الجمعة، 16 يوليو 2010

رااجل


الصورة دى بتعبر عن حالتى الأيام الفاتت...ندخل بقى على موضوع النهارده..

فى يوم من أيام الاجازة الطويلة كنت قاعدة أتفرج على حوار مع سيمون..و بغض نظر عن حوارات الممثلين و المغنين اللى طول
ما أنت قاعد تتفرج عليها بتبقى كل شوية بتتطمن على مرارتك سليمة و لا اتفعقت
خلاص..إلا إنه لفت نظرى حاجات اتقالت فى الحوار ده...
.. كانت المذيعة بتكلمها عن أغنية مصوراها بتعامل فيها الرجل معاملة وحشة..فالمذيعة قالتلها الناس اتخضت بقى و قالت اللى

بتعمليه ده..اللى عاجبنى أوى بقى هو رد سيمون لما قالت لها..أنا كنت مطلعة نماذج معينة من الرجال ..بيضربوا زوجاتهم
و يبهدلوهم و حاجات كده و قالت لها ..أصل المفروض كلمة راجل دى كلمة كبيرة..تحتها معانى كتيرة....راااجل......عارفة يعنى أيه؟

........و من غير ما حد يزعل منى يعنى ..هى معاها حق..
.و لو جيت بصيت فى الشارع و حواليك هتلاقى الكلمة دى بقت مش مفهومة..بقت حاجة عاملة زى الشفافية و الأيدولوجية وآليات و الكلام الكتير اللى بيستعملوه المسئولين عشان المواطن البسيط و غير البسيط يقعد

قدام التلفزيون أو الجريدة متنح و يقول: لا و الله كتر خير الحكومة...عملت أيدولوجية و استراتيجية فى جملة
واحدة و فى الجملة اللى وراها آليات و شفافية!!!..
مثلا
تلاقى فى ناس فاهمة المعنى أنهم يصحوا يضربوا gel اللى وقع شعر كل ولاد مصر و بعدين يلبسوا اللبس

اللى مفيش كلمات كفاية توصفه و بعدين يلبس السلسلة اللى متعلق عليها جمجة طالعة من فيلم رعب و يشرب سيجارته لغاية ما
أوضته تبقى و لا أحسن محل كباب و بعدين ينزل الشارع و دى قصة تانية بقى...


يأما نازل يقابل صاحبته (حكاية أنه مصاحب دى موضوع لوحده أما البنت نفسها فعايزة مواضييع عشان
تتوصف )
ياما رايح لصحابه و اللى طابعا لازم يثبتوا وجودهم فى الشارع و هم مجتمعين بربطة المعلم و ده عن طريق

أنك تصحى من نومك الساعة 4 مفزوع على صوت واحد بينده يا اشررررف..كأن الموبايلات أختفت من العالم..
ده نوع من البشر فاهم أنه يبقى راجل لما يعمل الحاجات دى...
فى نوع تانى أكبر فى السن شوية اللى بيبقى وصل لمرحلة أنه رايح يخطب و المفروض عايز يفتح بيت و يعمل عيلة و الكلام الكبير

ده...المفروض و المتوقع و المنتظر أنك تلاقى قدامك شخص مسئول كده فاهم يعنى أيه أبقى قد المسئولية.. لكن كل اللى
بتلاقيه حد عايز يفهمك انه داخل يتجوز بالمجهودات الذاتية..نظام انا راجل و كفاية كده ..مش مهم أى حاجة تانية..مش مهم احترم
كلمتى..مش مهم أحقق أبسط الحاجات المطلوبة..لييييه؟..لأنكم بتشتروا رااجل...
دى أمثلة لناس فاهمة كلمة راجل غلط...و فى جملة تانية مفهومة غلط..حكاية أنهم يحمدوا
ربنا لأن الرجالة عملة نادرة فى الزمن ده..هو الحقيقى أنه الرجالة اللى من الأمثلة دى مليين البلد..لكن اللى بجد بقى عملة نادرة

راجل بالمعنى الصح و برده بنت بالمعنى الصح..الاتنين بقوا عملة نادرة أوى...
طبعا مش معنى كده أن كل الولاد فى غيبوية و البنات ضايعيين و يالا نموت نفسنا بقى و شغل الاكتئاب بتاع الفضائيات ده..لأ طبعا فى

أمثلة أقل ما تتوصف بيه أنها مبهرة و تخليك تحس إن فعلا فى أمل.....
ملحوظة صغيرة: مش عارفة ليه لم حاولت أدور على صور رجالة مصريين ناجحين مبيتطلعليش إلا صور فراعنه...أكيد جوجل
بيهرج..


