بالأمس كانت بريئة
تلهو وسط الأطفال
تظن نفسها مليكة
وكل ما حولها جَمال
قالو عنها ..جريئة
و لكن اليوم.. تبدل الحال
أصبح الخوف حقيقة
بعد أن كان المحال
و رأت الدنيا قميئة
و الانسان فيها رحّال
و قلوب بالحزن مليئة
من أجل حفنة مال
و من تبدو للناس رقيقة
و تبث السم فى الأقوال
تحسبها خطأ صديقة
و هى من قتلة الآمال
قصة.. تبدو عتيقة
حكاها العم و الخال
إنها .. .. قصة فتاة
بالأمس كانت بريئة
واغتالت براءتها الحياة
هناك 27 تعليقًا:
السلام عليكم
الله الله على كلماتك بجد جميله اوى
كل سنه وانتى طيبه
ياريت تشرفينى فى مدونتى
محمد
بالأمس..
كانت...
بريئة..
يا ترى ايه غير الحال (غير دوامة الحياة)...؟؟
......
.........؟؟؟
love is life
و عليكم السلام...شكرا لتعليقك..
و كل سنة و أنت كمان طيب..
Timo
حلو السؤال..شوفت الحاجة الوحيدة اللى مش مكتوبة و رحت سائل عليها...
بص اللى غيرها أنها كبرت..كانت طفلة و كل حاجة حولها كانت بسيطة و كل حاجة كانت بيجيلها ..لكن كبرت..و بدأت تتعامل مع ناس بره دايرة الأهل و الأطفال..شافت الناس بقت بتقطع بعضها عشان المصالح..حاجات كده..اتمنى اكون وصلت الصورة..
و شرفت المدونة..
هو انتى اللى كاتبه الكلام ده
وربنا انا عارف انو تعليق غبى
بس فعلا انتى اللى كاتباه
ده كلام حلو حلو يعنى
ده انا لو حتى حبيت انافق مش هعرف
ولو قولت تسلم اناملك وبتاع مش هينفع
بجد ده كلام جميل جدا
وانا بصراحه لا تعليق عليه
ولا حتى زودى ولا نقصى كلمه
ده كده كويس وفوق الكويس
وصف واقعي
استرسال متماسك
الخلاصة قضية لم تنتهي بعد
سلمت يداك
ودامت البراءة تتوشح اسارير وجهك
المسترسل بنور القمر
دمتي بود
جامده جدا بجد معرفتش اطلع اكتر حاجه عجبتنى لانها جميلة بجد
و جميله فكره الصور اللى فى الجمب دى
The illusionist
الإجابة للسؤال الأول..أى نعم انا اللى كاتباه ..
كده كويس و فوق الكويس...طيب أقول انا أيه بعد الكلام ده..كده كتير و فوق الكتير..هاها..
و حلو تسلم اناملك دى..منور دايما..
حلم
..احم احم..بسم الله الرحمن الرحيم..مش عارفة ليه حاسة غنى داخلة امتحان و انا برد عليك..
.......
عايزة أعلق على جملة الضية لم تنتهى بعد..هى الموضوع على طول مستمر..تقدر تقول كده..تتكرر القضية باختلاف الشخصيات.....
شكرا لك..
محمود نشأت
...حلو أوى إن حد خد باله من موضوع الصور..لأنها بتلفت نظرى عند الناس و بدخل أعلق عليها دايما...
...و شكرا جدل لكل كلمة كتبتها..
الله الله
كلماتك جميله جدا ومعبره
بس عارفة بعد ماقراءت بوست بالامس كانت بريئة
قلت وكان ايضا برئ
رمضان كريم
وكل سنة وانتي والاهل والاحباب وام الدنيا بالف خير وطيبين
العفوا ياسيدتي
انا ابسط بكتير من ماتتصوري علقي براحتك اسعد دوما بصحبة الادكياء
حلم
عمرو يسرى
عندك حق..أكيد بالأمس كان هو كمان برىء...
كل سنة و انت طيب و شكرا للتعليق..
حلم
و أنت طيب..و شكرا للتعليق مرة تانية
.....و ماشى يا متواضع هاعلق براحتى..
حلو اوى ياروزى
اسلوبك جميل مش مجامله
كل سنة وانت طيبة
كلامها جميل و مؤثر لان هى على فكره بتنطبق على اى واحد او واحده فينا مين فينا لما تولد و وقت طفولته مكنش انسان برىء؟!! و كل ما يكبر واحده بواحده بيبدأ يفهم كل حاجه و يشوف الدنيا و الناس اللى فيها اكتر واكتر
دموع القمر
ربنا يخليكى...شكرا و كل سنة و أنت طيبة..
crazy nemo
شرفت المدونة..و عندك حق هو ينفع يتقال إن ده مسار الحياة الطبيعى..كل سنة و أنت طيبة..
قصة.. تبدو عتيقة
حكاها العم و الخال
إنها .. .. قصة فتاة
حلووووووووووووووة كتير
حكاها العم و الخال
امممممممم
طب وليه براءتها اغتالتها الدنيا
ما كانت ممكن تستخدم استيكة في مسح كل اللي بيحصل حواليها من وقت للتاني
تتعايش وهيا مش راضية عن اللي بيحصل
هتعدي من الدنيا بنقاء كبير
عكس الناس اللي فعلا بتستسلم للي بتشوفه
اسلوب رائع جداااااااااا على فكرة
تسلمي يارب
3mr wa2el
شكرا للتعليق..
طالبة مقهورة
اهلا بك فى المدونة..و عارفة اليومين دول أنا كنت بفكر إن فى حاجات محتاجة فعلا تتمسح باستيكة من المخ..بس هنعمل إيه.. option
ده لسه منزلش..هو مش سهل إننا ننسى كل حاجة لكن أه المفروض منستسلمش و نتأثر بالحاجات السلبية..
حلو اوى ياروزى
ماشاء الله
كانت بالامس بريئة
امال ايه اللى جرى
رمضان كريم
تقبل الله منا ومنكم صالح الاعمال :)
دموع القمر
اللى جرا أنه عرفت الدنيا على حقيقتها..مبقتش بريئة أوى كده زى الاول..تقدرى تقولى بقت بتشك فى صوابع أيدها..هاها..
كل سنة و أنت طيبة..
بحثت فى ذاكرتى فلم أجد كلاما يصف هذه القصيده الرائعه
Crocodile tears..
Thank u so much........
إرسال تعليق