزمن ده اما الانسان من نفسه امان الزوجة من زوجها فى زمن انعدم فيه الامان ومنى سلام مصرى دائما
السلام عليكم
احلى تحية لموضوع كلماته قمه فى الجمال
بجد الموضوع عاجبنى جدا جدا جدا
و كلمات الموضوع و التعبيرات اللى فيه جميلة و خطيرة ( كله يحترس ليتعور )
بجد ابداع
و دومتى بخير يا رب
و رجعت تانى
النيو لوك عامل شغل جامد
لوك ابيض زى قلب صاحبته
و زى اللبن هههههههههههههههههه
و دومتى بخير ان شاء الله
لا تشتاق
أولا أهلا بك فى المدونة...و أكيد طبعا اللى بيزرع خير بيحصد خير عشان ربنا مبيضيعش تعب حد...و و يارب يرزقنا جميعا راحة البال و الأمان...شكرا للزيارة و التعليق...أبقى تعال دايما..
sara gebaly
شرفت المدونة فى أول زيارة..هو فعلا الحاجات اللى بتحصل خلت الواحد مش بس يشك أن فى أمان و لا لأ..لأ خلت يشك فى نفسه..يا ترى هو ماشى صح و لا غلت..من كتر ما الغلط انتشر.....ربنا يقوينا إن شاءالله...
كررى الزيارة ماشى..
زهور الأمل
الله يبارك فيك..و بجد مش عارفة أقول أيه على كلامك الجميل ده...شكراااااا ليك...و انا اللى سعيدة أنك نورت المدونة و مليتها زهور و امل...
تحياتى لك
فراشة
خالص كده أتاكدت أن مفيش مشكلة...هى المشكلة كانت ان النصيحة بتبقى تقيلة و ساعات بتخنق و أهم من كده مش أنا اللى مفروض أنصح..بس عامة زى ما اتفقنا أنى مش ببقى قاصدة...
شكرا لمرورك..
لنحيا فى أجواء الحب
......
ياريت تكون هاتقرى الرد اللى أنا هاكتبه ده...مدونتك فيها مشكلة...مفيش و لا تعليق رادى يتكتب..لازم تشيل حكاية تأكيد الكلمات دى..أنا حاولت كتير أكتبهالك فى مدونتك بس كش عارفة..
............
التعليق بأه...هو الأمان مش بس ساعات بنحس أننا افتقدناه...لأ بنحس أنه اتسرق مننا فى غمضة عين....
شكرا للتعليق ..ياريت تكون هاتقرى الرد ده....
تحياتى
ضحكات الحياة
و عليكم السلام و رحمة الله و بركاته....
بجد التعليقات دى مايتقلش عليها غير حاجة واحدة :"حاجة تفرح"..شكرا جدا لكلماتك......
آه شفت اللوك الأبيض فى أزرق..ده عشان الأمل و الفرحة و الحاجات الكويسة دى...يالا نخف على الناس شوية..
السلام عليكم ورحمة الله وبركاته
بجد ما فيش أمان....أصبحت خائفة من البشر وعدم شعورهم بأن المرأة جوهرة ثمينة لايقدروا على ايجاد مثلها.
حقول ايه واللى ايه.اللى انتى قولتيها رائع بجد .يسلم احساسك
دمتى بالخير والسعادة دائما
نهر الحب
نهر الحب
و عليكم السلام و رحمة الله و بركاته..شكرا ليكى و لتعليقك...نورت المدونة
بجد شكرا يامنة حقيقى انا ماكنتش عارف بس الحمد لله انك قلتى وعلى فكرة انا متشكر جدا لمجرد محاولة المرور الجميل من انسانة جميلة زيك ومنى سلام مصرى دائما
لنحيا فى أجواء الحب
بجد متتخيلش أنا مبسوطة أدأيه إنك قرأت الرد...أصل أنا كنت بحاول بكل الطرق إنى أوصلك المعلومة...
السجع جميل وتجانس اجمل وكلمات رقيقه
اقبلى مرورى صدفه جميله وياريت تعجبك مدونتى وضميها للمدونات المفضله ليكى سلام
طبعا فيه امان بس هو عملة نادرة اوى
:)
عشان الحاجة الغالية اوى بتلاقيها بعد تعب اوى عشان نعرف قيمتها
بجد بوست جميل
تحياتى
:)
صدفة جميلة
مرور جميل و أنا فعلا ضايفة مدونتك و علقت فيها كمان...
حدوتة
حلو أوى تعليقك ده..و شرفت المدونة..
روزي ..
تفتكري فيه لسه امان الحياه مبقاش فيها امان واحنا عايشين بدوامة الحياة زي ما قلتي الكل بيركض علشان يامن لقمة عيشه والفلوس بقت كل حاجه وعلشان كده القيم ضاعت بالدوامه الي احنا فيها ..
بوست حلو وكلام جميل
اول زياره للمدونه هنا
بتمنالك كل خير
انت لسه هنا؟
لا لا تعالى بسرعه عندنا
تيمون وبوبما عايزينك
كل ما تضحك اكتر كل تاكل بطاطا اكتر
هاكونا مطاطا
مش هتقدر تغمض عنيك
هاكونا مطاطا هديتنا لكل المدونين عشان نخرج من حاله النكد
هاكونا مطاطا تهييس للصبح
هاكونا مطاطا ... لااااا للملل
هاكونا مطاطا... قول لاء للهم
هاكونا مطاطا.... اوعى تزعل ابدااا
هاكونا مطاطا... ارمى الماضى ورا ضهرك
انسى الماضى اللى يغيظ
يلاااااااااا تعالى مستنى ايه
حبيبتى معتش فى امان بجد كانا مفتقدينه بشده
كلامك اسر جوايا كتير ربنا يسعدك يارب
دمتى بالف خير
ايناس
بجد
جد
جد
بين اضلاعك
قلب
شاعر
يسلم هالاحساس
رائع
اتمني التواصل وتبادل الاراء
Reem
أهلا بك فى أول زيارة فى المدونة...هى الفكرة أنى مبحش أضلم الدنيا قوى..يعنى لازم يبقى فيه شوية أمل نعيش عشانهم...عشان كده لازم يبقى فى أمان فى مكان ما فى وقت ما مع شخص ما...
ريمان و نوسة
فكرة جميلة ان حد يضيف ضحكة فى زمن صعب...إن شاء هازور المدونة بتاعتكم...
عاشقة الأحزان..
بجد أحلى حاجة بحب أسمعها غنى أثرت فى حد...و يا رب يبقى تأثير كويس..شكرا لوجودك
حلم
بجد..بجد..الكلام ده كتير قوى عليا...متشكرة جدا للزيارة و إن شاء الله يبقى فى تواصل..
كلماتك لخصت كتير أوي من واقعنا في شكل سلس وبسيط
تحياتي
شكرا يا مايكل..
الحــ ــزين
ياقمر انتى تكتبى زى ما إنتى عاوزة والله كل كلامك مفيش أجمل منه .كلنا بنكتب اللى حاسين بيه أهو كلام وبيعبر على اللى جوانا
دومتى بكل خير
الحــ ــزين
كلمات جميله ومعبرة
وواقعنا مليان
بيها
تقبلى تحياتى
الحزين
أهلا بك فى المدونة و شكرا جدا على كلامك و فعلا أحلى حاجة اننا نكتب اللى حسيينه..
ليس فقيرا من يحب
واقعنا مليان بالحلو و الوحش...و مليان بالخوف و الأمان..شكرا لمرورك...
إرسال تعليق