هناك 14 تعليقًا:

عايش... ولكن !!!! يقول...

قولى ورايا
الرجوله ادب مش هز اكتاف :) على راى اللمبى :)))
هو فعلا كلمة راجل فيها معانى كتير ومتنطبقش على بعضهم حتى الفراعنه بردو اكيد كان فيهم نفس النوعيه دى بس طبعا احنا عندنا النوعيه دى كتير حبتين

MeGltNa 3mr Wa2el يقول...

الحكمة الى بتقول الية بتعم و الحسنه بتخص الكلام ده كان ف الزمن البعيد
دلوقتي اها فيه ناس بيقولوا انهم رجالة وهما مش رجالة زي الترتر الى كان طلع موضة و البديهات الى تبين التراي و الباي و عامل نفسه فيها جاكي شان و هو ضارب على الاقل منشطات تكفي جمهورية اوسوسوا بحالها هههههههههههه
عندك حق ف معظم كلامك لسه فيه خير و عمار في مصر

Rosie يقول...

عايش و لكن
الحمد لله أنى متفرجش على اللمبى..عشان أشوف الحاجات دى..مش ناقصاه هو كمان..
..آه أنا بس كان قصدى فى موضوع الفراعنة إنى حسيت كأننا معملناش حاجة خالص ..و أن مصر تساوى فراعنة و بس و طبعا دى حاجة غلط..

Rosie يقول...

amr wael
عامة الحكمة دى مش كويسة قوى لأنها بتظلم ناس كتير..

العيسوى الصغير يقول...

على فكرة بالنسبة للفراعنة هما اسرتين تقريبا اللى عاملوا حضارة


فعلا فى كلام كتير نفيش له معنى محدد ودى ميزة والا هنلعب بالالفاظ ازى

The illusionist يقول...

فراعنه مين واسر مين
ايه علاقه التعليق بالموضوع يا عم الحاج
انتوا هتهبلونا ليه فى البلد دى اكتر ما احنا اتهبلنا

The illusionist يقول...

بص يا كوتش وفتح معايا
كوتش روزى
الرجاله فى مصر بقوا بيتوصفوا بالفاظ لامؤاخذه
بصراحه
متلاقيش راجل راجل بالمعنى
وغنى
الغنى بيبقى فرفور
ده اولا
الفقرا بقى
كلهم مش رجاله
ههههههههههههههههههههههههههههه
اكيد هتقولى انا عبيط
بس تلت تربعهم عيال لامؤاخذه شلاف جدا
ومبقوش رجاله
الراجله واولاد الناس فعلا
اللى من الطبقات المتوسطه لحد اللى قبل الاغنيه
دول فعلا رجاله
الراجل فى مصر انا من رايى ملوش غير وصف واحد
واحد مستجحمل البلا كلو
وصابر
وناوى يكمل
يشرب سجاير
انا كنت بعترض
بس والله يا منه
من صيق الحياه وبلاويها
انا عرفت الناس بتشربها ليه
فعلا حاجه تجيب الغم الاحول
وبتوع البنات والذى منه
دول بقى بيلقبوا بكلام عيب
مينفعش نقوله
وبالنسبه للرجال الناجين فى مصر
كتير
بس لو لاحظتى
بيمشوا من البلد الاول او بينجحوا بطلوع الروح وبعدين يسافروا
واخيرا
نورتينى
وحمد الله عسلامه

Rosie يقول...

العيسوى الصغير
بالرغم من the illusionist رد عليك..بس انا أحب أقولك أولا أهلا وسهلا فى المدونة ...نورت البيت..قصدى المدونة...

