الثلاثاء، 22 يوليو 2008

الشاعر

أول ما شفته قلت الراجل ده شاعر
قالولى شاعر إيه بس. مين ده؟
قلتلهم ده بتاع كل المشاعر
قالولى ماعدتش موجودة فى الزمن ده

ده اللى بيحكى عن همومكم و يوصلها
قالولى واضح أن الطريق زحمة
ده موهوب و بيحكى عن الدنيا و حالها
قالولى ما احنا عارفين أنها لخمة

طب بصوا بأة أنا عايزة أبقى زيه
قالولى أنت اتجننتى يا شاطرة
ده هو اللى بيخلينى أحس أنى حية
قالولى مش هتفضلى صابرة

شوفيلك حاجة تنفع و تخليك ناجحة
قلتلهم معقول كده د أنا موهوبة
قالولى أنسى الكلام الفاضى ده يا فالحة
و بعدين يا هانم أنت موهومة

ياخسارة أحلامى كلها انهارت
و كل الكلام طلع مالوش فايدة
وحسيت أن دماغى دارت و دارت
و عرفت أن المصالح هى السايدة

فقت وقلت إيه اللى حصل؟أنا فين؟
قالولى انت فى مصر أم الدنيا
بصيت يمين و شمال و سمعت كلمتين
فعلا طلعت مصر مش رومانيا

عشان كده طلع كلامهم صح و مظبوط
سمعت كويس و بالحرف نفذت
و بعد شوية و الورق قدامى محطوط
قلتلهم كفاية خلاص زهئت

نزلت الشارع و فضلت أمشى و أمشى
و بعدين قابلت عم الشاعر
قلتله أنا كنت عايزة أبقى زيك بس ما نفعشى
أنت ازاى بقيت شاعر؟

قالى بصى أنا هاحكيلك حكايتى
انا قلت عايز أبقى شاعر قالولى ما ينفعشى
أيوة قالوا كده صدقينى يا بنتى
قلتلهم ده حلمى قالولى و أحلامنا متهمكشى؟

قلتلهم لأ أزااى عايزين إيه؟
قالولى أنسى الشعر و شوف حاجة تانية
قلتلهم معقول طب بس ليه؟
قالولى عايزينك مهندس قد الدنيا

و حققت أحلامهم كلها و قلت طظ فى نفسى
وعند أول مشكلة ما نفعتش الهندسة
و اديتها شعر و افتكرته بعد ما كان منسى
و رجعت شاعر زى ما كنت أيام المدرسة

قلتله يعنى الشاعر العظيم طلع مهندس
الشاعر المعروف صاحب الصيت
يعنى أقولك يا شاعرو لا يا باشمهندس
قالى ما تقوليش كده أنا راجل بسيط

هناك 7 تعليقات:

esraa negm يقول...

هاااااااااي منة..
عزمت نفسي على زيارة مدونتك
بس فين واجب الضيافة؟؟

حلوة اوي واحلى ما فيها بساطة كلماتها
واسلوبها السلس

Rosie يقول...

هاى إسراء...نورت المدونة ...بس ما تعتبريش نفسك ضيفة أنت صاحبة بيت..هاها
شكرا على كلامك الجميل و على زيارة المدونة..و أتمنى أعرف تعليقاتك على طول..

esraa negm يقول...

المدونة منورة بصحابها اكيييد
موافقة هعتبر نفسي صاحبة بيت بس يارب ما تزهقيش

ايمان اسامه محمد عواد يقول...

ايه الكلام الحلو ده
شعر كمان يا منه
و مين المهندس اللى بقى شاعر ده
بيفكرنى بناس كده
بس فى النص بين الهندسه و التاليف
ما اشتغلش شويه مدرس هاهاها
جميل يا حبيبتى خساره انك ما دخلتيش اعلام

Rosie يقول...

شكرا على التعليق يا ميس ايمان..ما تتصوريش انا بتبسط بيه اد ابه..
أما بالنسبة لشاعر اللى بقى مهندس فانا كان قصدى الشاعر على سلامة و هو بيكتب فى الدستور و المصري اليوم.بس طبعا أنا ماقبلتهوش و لا حاجة.الحتة دى كانت افتراضية ..أنا شوفته بس فى التليفزيون.و أنا عارفة أنه فكرك بنفسك شوية..اما بقه موضوع الشعر فانا المفروض انى باكتبه من زمان بس كان بشكل مختلف شوية..

ضحكات الحياة يقول...

و ها هو الواقع
كلمات جميلة و بسيطة
عايزين نشوف جديد ان شاء الله

Rosie يقول...

The broken heart
شكرا للتعليق..و فعلا هو ده الواقع للأسف.فلسنا دائما من نختار بل احيانا يفرض علينا أشياء كثيرة و علينا التعامل معها..