Rosie يقول...

The illusionist
بترد على الناس و كتابلى تعليق طوله مترين..مش عارفة أقولك أيه ..مبسووووطة..هاروديلك بقى حته حته..
هو أنا موافقة على إن الرجالة بقم بيتوصفوا بوصف extra
زى فى فيلم أحمد حلمى لما كان بيقوله أيوه يعنى مصرى و بس و لا مصرى و ظابط و لا مصرى..الخ
بقم بيقول راجل و غنى..راجل و فققير و كده..
بس أنا معترضه أنهم كلهم من الطبقة المتوسط..لأ فى من كل الطبقات..بس طبيعى اللى شال المسئوليو و اتبهدل فى الدنيا بدرى بدرى هيبقى حاجة مختلف غير اللى بيجلوا كل حاجة جاهزة.......
آه و ابعد عن السجاير...
نورت المدونة

(حلـم)،، يقول...

ازيك يا دكتورة




انشالله بالف خير



وانشاللة بكون نصيبك من راجل



يصونك ويخاف عليك من النسمات



كل سنة وانت طيبة



فتك بعافية



دمتي شامخة كاهرام بلدك

Rosie يقول...

حلم
الناس بتوع المدونة رجعوا تانى أهم..هيه..هيه..
و أنت طيب و شكرا تعليقك..

Timo.. يقول...

عارفة يا روزي..
فيه رجالة لسه.
بس المشكلة انهم بيضيعوا ويتفرقوا وسط اللي (مش) رجالة..!!
والنتيجة ان عدد اللي (مش) رجالة بمعنى الكلمة بيزيد
وده اللي بيتاخد (للاسف) بصفة عامة عن الشباب..

اقولك زي ايه..؟؟
التدوين فكرة راقية جداا..
وانا مؤمن بيها وباحترمها..
(لحد دلوقت) تقريبا معظم الناس اللي فيها بتعرف يعني ايه تتابع افكار ناس وتحترم عقلياتها..
لكن بعد شوية ها ينتشر فيها الناس اللي مش بتهتم غير بالمظهر ويدخلوا (يعكوا) او (يعلقوا) عند الناس بازعاج لدرجة تكرههم في التدوين وتخليهم يبعدوا عن العالم اللي ها يبقى وقتها (اتلوث).
وبعد شوية هتلاقي اللي يقولك (التدوين ده بقى زبالة وشباب منفسن وافكار تافهه).

تعليقي طول وما اعرفش وصلت اللي عاوز اقوله ولا لأ .. بس حيت اقولك اني باهتم بكل البوست وحتى (تعليقاته)
واني قضيتك عندك وقت كبير استمتعت بكل البوستات اللي قريتها وعلى فكرة عجبني قوي طريقة وصف بوست :
أول انترفيو فى حياتى .

Timo.. يقول...

نسيت اعتذر لك على التأخير في الزيارة (وش مسكوف)
وكل سنة وانت بكل الخير (';')

Rosie يقول...

Timo
ياااه أنا ازاى ماشوفتتش تعليقك إلا دلوقتى..دا كنز...يالا ملحوقة..
بص أنا فهمت أنت عايز تقول أيه..و موضوع الوحش كتر لدرجة إنه غطى عن الحلو و بقى هو ده الفكرة السايدة بقى موجود فى كل حتة..الولاد و البنات و حتى حاجات كتيرة تانية مش بس البنى آدمين...ده احنا بقينا بنقول على مصر كلها كده..الوحش كتر فيها لدرجة اننا معودناش حاسين بالحلو..
بالنسبة للتعليق الطويل..فأنا بعزه جدا..طول براحتك يعنى و لا يهمك..المدونة مدونتك...

و أد أيه اتبسط أنك مكتفتش بآخر بوست و بصيت فى اللى فاتو كمان..أنا ساعات أول ما دخل مدونة أقرا كذا واحد عشان أعرف أكون فكرة كويسة عن المدونة...اتعلمت بقى من الأيام....
و كل سنة و انت طيب...و دايما تشرف المدونة..

الجمعة، 16 يوليو 2010

رااجل


الصورة دى بتعبر عن حالتى الأيام الفاتت...ندخل بقى على موضوع النهارده..

فى يوم من أيام الاجازة الطويلة كنت قاعدة أتفرج على حوار مع سيمون..و بغض نظر عن حوارات الممثلين و المغنين اللى طول
ما أنت قاعد تتفرج عليها بتبقى كل شوية بتتطمن على مرارتك سليمة و لا اتفعقت
خلاص..إلا إنه لفت نظرى حاجات اتقالت فى الحوار ده...
.. كانت المذيعة بتكلمها عن أغنية مصوراها بتعامل فيها الرجل معاملة وحشة..فالمذيعة قالتلها الناس اتخضت بقى و قالت اللى

بتعمليه ده..اللى عاجبنى أوى بقى هو رد سيمون لما قالت لها..أنا كنت مطلعة نماذج معينة من الرجال ..بيضربوا زوجاتهم
و يبهدلوهم و حاجات كده و قالت لها ..أصل المفروض كلمة راجل دى كلمة كبيرة..تحتها معانى كتيرة....راااجل......عارفة يعنى أيه؟

........و من غير ما حد يزعل منى يعنى ..هى معاها حق..
.و لو جيت بصيت فى الشارع و حواليك هتلاقى الكلمة دى بقت مش مفهومة..بقت حاجة عاملة زى الشفافية و الأيدولوجية وآليات و الكلام الكتير اللى بيستعملوه المسئولين عشان المواطن البسيط و غير البسيط يقعد

قدام التلفزيون أو الجريدة متنح و يقول: لا و الله كتر خير الحكومة...عملت أيدولوجية و استراتيجية فى جملة
واحدة و فى الجملة اللى وراها آليات و شفافية!!!..
مثلا
تلاقى فى ناس فاهمة المعنى أنهم يصحوا يضربوا gel اللى وقع شعر كل ولاد مصر و بعدين يلبسوا اللبس

اللى مفيش كلمات كفاية توصفه و بعدين يلبس السلسلة اللى متعلق عليها جمجة طالعة من فيلم رعب و يشرب سيجارته لغاية ما
أوضته تبقى و لا أحسن محل كباب و بعدين ينزل الشارع و دى قصة تانية بقى...


يأما نازل يقابل صاحبته (حكاية أنه مصاحب دى موضوع لوحده أما البنت نفسها فعايزة مواضييع عشان
تتوصف )
ياما رايح لصحابه و اللى طابعا لازم يثبتوا وجودهم فى الشارع و هم مجتمعين بربطة المعلم و ده عن طريق

أنك تصحى من نومك الساعة 4 مفزوع على صوت واحد بينده يا اشررررف..كأن الموبايلات أختفت من العالم..
ده نوع من البشر فاهم أنه يبقى راجل لما يعمل الحاجات دى...
فى نوع تانى أكبر فى السن شوية اللى بيبقى وصل لمرحلة أنه رايح يخطب و المفروض عايز يفتح بيت و يعمل عيلة و الكلام الكبير

ده...المفروض و المتوقع و المنتظر أنك تلاقى قدامك شخص مسئول كده فاهم يعنى أيه أبقى قد المسئولية.. لكن كل اللى
بتلاقيه حد عايز يفهمك انه داخل يتجوز بالمجهودات الذاتية..نظام انا راجل و كفاية كده ..مش مهم أى حاجة تانية..مش مهم احترم
كلمتى..مش مهم أحقق أبسط الحاجات المطلوبة..لييييه؟..لأنكم بتشتروا رااجل...
دى أمثلة لناس فاهمة كلمة راجل غلط...و فى جملة تانية مفهومة غلط..حكاية أنهم يحمدوا
ربنا لأن الرجالة عملة نادرة فى الزمن ده..هو الحقيقى أنه الرجالة اللى من الأمثلة دى مليين البلد..لكن اللى بجد بقى عملة نادرة

راجل بالمعنى الصح و برده بنت بالمعنى الصح..الاتنين بقوا عملة نادرة أوى...
طبعا مش معنى كده أن كل الولاد فى غيبوية و البنات ضايعيين و يالا نموت نفسنا بقى و شغل الاكتئاب بتاع الفضائيات ده..لأ طبعا فى

أمثلة أقل ما تتوصف بيه أنها مبهرة و تخليك تحس إن فعلا فى أمل.....
ملحوظة صغيرة: مش عارفة ليه لم حاولت أدور على صور رجالة مصريين ناجحين مبيتطلعليش إلا صور فراعنه...أكيد جوجل
بيهرج..