الثلاثاء، 22 يوليو 2008

الشاعر

أول ما شفته قلت الراجل ده شاعر
قالولى شاعر إيه بس. مين ده؟
قلتلهم ده بتاع كل المشاعر
قالولى ماعدتش موجودة فى الزمن ده

ده اللى بيحكى عن همومكم و يوصلها
قالولى واضح أن الطريق زحمة
ده موهوب و بيحكى عن الدنيا و حالها
قالولى ما احنا عارفين أنها لخمة

طب بصوا بأة أنا عايزة أبقى زيه
قالولى أنت اتجننتى يا شاطرة
ده هو اللى بيخلينى أحس أنى حية
قالولى مش هتفضلى صابرة

شوفيلك حاجة تنفع و تخليك ناجحة
قلتلهم معقول كده د أنا موهوبة
قالولى أنسى الكلام الفاضى ده يا فالحة
و بعدين يا هانم أنت موهومة

ياخسارة أحلامى كلها انهارت
و كل الكلام طلع مالوش فايدة
وحسيت أن دماغى دارت و دارت
و عرفت أن المصالح هى السايدة

فقت وقلت إيه اللى حصل؟أنا فين؟
قالولى انت فى مصر أم الدنيا
بصيت يمين و شمال و سمعت كلمتين
فعلا طلعت مصر مش رومانيا

عشان كده طلع كلامهم صح و مظبوط
سمعت كويس و بالحرف نفذت
و بعد شوية و الورق قدامى محطوط
قلتلهم كفاية خلاص زهئت

نزلت الشارع و فضلت أمشى و أمشى
و بعدين قابلت عم الشاعر
قلتله أنا كنت عايزة أبقى زيك بس ما نفعشى
أنت ازاى بقيت شاعر؟

قالى بصى أنا هاحكيلك حكايتى
انا قلت عايز أبقى شاعر قالولى ما ينفعشى
أيوة قالوا كده صدقينى يا بنتى
قلتلهم ده حلمى قالولى و أحلامنا متهمكشى؟

قلتلهم لأ أزااى عايزين إيه؟
قالولى أنسى الشعر و شوف حاجة تانية
قلتلهم معقول طب بس ليه؟
قالولى عايزينك مهندس قد الدنيا

و حققت أحلامهم كلها و قلت طظ فى نفسى
وعند أول مشكلة ما نفعتش الهندسة
و اديتها شعر و افتكرته بعد ما كان منسى
و رجعت شاعر زى ما كنت أيام المدرسة

قلتله يعنى الشاعر العظيم طلع مهندس
الشاعر المعروف صاحب الصيت
يعنى أقولك يا شاعرو لا يا باشمهندس
قالى ما تقوليش كده أنا راجل بسيط

هناك 7 تعليقات:

esraa negm يقول...

هاااااااااي منة..
عزمت نفسي على زيارة مدونتك
بس فين واجب الضيافة؟؟

حلوة اوي واحلى ما فيها بساطة كلماتها
واسلوبها السلس

Rosie يقول...

هاى إسراء...نورت المدونة ...بس ما تعتبريش نفسك ضيفة أنت صاحبة بيت..هاها
شكرا على كلامك الجميل و على زيارة المدونة..و أتمنى أعرف تعليقاتك على طول..

esraa negm يقول...

المدونة منورة بصحابها اكيييد
موافقة هعتبر نفسي صاحبة بيت بس يارب ما تزهقيش

ايمان اسامه محمد عواد يقول...

ايه الكلام الحلو ده
شعر كمان يا منه
و مين المهندس اللى بقى شاعر ده
بيفكرنى بناس كده
بس فى النص بين الهندسه و التاليف
ما اشتغلش شويه مدرس هاهاها
جميل يا حبيبتى خساره انك ما دخلتيش اعلام

Rosie يقول...

شكرا على التعليق يا ميس ايمان..ما تتصوريش انا بتبسط بيه اد ابه..
أما بالنسبة لشاعر اللى بقى مهندس فانا كان قصدى الشاعر على سلامة و هو بيكتب فى الدستور و المصري اليوم.بس طبعا أنا ماقبلتهوش و لا حاجة.الحتة دى كانت افتراضية ..أنا شوفته بس فى التليفزيون.و أنا عارفة أنه فكرك بنفسك شوية..اما بقه موضوع الشعر فانا المفروض انى باكتبه من زمان بس كان بشكل مختلف شوية..

ضحكات الحياة يقول...

و ها هو الواقع
كلمات جميلة و بسيطة
عايزين نشوف جديد ان شاء الله

Rosie يقول...

The broken heart
شكرا للتعليق..و فعلا هو ده الواقع للأسف.فلسنا دائما من نختار بل احيانا يفرض علينا أشياء كثيرة و علينا التعامل معها..