هناك 14 تعليقًا:

عايش... ولكن !!!! يقول...

قولى ورايا
الرجوله ادب مش هز اكتاف :) على راى اللمبى :)))
هو فعلا كلمة راجل فيها معانى كتير ومتنطبقش على بعضهم حتى الفراعنه بردو اكيد كان فيهم نفس النوعيه دى بس طبعا احنا عندنا النوعيه دى كتير حبتين

MeGltNa 3mr Wa2el يقول...

الحكمة الى بتقول الية بتعم و الحسنه بتخص الكلام ده كان ف الزمن البعيد
دلوقتي اها فيه ناس بيقولوا انهم رجالة وهما مش رجالة زي الترتر الى كان طلع موضة و البديهات الى تبين التراي و الباي و عامل نفسه فيها جاكي شان و هو ضارب على الاقل منشطات تكفي جمهورية اوسوسوا بحالها هههههههههههه
عندك حق ف معظم كلامك لسه فيه خير و عمار في مصر

Rosie يقول...

عايش و لكن
الحمد لله أنى متفرجش على اللمبى..عشان أشوف الحاجات دى..مش ناقصاه هو كمان..
..آه أنا بس كان قصدى فى موضوع الفراعنة إنى حسيت كأننا معملناش حاجة خالص ..و أن مصر تساوى فراعنة و بس و طبعا دى حاجة غلط..

Rosie يقول...

amr wael
عامة الحكمة دى مش كويسة قوى لأنها بتظلم ناس كتير..

العيسوى الصغير يقول...

على فكرة بالنسبة للفراعنة هما اسرتين تقريبا اللى عاملوا حضارة


فعلا فى كلام كتير نفيش له معنى محدد ودى ميزة والا هنلعب بالالفاظ ازى

The illusionist يقول...

فراعنه مين واسر مين
ايه علاقه التعليق بالموضوع يا عم الحاج
انتوا هتهبلونا ليه فى البلد دى اكتر ما احنا اتهبلنا

The illusionist يقول...

بص يا كوتش وفتح معايا
كوتش روزى
الرجاله فى مصر بقوا بيتوصفوا بالفاظ لامؤاخذه
بصراحه
متلاقيش راجل راجل بالمعنى
وغنى
الغنى بيبقى فرفور
ده اولا
الفقرا بقى
كلهم مش رجاله
ههههههههههههههههههههههههههههه
اكيد هتقولى انا عبيط
بس تلت تربعهم عيال لامؤاخذه شلاف جدا
ومبقوش رجاله
الراجله واولاد الناس فعلا
اللى من الطبقات المتوسطه لحد اللى قبل الاغنيه
دول فعلا رجاله
الراجل فى مصر انا من رايى ملوش غير وصف واحد
واحد مستجحمل البلا كلو
وصابر
وناوى يكمل
يشرب سجاير
انا كنت بعترض
بس والله يا منه
من صيق الحياه وبلاويها
انا عرفت الناس بتشربها ليه
فعلا حاجه تجيب الغم الاحول
وبتوع البنات والذى منه
دول بقى بيلقبوا بكلام عيب
مينفعش نقوله
وبالنسبه للرجال الناجين فى مصر
كتير
بس لو لاحظتى
بيمشوا من البلد الاول او بينجحوا بطلوع الروح وبعدين يسافروا
واخيرا
نورتينى
وحمد الله عسلامه

Rosie يقول...

العيسوى الصغير
بالرغم من the illusionist رد عليك..بس انا أحب أقولك أولا أهلا وسهلا فى المدونة ...نورت البيت..قصدى المدونة...

Rosie يقول...

The illusionist
بترد على الناس و كتابلى تعليق طوله مترين..مش عارفة أقولك أيه ..مبسووووطة..هاروديلك بقى حته حته..
هو أنا موافقة على إن الرجالة بقم بيتوصفوا بوصف extra
زى فى فيلم أحمد حلمى لما كان بيقوله أيوه يعنى مصرى و بس و لا مصرى و ظابط و لا مصرى..الخ
بقم بيقول راجل و غنى..راجل و فققير و كده..
بس أنا معترضه أنهم كلهم من الطبقة المتوسط..لأ فى من كل الطبقات..بس طبيعى اللى شال المسئوليو و اتبهدل فى الدنيا بدرى بدرى هيبقى حاجة مختلف غير اللى بيجلوا كل حاجة جاهزة.......
آه و ابعد عن السجاير...
نورت المدونة

(حلـم)،، يقول...

ازيك يا دكتورة




انشالله بالف خير



وانشاللة بكون نصيبك من راجل



يصونك ويخاف عليك من النسمات



كل سنة وانت طيبة



فتك بعافية



دمتي شامخة كاهرام بلدك

Rosie يقول...

حلم
الناس بتوع المدونة رجعوا تانى أهم..هيه..هيه..
و أنت طيب و شكرا تعليقك..

Timo.. يقول...

عارفة يا روزي..
فيه رجالة لسه.
بس المشكلة انهم بيضيعوا ويتفرقوا وسط اللي (مش) رجالة..!!
والنتيجة ان عدد اللي (مش) رجالة بمعنى الكلمة بيزيد
وده اللي بيتاخد (للاسف) بصفة عامة عن الشباب..

اقولك زي ايه..؟؟
التدوين فكرة راقية جداا..
وانا مؤمن بيها وباحترمها..
(لحد دلوقت) تقريبا معظم الناس اللي فيها بتعرف يعني ايه تتابع افكار ناس وتحترم عقلياتها..
لكن بعد شوية ها ينتشر فيها الناس اللي مش بتهتم غير بالمظهر ويدخلوا (يعكوا) او (يعلقوا) عند الناس بازعاج لدرجة تكرههم في التدوين وتخليهم يبعدوا عن العالم اللي ها يبقى وقتها (اتلوث).
وبعد شوية هتلاقي اللي يقولك (التدوين ده بقى زبالة وشباب منفسن وافكار تافهه).

تعليقي طول وما اعرفش وصلت اللي عاوز اقوله ولا لأ .. بس حيت اقولك اني باهتم بكل البوست وحتى (تعليقاته)
واني قضيتك عندك وقت كبير استمتعت بكل البوستات اللي قريتها وعلى فكرة عجبني قوي طريقة وصف بوست :
أول انترفيو فى حياتى .

Timo.. يقول...

نسيت اعتذر لك على التأخير في الزيارة (وش مسكوف)
وكل سنة وانت بكل الخير (';')

Rosie يقول...

Timo
ياااه أنا ازاى ماشوفتتش تعليقك إلا دلوقتى..دا كنز...يالا ملحوقة..
بص أنا فهمت أنت عايز تقول أيه..و موضوع الوحش كتر لدرجة إنه غطى عن الحلو و بقى هو ده الفكرة السايدة بقى موجود فى كل حتة..الولاد و البنات و حتى حاجات كتيرة تانية مش بس البنى آدمين...ده احنا بقينا بنقول على مصر كلها كده..الوحش كتر فيها لدرجة اننا معودناش حاسين بالحلو..
بالنسبة للتعليق الطويل..فأنا بعزه جدا..طول براحتك يعنى و لا يهمك..المدونة مدونتك...

و أد أيه اتبسط أنك مكتفتش بآخر بوست و بصيت فى اللى فاتو كمان..أنا ساعات أول ما دخل مدونة أقرا كذا واحد عشان أعرف أكون فكرة كويسة عن المدونة...اتعلمت بقى من الأيام....
و كل سنة و انت طيب...و دايما تشرف المدونة..